《多想和你再見一面》插曲 好久不見 演唱有驚喜【利申】我認識電影的幕後工作人員陳大哥知道電影由籌備到拍攝完成很不容易受邀睇優先場 最後我都婉拒買飛入場幫襯 作為影評人我永遠都站在觀眾立場去寫【何超蓮 女主角】○何超蓮既演技 比我想像中好例如佢飾演少女時 行路彈下彈下講蠟筆小新話 但唔會令人覺得做作○有幾段戲都演得好在家門外坐著流淚 被爸爸倒垃圾發現短短幾秒就演到 扮無野 唔想俾爸爸知道自己喊被關心後又喊出來 喊戲要有控制想喊而忍喊 係演喊戲的第一個階段○上到北京找男友被綠茶婊設計裝作男主已出軌先雙眼通紅 又怕被情敵發現眼淚不爭氣地滲出來 在快失控之前就離開○在床上心如死灰 聽男主的BB CALL留言面無表情 淡然哀傷 眼頭結聚一滴淚○拾取男主遺下的戲票照片手指的顫抖 去演拾起和不捨效果未算超班 但亦值得拍案讚賞（新演員大多肢體表達能力較弱步姿 肩 背 手既變化較少第一次演戲 就嘗試用手去表演睇得出對表演是有熱誠 認真）○何超蓮演出 欠缺咗一樣嘢就係含羞答答嘅表情因為佢本身係笑得靚嘅 佢亦都鍾意笑但係電影入面 佢係唔應該每一個笑容都咁燦爛要有層次感可以尷笑 傻笑 恥笑 整蠱笑在戀上男主既階段 應該要有一個位係害羞淺笑咁樣女主愛上男主 就會更合理和豐富【此沙 男主角】○電影明顯缺點 面譜化的戆男 男主角角色缺乏動機 轉折 慾望 及成長曲線例如佢點解會有強烈嘅動機轉折去令到佢突然間好想起條橋亦沒有男主角任何明顯情緒起伏及爆seed只有最尾音樂嚮起 就咇左兩滴眼淚並不一定是男主角演技不好 而是設定上沒有太多戲給他演（同樣主角是功能性演員 就有《門徒》吳彥祖）○前段有個爆炸場面男主角爆完炸之後第一個行為竟然唔係擰轉身望下發生咩事而係攞隻手為女主角撥煙乜你唔驚再爆再炸死你架咩？哩個行為很不合理 非常出戲【影評】○第一條預告片 吸引力不足○第二條終極預告 吸引力較好補充情侶異地戀時既 磨擦阻礙難關○套戲本身肩負國家任務慶祝澳門回歸25週年電影當中 歌頌回歸情節算係好輕 並不影嚮觀賞體驗（《十月圍城》也是主旋律同樣有中影集團資金 但亦是一套很好的電影）○所有既愛情電影 都一定要深情就像《我談》做老千仔既張天賦都要係一個 情深款款既老千仔○呢套電影何超蓮就做得到 而男主角就爭少少○「頭好 中廢 尾精」電影既頭段算係幾好 無啦啦玩爆炸中廢亦相當合理 異地戀其實係好難寫因為有景無人 有人又缺腳《春嬌與志明》 都要春嬌北上搵志明 先有戲可做所以哩套戲北上既情節 其實應該要加戲做大佢○可以嘗試在前段加入喜劇效果例如兩人在橋底之下講夢想如果喜劇化處理 男主講佢戇男夢想時何超蓮就可以露出 見到KamL哥布林既表情就好似周星馳同大師兄講 少林功夫加唱歌跳舞黃一笑果下既表情而呢一個設定 係後面就可以反轉男主角既可笑既夢想 經過學業 事業及愛情打擊後更堅定佢既信心 我要連結中國同澳門既港珠澳大橋要隨時都可以返黎 見到我最深愛既人少年時既夢想 逐步成真（預言式寫法）○另外曾志偉果條父女線應該要輕輕地加入何超蓮問佢爸爸點解咁愛我媽媽「當年你媽媽只係來澳門教書經過我檔口 食左一串牛雜 就跟左我緣份可以將遠隔千里既人 拉埋一齊你媽媽 始終都住係我心入面 無走過」○而bosco太遲先出應該刪除中段救災戲 要係中段就插bosco入去bosco設定為失婚兜茂廢中在澳門避禍 一直唔敢返香港係一個好鍾意表達自己嘅心事乜都講出嚟 仲會批評女主角唔好成日表面樂觀 但係收收埋埋同何超蓮有霧水姻緣 因為個女突然間有cancer負起老豆既責任 返去香港照顧女兒留低一支 插著煙的花 俾何超蓮叫佢唔好放棄追尋自己幸福 煙花易冷○男主角身邊肥仔 雖然係功能性角色都幾有心機演 就算只得背景1/4 佢都在演戲有種睇緊尹天仇既感覺【總評】因為肩負國家任務 以及劇本定調了異地戀所以可以調整空間不大 編劇亦巧妙地沒有談及 北京仔同牛雜妹 誰的家景高低以免引起兩地人反感 能完成任務下亦能交出尚算合格的愛情片 絕對係超班完成○電影初段精彩 中段略拖 如果剪走中段5min或將bosco戲份移至中段 整套電影會更為精彩○評分4分影評#清仔影評 @ching_hkmovie電影#多想和你再見一面 @promiseofdecadesmovie導演#徐欣羡 @iansin1205 #唐家輝 演員#何超蓮 @laurinda_ho #此沙 #曾志偉 #黃宗澤
顯示更多
收起
4
0
0
