加菲貓:勇闖世界

上映日期: 2024年10月3日 片長: | 101 分鐘 級別:
I
3.9
評分
268 讚好 46 影評
全球知名大食懶家貓加菲貓(麥沛東 聲演),每日足不出戶享受外賣pizza和千層麵,與及狗狗朋友阿的貼心的服侍。一晚,當加菲準備食宵夜時,突然和阿的一起被神秘敵人綁架,因而意外與他失散多年、首次於大銀幕現身的父親 – 不羈流浪貓阿肥(林雪 聲演)重聚。加菲和阿的被迫跟上阿肥,展開瘋狂惹笑又溫馨滿瀉的野外冒險,並揭開不為人知的身世之謎。
顯示更多 arrow-down
loading
影評
詳情
場次
Super086
Lv. 10
star 4.5
窩心嘅合家歡電影
本身對加菲貓認識唔多,喺片裡面佢嘅形象就係好為食。除咗相當精彩嘅歷險情節,最令我動容嘅係佢同爸爸嘅關係。係一套劇情相當正路但好睇嘅合家歡電影。4.5/5 (90分)
顯示更多 arrow-down
9  負評
0  回應
責任影評
Lv. 10
star 3.5
中規中矩,四平八穩,適合兒童觀看
正常發揮嘅一套兒童向加菲貓動畫電影,簡單易明,小朋友應該會睇得開心。大人就唔好期望會好似Toys Story、史力加或minions咁大人都睇得好開心。我睇嘅係粵語配音版,配音效果ok嘅。不過我懷疑今時今日有幾多小朋友會識或喜歡加菲貓。
顯示更多 arrow-down
18  負評
3  回應
Andymyf
Lv. 10
star 4.0
與時並進的文化,獨具慧眼的粵配
加菲貓都接近50年歷史,其實新生代到底仲識唔識?我入場主要係集體回憶,睇下加菲身世,佢同阿北相遇已經有主奴關係,加菲BB主子好可愛;另一方面同加菲老豆互動都好睇,段父子情有少少老土但都算言之有物。.無諗過新作幾與時並進,除左有Catflix仲有無人機送外賣!整體觀感輕鬆好笑亦有劇情,當中場火車對決都幾精彩,最後能夠令加菲放下美食真係好大轉變,不過今集阿的都好似聰明敏捷左好多。.另一個想入戲院睇係想聽下林雪為動畫配音,估唔到佢又幾夾個老豆個角色,但我一度懷疑雪哥有少少踩界爆粗,哈哈。麥東配音幾生鬼,果種懶醒既感覺好出。電影公司搵佢兩個配音都幾大膽,效果值得一讚,獨具慧眼!.觀影平台: MCL The One.IG: AndyMyFilmography/ #AndyMovieReview
顯示更多 arrow-down
2  負評
0  回應
Kurtis
Lv. 10
star 3.5
加菲爸爸笑笑和解記
***此內容含有劇透,按此查看更多***
4  負評
0  回應
mumug
Lv. 10
star 5.0
十分好看
父子重逢,貓奴食極都唔窮。BB加菲超可愛
顯示更多 arrow-down
0  負評
0  回應
kakaka電影吶喊區
Lv. 10
star 3.5
搞笑配音加強港味
#搞笑配音加強港味 加菲貓大電影系列相信相當深入民心,加上近日熱映的《談判專家》,公佈配音前都令影迷熱議青雲會否回歸作加菲貓的配音,不得不說青雲的聲演真的成為了無數人的回憶,當然麥沛東的聲演亦比想像中好,只是心入面難色有個框架覺得加菲貓的聲線會比較低沉。 搞笑配音加強港味,留意到連字幕都改成粵語,實在相當有心思,雖然我個人而言一直都不太喜歡看粵語字幕,感覺上相比起書面語更難跟得上,不過對於這次富強烈的對白,改為粵語字幕的確為電影提升一種味道,貫徹加菲貓電影的風格。對白上雖然跟原文翻譯,但不難看出對白調整過,加入大量港式潮語,將笑點昇華,同一句說話經過地道廣東話說出來份外有親切感,不過在場的小孩及較年長的觀眾則未能樂在其中。 承上,麥沛東為加菲貓配音比預其中要好,但缺乏了一份慵懶感,聲線比較活潑,與加菲貓的性格有點格格不入,不過麥沛東的外形特徵的與加菲貓相似,以聲線聯想到他真人都相當有趣;至於篩去髒話的林雪一開聲已經令人忍俊不禁,為加菲貓爸爸阿肥配音的確入形入格,不太標準的廣東話相當配合角色,沉穩的聲線作為父親一角相當合適。 - #荷里活票房力壓MadMax 今年荷里活滑鐵盧,接連幾套荷里活大片都相繼失利,《加》一度成為票房救星,外國傳媒大肆報道票房力壓MadMax,觀影過後雖然未有相當驚艷,但輕輕鬆鬆的觀影過程都難怪票房魚貫,可能荷里活正正需要這類型輕鬆小品才能自救。 - #有笑有淚適合一家大細 作為成年人去觀影都是一個不俗的體驗,電影有笑有淚,雖然劇情比較兒童向,但對白上的改動都有照顧到一班成年人,而阿肥忍痛將兒子送走一幕真的營造到一鼻子一酸的感覺,其餘劇情走向都正正常常相當大路,不過不失。 正值長假期,相當推薦家長攜同小孩一同入場觀影,適合一家大細假日之選。
顯示更多 arrow-down
3  負評
0  回應
私隱政策
使用條款
免責條款
65a7297