薄荷糖

1.雖然呢度經常同大家介紹韓國電影，但其實太多譽為經典嘅韓片我都未睇過嘅。『薄荷糖』過往有幾次擦身而過嘅機會令我錯失咗，終於逼到自己喺電影中心重影嘅時候入場觀看，完全明白點解呢套戲有咁高嘅位置。-2.多得近年韓國推出一連串歷史相關電影，所以當大家睇返『薄荷糖』時會聯想起同咩歷史事件有關。.如果同我一樣對韓國近代史略知一二嘅話，係非常容易估到電影脈絡。主角身處韓國最動盪嘅時代，導演刻意挑選當中某啲年份嚟寫佢嘅經歷 - 本身擁有美好光華嘅年輕人，喺大時代中不由自主地崩壞，既係寫人，亦係寫整個國家。.電影透過倒敘勾起觀眾對男主角最終決定感到好奇，再逐步拆解過往如何影響佢整個人生，如果套戲係順序表達實在冇而家咁震撼。-3.踩碎嘅薄荷糖有如將自己純潔嘅心粉碎、一串笨重嘅鎖鑰展示失去理想後盲目透過物質填補自己心靈空白、老婆無論做愛定食飯前都虔誠地祈禱反映宗教嘅偽善，做咗好多污糟邋遢野以為透過宗教就能贖罪，真係好笑。.由工人變做警察再從商，不斷轉變嘅身份彷彿表露永浩迷失自我嘅階段。.另外有幾個互相呼應嘅位幾特別，好似最初女朋友要求永浩教佢踩單車，結婚之後出軌嘅對象竟然係教車師傅；明明自己唔鍾意隻狗，但自殺前竟然用「掛住隻狗」做藉口探前妻。人生永遠充滿着咁多呢啲矛盾而又黑色幽默嘅事情。.無論如何，人生無辦法「回到過去」重新選擇每個決定。永浩悲慘一生係時代巨輪所逼成，明明好多地方有權選擇但自己的唔過內心嘅責備，逼自己走上絕路。-

終於有機會在銀幕上看到，十分喜歡李滄東導演的作品，好看！耐看！