旺卡

重要的当然不是剧情，看着开心看着梦幻就好了！ 歌好听，甜茶真的好帅，好期待沙丘2啊！ 最后，那个小矮人也好好玩 哈哈哈哈哈

電影色彩繽紛、輕歌漫舞，劇情輕鬆有趣、親情友情，“朱古力本身不是重點，重點是和你分享朱古力的人”，愛意滿滿，並不帶點憂愁。假期值得一看的老少咸宜的歡樂電影。

故事大概不用多評, 都係咁上下果啲嘢, 返而較欣賞其制作方面。故事流暢富幽默感, 有啲細位幾有趣幾好笑。男主角幾有charm幾靚仔, 又歌又舞, 表現不俗。Mr Bean 同Hugh Grant 嘅客串亦能帶出趣味。音樂、美術、CG、畫面設計、....等等各方面同樣出色。整體嚟講係一套不錯嘅作品。

一開場男主角就以音樂介紹故事背景，係一個人人都喜歡食朱古力嘅城市，而男主角造出來嘅朱古力係有各種神奇效果，歷險過程有高低起伏，但整體來講充滿歡樂，各種童話式奇幻情節配上動聽音樂，讓觀眾全程投入，而到最後媽媽嘅"秘密"竟然如此簡單但又如此感動。係一套難得一見嘅窩心奇幻電影，不容錯過！4.8/5 (96分)

今日同太太去全景聲戲院睇哩套戲張櫈會跟住畫面顛簸或隨住音樂震動 算係一種新體驗但唔算睇得好舒服 試過一次就夠喇電影本身幾好睇 色彩繽紛 想像力豐富 充滿歡樂氣氛好適合喺聖誕🧑‍🎄檔期欣賞 可以進一步提升普天同慶嘅情緒不過嗰啲色彩鮮艷又食後有意想不到效果嘅巧克力🍫看上去似糖果🍭多過朱古力故事係Charlie and the Chocolate Factory嘅前傳同原作者Roald Dahl完全無關 係電影公司嘅另行創作不過仍保留Roald Dahl嘅風格 起碼善有善報 惡有惡報歌曲動聽 舞蹈悅目尤其最後那首Pure Imagination更係1971年版本嘅主題曲算係對前輩致敬吧只可惜主角Timothee Chalamet歌藝有待改善遠不及Gene Wilder或Barbara Streisand嘅版本但無損故事奇幻快樂嘅風格 絕對係應節最佳娛樂之一

頭半段講男主角如何被騙要賣身。在心中所向的美食薈被三大競爭對手打壓。即使困在最底。仍去找尋法子去反抗。劇情幾適合去放空，有困難就好自然就唱走。朱古力重要，而最終揭曉跟誰分享更重要。今次就更適合同媽媽一齊開心睇，或者跟最重要的人。女主角首次食朱古力但又好抗拒，因為心怕之後無得再食如此美味。要是我的話，寧願後悔好過一齊錯過。好似男主角有如此才能，可以製作出與眾不同又經濟的甜點，自然就有人妒忌而背後被人搞砸。一來就已經好自信，雖不識字但卻可以發明實用提效的裝置。朱古力在旺卡世界可以當成貨幣。他尤其想借便宜的朱古力來普及，令到鑽石般的奢侈品變成窮人都食得的東西。《朱》就大概反派出場先有歌，今次就全程都是歌唱！最有趣是一幕三大壞人一齊跳舞去賄賂警察局長。豆豆先生出場，已經不自覺笑在嘴邊。一樣的電梯也是通往秘密所在的房間。男主角跟薩巴小矮人的互動搞笑。雖然「高佬」回不島，但跟着男主角日子應該更好。兩位隨身行李箱都各有特式，男主角各種機關的流動工作坊，而小矮人的隨身連床房間亦好可愛。比起被困的配角，黑心旅館的兩公婆被人誤導亦好搞嘢亦更立體。視覺設計上，除了上述巧妙的機關，色彩繽紛造型各式的朱古力都好吸引，最愛媽媽所寫金色亮身的手寫字跟家族姓氏！劇情上還是細想還是略有奇怪，好似三大老闆用秘密珍重的朱古力漿來浸死男女主角，明明之前還手持槍械。如果我是其中一間公司，立即招他入來開發新甜品再壟斷獨大。而臨時租的店全部「擺設」都可食用，雖然幾夜之間魔法地整好。偷走出去明目張膽地賣朱古力人人皆知，可能酒店老闆娘的愛情魔力太強啦！故事就不算過癮，但勝在氣氛混和。《朱古力掌門人》可能新世代觀眾無睇過，但男主角先前在《沙丘》、《骨肉的總和》等佳作都擔正，應該還是有不少粉絲。而今次除去了《朱》的較為黑暗一面，平行世界中提煉出高濃度的愉悅奇幻感！