風再起時

已二刷一刷是優先埸當時覺得導演想講好多野2.5小時顯得太倉促決定二刷比多次機會每一幕都很出色但砌埋一齊就……3.5星係希望鼓勵導演繼續努力下一部電影沒有一個導演套套都得架💪💪

雖然故事呈現得較為鬆散，但其實仔細留心體會，會發現編導對故事、對年代、對人物的獨有詮釋。

比起以往拍有關四大探長題材的電影，這一部可說相當另類，很多關於愛情的支線，也有很多回憶。如果你有興趣拍電影或短片，全片演員的演技發揮，場面調度和分鏡，氣氛和配樂都一流，可惜講故事嘅節奏略緩慢，我好比心機睇，但旁邊的女伴瞓著咗幾次

個人覺得今次翁導的確沒令人失望，他各方面也處理很精彩同細膩，令觀眾目不暇給。我會形容他的確可以令四大探長系列有一個全新同完美的新演繹。其實個人覺得他唯一的缺點就是有些位的確空洞了，如有六小時版本來填補，效果會更完美。他我睇到翁導想藉這個故事來借古諷今，這方面他是處理得好，而劇本處理上，他也是繼續保持他一貫的高水平，每個章節也環環相扣同很精準。而阿王、朝偉以至到許冠文互相之間的演技碰撞同演繹也是令這樣更突顯。好令整套戲更有張力。而技藝上，無論鏡頭攝影、美術服裝、剪接音樂，也是令如我這類技藝控十分著迷，精準之餘也雕琢得很美。而同時也不失這個系列應有的質感，我覺得這套的技藝好有王家衛影子。個人覺得翁導今次在這方面處理的確突顯出他上乘的質素。最後我只想講一句，評價一套戲不應只著重一時的感覺，的確有些戲需要一段長時間來沉澱，風再起時正正是這類。我會形容他有如一支有很大潛力但未夠時候的威士紀，我信他應該在未來必成大器。痴·影·夢·藝 X 的專頁 https://www.facebook.com/ckwunmovie/

故事主要喺日治時期到廉政公署成立，兩位主角嘅事業同愛情交錯描寫，過程雖然慢，但唔覺得悶，順便可以了解一下香港當時嘅環境(作為90後，對呢段時期無咩認識).4.3/5 (85分)

大陸賀歲片 本來冇打算睇但因為兩個名字於是買飛捧場：梁朝偉和春夏印象中梁朝偉冇拍過講六七十年代貪污警察嘅片至於春夏 因為支持「白紙革命」被大陸封殺 所以要支持可惜電影對象似乎唔係香港人 唔怪得喺大陸賀完歲至輪到香港電影講到由於香港係英國colony殖民地（奇怪大陸會容許電影這樣形容英佔時期 政治不正確）又想以華制華 於是容許警隊貪污 建立地下秩序講到英治時期好烏煙瘴氣 鬼佬對香港管得一無是處咁否定英國人對香港繁榮安定嘅貢獻可能係電影優先在國內上演嘅原因吧其實自從1991年《五億探長雷洛》後香港人睇咗好多六七十年代貪污警察嘅故事例如李修賢《四大探長》向華強《藍江傳》狄龍《廉政第一擊》呂良偉《跛豪》甄子丹《追龍》⋯⋯其實真係好厭好膩 近乎每隔幾年電影公司就幫港人重溫歷史可惜唔知係唔係電影行業同黑社會關係太密切又或者驚有牌爛仔唔鍾意黑歷史被翻出嚟電影總係將哩啲貪贜枉法嘅探長美化人性化亦將嗰個警賊不分警匪勾結嘅時代浪漫化 甚至史詩化攪到我有啲舊生睇完話「讀唔成書可以當差 發大逹賺大錢」唔怪得有咁多毅進仔輕易加入請唔夠人嘅警隊而自ICAC成立後曾經一度挽回民心嘅警隊近年每況越下至於電影本身人物太多 個個都係好戲之人結果人人都要有戲份 攪到兩個幾鐘嘅劇情散收收袁富華太保吳卓羲周文健艾迪劉洵尹揚明謝君豪張可頤譚耀文白只吳耀漢金燕鈴張松枝得幾句對白張繼聰張雷車保羅陳國新林耀聲印象中連對白都冇兩位女主角杜鵑同春夏加埋唔夠一個女配角應有嘅戲份同尊重許冠文出現喺一頭一尾 雖然搶鏡 但咁首尾呼應嘅演出好難攞男配角獎喎至於兩大影帝喺群戲下 所佔戲份唔算好多 仲要插入徐天佑同林耀聲演嘅「少年時代」七除八拆下 對手戲少得可憐 談唔上乜嘢演技大鬥法（不過點都好睇過《追龍》入面嘅劉華vs甄子丹）正因為導演野心太大 想講嘅太多 演員想演嘅就更多 電影長到兩個幾鐘都交代唔晒於是迫於無奈 唯有向王家衛「致敬」（偷師）加入咗《花樣年華》式嘅男主角旁白由兩大影帝輪流聲音導航 勉勉強強完成咗二人合作「講故事」嘅環節咁就死得啦 導演翁子光憑《踏血尋梅》攞過最佳導演同編劇獎用電影講故事 今次居然講得咁論盡 唔清唔楚 冇新意 令人非常失望希望翁導演下次反璞歸真減少演員數目 減少故事枝葉 有個主題 有個明確嘅目標 然後至好開戲呀如果繼續大堆頭大卡士 只顧迎合大陸市場品味 就唔好預我同香港觀眾喇 唔該