機動警察 劇場版 和平保衛戰

電影第二作依舊由押井守領軍，聯同一眾知名製作人包括高田明美、伊藤和典、出淵裕、Katoki、今敏、川井憲次、....等等。電影仍然走陰沉路線，故事涉及日本國內政治及社會議題，戰鬥場面偏少。無疑娛樂性較低，但有深度嘅故事劇情同出色嘅設定及制作令此作仍然係一套值得一看嘅作品。但欣賞前必須要調節一下心態....呢套唔係一套爽片，係要用腦去睇嘅劇情片。

明白是有故事帶出，但文戲過份沉悶且長，少了戲劇娛樂性，武打欠奉，過份另類唯美。

這真的是片中有的對白，想不到未有 Eva 前，日系機械人動畫已經淪為「講演會」，押井守一向「燒腦」，撚氣氛看似一流，可惜看完兩部，仲要是電影，拍機械人打鬥，只屬九流，偷雞偷得十分嚴重，大佬呀，話晒係電影版，至少要3隻英格倫，大戰兩隻飛船吧！？同樣撞飛船，七十年代舊西片「黑色星期日」至少集中營造緊張的氣氛！（先不理會舊西片中「巴解」的形象。）

由第一部時間線過咗3年 一開波我差啲認唔到野明同遊馬 可能3年黎有經歷個樣成熟咗😂其餘人啲樣好似畫風唔同曬 另外啲搞笑位依然仲有 細個睇TVB個陣唔記得劇場版定TV版 後藤隊長叫大家準備個陣用三格廁紙就夠 今次由呀繁（維修部組長） 同大家講只可以用15CM廁紙 我心諗得格半點用呀😆。咁今集依舊係圍繞政治做主題 文戲比較多 新朋友睇可能唔清楚講乜或者有啲悶 建議睇第一部易理解。大動作場面就比較少 睇4DX可能有啲蝕 效果得啲搭𨋢坐車坐船坐直升機戰機會郁下震下 特別嘅有落雪場景 係咁而飄啲雪落黎 仲有放閃光 閃到我眼痛 其他就係見水噴水 有風吹風 其餘時間就得靜靜係到睇戲 （有一幕係地下道爆地下水會噴啲臭水出黎🥲）

唔好同我講原著乜乜物物此片賣機動警察，片長114分鐘機動警察登場不足五分鐘。內容已經不重要。

我淨係接觸過押井守主導嘅機動警察，系列風格都係角色交流、政治角力同睇呢個小部門喺官僚體制限制下靠後藤同南雲嘅才智同人脈帶領特車二課解決下至普通機械人犯罪、上至國家級危機(劇場版3二課甚至淪為客串),所以機戰一直都唔係主力。呢套都唔例外，Patlabor都只係輔助雙方達成目的嘅工具，到最後一步仍然要靠人解決