巴利薛爾：飛常任務

雖然根據真人真事改編，但劇情過於誇張兒戲，可幸湯告魯斯演得自然。

今次老湯唔駛跳來跳去，搵命搏，但同樣甘精彩。揸飛機走私，可以做到國家英雄，銀紙多到似厠紙，甘話唔神奇，雖然最後死於非命。老湯輕挑傲慢的表情，真係幾可愛，好似重溫一下"甜心先生"。世間事，真係可以好輕鬆的，如:革命軍，推翻政權，世紀大毒梟，跨國運毒可以好輕鬆。行行出狀元，大家千祈唔好甘灰心，只要努力和專注，一定會有成就。奉勸一句: 出來行，預左還，因果報應係走唔甩。關於本套片，笑料不少，開開心心，值得去看。側面去看，笑聲回后，美國佬真係好衰，世界好多壞事佢都係幕後黑手。

要錢定要命，有份高薪厚職吾做，去做走私自粉，結果賠上性命。其實睇trailer已經都知道大部分劇情，巴利薛爾故事題材吸引，真人真事改變，導演用左一個好輕鬆既拍攝手法。劇情豐富，有娛樂性，有追看性，淨睇Tom Crises，算係發揮水準高的一部，其他演員無發揮比下去。

此戲中湯告魯斯演巴利西爾（Barry Seal)，真人真事，此人原為TWA 年青機師，飛行技術了得，因此介入政治、軍事及運毒，財富滾滾而來，多到屋內擺唔晒，要在屋外掘地埋藏，真係一個傳奇人物。戲內仲有另一中情局人物沙發，由當奴基利遜飾演，佢亦係資深好戲之人，大家睇過「原力覺醒」同「神鬼獵人」等，都應該記得。兩人在戲中有不少對手戲，都相當有趣。類似巴利西爾的人，在現實中比比皆是，唔係唔安份，而係貪到過籠，離晒大譜，這就是天主教所講嘅七宗罪中之貪饕，即係巨貪。本來經濟學理論講，正因人性貪婪，所以才促進經濟發展，記得張五常教授講過，某些國家嘅GDP高到超過十巴仙，都係因為官商勾結同貪腐所致，真係真知灼見。贏得全世界，卻失去自己，所為何事？

雖然係真人真事改編，但劇本改得黎有點兒悶…對於我黎講，套戲純粹係講一個用飛機黎送貨既速遞員，無乜點再加插其他特別情節，家庭線、親情線、兄弟線、拍檔線等等都係好鬆散，唔夠張力，靚佬湯黎講，呢套戲認真曳！

美國製造，包庇走私，害了代罪羔羊。