職業特工隊：最終清算

(之前上集我係比4.5⭐)由於本片為下集，所以無可被免要同上集比較。珠玉在前，下集整體各方面都有啲跌Watt感覺。故事方面，上一集典型簡單直接大路，但勝在易明，加上處理不俗，仍能拍出精彩同緊湊，兩個幾鐘好快就過，完場時重有啲意猶未盡感覺，其待下集快快上映。可惜下集有點失望，故事仍舊典型，骨幹簡單，但細節變得複雜難明，前衛嘅 AI 概念加上好technical 嘅作戰策略，以大量快速嘅對白去解釋，平凡人嘅觀眾到底 get 到幾多呢？我就只係get 到作戰計劃嘅大概picture，細節只能不要問，只管睇，未能盡享100%樂趣。可能要二刷、三刷先得。😅 今集口水亦明顯比上集多，開場後吹咗好耐水(成45分鐘? 🤔)先有啲動作睇下，令我入場時果團火差不多熄滅先開始有啲睇頭。演員/角色方面，Tom Cruise 似乎比上一集霸道，重點放哂喺佢道，戲份比上一集重好多，好似個人表演咁，其他上一集有幾好發揮嘅角色今集都淪為工具人，冇哂個性同塑造，出場只為take actions 去配合湯佬嘅plan，造就湯佬喺所謂"最終章”成為救世英雄完美落幕。有啲浪費咗呢班角色。 尤其上集好好睇、好有個性嘅女刺客Paris，今集大部分都只係動作場面，冇乜戲演。女主角扒手今集同靚佬湯亦都冇乜內心交流戲，只有協助任務嘅動作戲。如此編排整體戲味冇上一集強，只有靚佬湯嘅救世行動過程。另外今集奸角頭目塑造有點兒低B同無聊，出場唔多，死得亦白痴，重以為湯佬最終會親手技術性精彩地將其捉拿或消滅，點知唔係。😒動作場面方面，今作我認為係偏少，主要係深海潛艇果幕同最後兩飛機互片，其他間唔時開下槍、爆下炸果啲冇乜特別。老實講，果兩場重頭戲係落本、係有花心思、係設計嶄新、係難拍，但出嚟嘅精彩度係咪真係咁利害呢？我就覺得....還可以囉！深海潛艇果幕嚴格嚟講唔算係動作戲，而係冒險戲。反而覺得係欣賞其畫面設計同視覺效果出色多過爽嘅感覺，不過過程略嫌長咗啲。最後嘅兩機互片、湯佬飛機外跳來跳去並非第一次，冇太大新鮮感，而且跳來跳去/擒來擒去過程牽強，好多時一啲好critical嘅動作/過程只以剪接避過就算，過程唔連貫/流暢，所以呢場戲精彩度我只覺得麻麻哋，亦略嫌有點長。如果將呢兩場戲cut 短，將資源拍多一場唔駛好長嘅大龍風會更好。整體嚟講，此下集冇上集咁好睇，但唔代表唔需要睇或唔值得睇，此作仍然都係一齣精彩嘅上佳作品，屬有誠意嘅大製作。睇咗上集嘅一定要睇埋下集。冇睇上集嘅就好快快睇翻上集，然後入場睇下集。😄PS• 唔駛講，最好梗係去睇IMAX版啦！• 如果今作真係最終章嘅話，電影中嘅回憶片段算係幾有心思，有一種完美落幕向系列致敬嘅感覺。揾番老舊角色出嚟亦有系列首尾呼應感覺。• 本片尾段都幾主旋律吓，不過荷里活處理手法一向都比較高章，唔會畫公仔畫出腸，加上美國軍事科技的而且確世界最強，較易令人信服，自然冇其他國家嘅主旋律電影令人睇得咁尷尬。再者...呢個係靚佬湯，唔係"唔驚"，自然有說服力好多。😂• 片尾冇任何彩蛋

湯告魯斯無視年齡和體力界限，數十年如一日，以過人膽魄製作每一格菲林的態度，影迷有目共睹。對於他的努力，特別是多年來對《職業特工隊》系列的付出，確實為長期擁躉帶來數之不盡的悸動與感動。正如預告片所說，過去的所有抉擇和付出，成就了眼前的最終章。只可惜，並不是每次日薄西山，都會讓人興起「夕陽無限好」的讚嘆。Ethan Hunt（湯告魯斯飾）在《職業特工隊：最終清算》，完美演繹了各種怵目驚心的上天入地、沕水舂牆。然而自從「馬蹄鐵」到手，電影突然開啟了「只要信不要問」模式，超越常識的「不合理考驗」紛至沓來。長氣噆氣的 169分鐘，有如黑洞般不斷吞噬觀眾的熱情和耐性。基斯杜化麥哥利導演看來是忘記了關鍵詞——「五秒後會自動銷毀」。大半個世紀以來，timing才是「職業特工隊」真正的魅力所在。當然，一定少不了那首讓人心情澎湃的主題曲，還有飛快燃燒的導火線！歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

整體不錯，保持系列嘅精彩，作為完結編(真？）交足功課

睇完Top gun Maverick, 以為Tom Cruise 可以再創奇蹟，但係今次盡力做都打破唔倒續集魔咒。MI 公式下難有創意，沉船潛水已經叫做有心思，飛機特技就真係熟口熟面。選角失誤係上集嘅惡果，C拉女角繼續担正，但仍然冇起色，同Rebecca Ferguson 差好遠。睇嚟 Tom Cruise 喺Maverick 己經peak 咗，除非成功轉型！

同咁多集Mission Impossible 一樣 節奏明快劇情一樣都係唔使睇 主要作用都係渲染緊張氣氛動作就真係好黐線 有啲情況都真係幾Impossible場內有好多人都笑咗出嚟整體來說，好睇過上一集添

從第一集計起到今集<最終清算> 都接近30年， 每一集的MI 在我不同的年紀觀嘗給了我不同的感受。如果這真是最後一集的 MI, 這個結局我也收貨了。