MASTERS OF THE UNIVERSE 宇宙天王

3.7⭐請骷髏頭堡賜我力量～～我已經充滿力量啦～～！呢兩句嘢 He-Man 動畫每次變身都要叫一次！聽到熟哂！😅He-Man 動畫以前有睇過， 但唔算係fan屎，好多嘢都已經唔記得咗。估唔到今次電影版以喜劇手法拍攝。印象中動畫He-Man 男主角冇呢個電影版男主角咁柒咁屎波。電影整體以簡單娛樂爽片方向製作，爽度不俗，故事就簡單直線，劇情發展係可以預期，不過有啲劇情就比較兒戲求其。動作場面設計合格有餘，不過人物描寫就表面啲，演員演出就一般OK 啦！男主角夠大隻，面相造型撐到同動畫版個 look 近似。整體此作編、導、演、製作唔算A級，有唔少地方可以挑剔，但娛樂性尚算不俗，可以一看。PS.• 我一睇He-Man 男主角就唸起陳奕迅。五官表達同肢體行為表現都好相似。• 臨尾He-Man 從骷髏魔手上取回神劍太容易輕易啦！• 彩蛋 Shella 唔知會係獨立電影定係 He-Man 第2集出現呢?

#宇宙天王 #MastersOfTheUniverse大家好，我係Wild Wildy！今日同大家深度剖析呢套全新嘅真人版電影——《宇宙天王》(Masters of the Universe)！呢套作品係繼1987年之後，呢個經典IP嘅第二部真人改編電影。今次由 Travis Knight 執導（佢之前執導過《大黃蜂》(Bumblebee) 同《魔弦傳說》(Kubo and the Two Strings) ），劇本就由 Chris Butler、Aaron Nee、Adam Nee 同埋 David Callaham 聯手打造。演員陣容方面有唔少高顏值面孔，包括飾演 Teela 同邪惡女法師 Evil-Lyn 嘅演員，仲有飾演正義女法師 The Sorceress 嘅 Morena Baccarin（即係《死侍》(Deadpool) 入面飾演死侍老婆嗰位）。一黎照舊同大家睇吓現時網上嘅評分：IMDb： 7 / 10Rotten Tomatoes (爛番茄)： 影評人 73% / 觀眾評分 -講真，He-Man 嘅故事核心，其實包裝咗好多大家耳熟能詳嘅經典原創元素：外星人超人 Kal-El 嘅身世、王子復仇記，甚至帶點《獅子王》(The Lion King) Simba 嘅影子。呢次改編令人大開眼界、值得拍手掌嘅位：八両金頭終於講拜拜： 呢次最明顯嘅改良，絕對係 He-Man 嘅髮型！以前卡通嗰種死板、俾人笑足咁多年嘅「八両金」椰菜頭不復存在，變到更有層次、更飄逸，行起路落嚟帶風，型仔好多！經典對白一出，敬禮同high high： 當主角嗌出 “By the name of Grayskull, I’ve got the power!” 變身，仲要三次，嗰種童年回憶殺真係出晒嚟，超有感覺！角色成長合理。He-Man 成長線鋪排得幾有吸引力；但不夠如Avatar君臨天下時的感動同霸氣女角全線高顏值、絕不「dei」： 戲入面各個女角色都好靚女，無論係正義嘅 Teela、邪惡女法師 Evil-Lyn，定係 Morena Baccarin 飾演嘅正義女法師 The Sorceress，顏值全部喺線，視覺效果極度賞心悅目。但正邪女巫師鬥法欠奉； Orki 無膽貓出場太少；披甲更是十秒都無滿滿嘅情懷致敬位： 骨灰級老粉一定會睇到好興奮，因為戲入面出現好多向原版卡通致敬嘅經典角色;第一代Heyman農格爾有粉墨登場。好似鐵頭（Ram Man）、鐵拳（Fisto）、長頸（Mekanek）等等；最正嘅係 Adam 未變身前著嗰件經典粉紅色上衣都有還原！卡通笑姿都還元，但太合家歡，太多喊位，太傻仔或優柔寡斷會扣分長鏡頭武打與合家歡氛圍： 武術指導今次試咗一 take 過嘅長鏡頭，用刀同短槍嘅武打動作雖然唔算十分流暢清爽，但誠意可嘉。成套戲盡量遍佈笑料，營造出一種合家歡嘅歡樂感覺。連我都忍唔住心微笑咗幾次，甚至大笑咗一兩聲，現局所見啲外國人（老外）更是笑到好開心。片尾招牌大笑神還原： 臨尾播返少少原版主題曲做背景音樂，雖然真係太少，但片尾一幕模仿卡通片所有角色一齊叉腰、向後仰然後招牌式大笑，嗰下回憶真係返晒嚟！不過，睇完令人覺得尷尬、不吐不快嘅位：職場溝通大道理講得太 Over： 電影好想透過故事嘗試帶出「職場需要溝通」、「唔好做一人部隊」呢類現代團隊精神。出發點係好，但講得太多、太露骨，甚至貫穿整套電影想夾硬做主題，對同袍講完，竟然對住宿敵骷髏魔（Skeletor）都講！真係太過火（over）喇。難怪「戈台海 Film Club」嘅影評都認為呢套戲過度消費呢個 IP，反而破壞咗它原本嘅神髓。後三分一太慢，兩個半鍾無需要（踎監一幕可濃縮）冷笑話橫飛： 電影去到最後三分之一，原本應該係高潮迭起，但就塞咗太多同類冷笑話同爛 gag，搞到節奏拖慢。而且 He-Man 處理事情變得太過優柔寡斷，整體顯得太傻仔。笑料不對胃口，尷尬感滿瀉： 雖然套戲想做合家歡，但好多幽默位設計得好尷尬，好多時令人笑唔出。真係難為場入面啲老外可以笑得咁高興，文化差異確實有少少大。黃金設定被浪費、大戰期望落空： 呢點真係大敗筆！明明兩大女法師（正邪女法師）咁靚女，最後竟然無一場精彩嘅法力大對決！「無膽貓」（Battle Cat）披甲上陣嘅型爆畫面，居然留到去最後最後嘅後段先出現一星半點。更過分嘅係，人氣小巫師 Orko 居然得 credit（片尾片花）先露一露面！而且完全唔推動男女主角嘅愛情線，浪費晒啲黃金機會。主角喊太多，感動位變零感人： He-Man 喺套戲入面喊得太多喇！雖然男主角已經盡晒力去喊，但因為前期對佢同父親之間嘅父子感情培養根本不夠，缺少鋪墊，導致後面嘅生離死別完全帶動唔到觀眾情緒，變成零感人。骷髏魔變咗大善人： 其實睇落骷髏魔根本不算壞人，因為佢次次捉到機會，都唔會對主角或者前朝元老痛下殺手。不過算啦，呢個本身就係當年卡通片每集嘅公式流程，集集如是，當作是另類致敬吧。但這是原卡通片設定我老粉接受呢總結我唔想各打 50 大板。但實話實說，《宇宙天王》的確有佢嘅誠意同出色之處，但同時亦有好多會令老粉絲不滿、或者令新觀眾睇到一頭霧水嘅地方。我個人認為，如果你係由細睇到大嘅老粉（老闆級觀眾），你大概會接受呢套戲，我會比 6.5 至 7 分。但如果你係完全無情懷嘅新觀眾，你真係會不明白點解要喺大銀幕睇一個肌肉男著得咁少衫通街走。不過電影留低咗唔少伏筆，睇怕之後仲會有 She-la（神力女超人）登場，同埋玩無限復活。

利申：由細到大都偏好日本卡通片，鬼佬嘅除咗迪士尼都偏向粗枝大葉、頭大冇腦，而He-man尤為表表者，故事簡單，打嚟打去動作千篇一律，算係當年我睇兩睇就轉台嗰隻！今次入場同懷舊一啲關係都冇，純粹好奇咁嘅套路點拍140分鐘？原來加咗啲前因後果，又似Hamlet又似King Arthur石中劍，仲以為王子落到地球有乜奇遇，發奮圖強，結果仍然不思進取，躺平成宅男，直至神劍乍現，「若他朝寶劍在手，揚威天下竟是我」，結果靠外力變成肌肉神力兼具猛男，十足十鬼佬「龍劍飛」，還幸CG出色，打鬥連場，節奏明快，七彩V宏宏激光閃爆，唔係兩個幾鐘都幾長幾悶幾難捱🫢🫢🫢

He-man，講真作為90後都未睇過呢套卡通片，但由細到大都有接觸佢嘅memes圖，估唔到一套咁樣嘅美國經典會變真人版出現！入場前淨係對呢個系列做咗少少功課，所以接近0認識咁入場，本身都擔心呢啲舊OP嘅起源故事喺2026年嘅今日會拍到咩樣，會唔會又好老土又悶呢？但估唔到睇完都幾喜出望外，拍得有冇當年味道我唔知，但根本就係一套完全真人演出嘅80年代卡通片，唔需要用腦，可以慢慢enjoy兩個幾鐘！坦白講，劇情同故事都幾公式，佢拍嘅就係絕對嘅正義vs絕對嘅邪惡，骷髏魔都有講自己嘅反派，根本唔使傾計，所以根本套戲唔會有咩劇情，純粹正反對決，所以放開一切，當係真人版卡通片咁睇絕對會夠皮！所以成套戲其實都估到走向，係老土㗎啦，但老土得來又幾好睇，男主角演出幾突出、一班配角都幾有記憶點，成套戲嘅打鬥動作場面都好有質感同刺激，特技都幾靚，同埋首歌真係好洗腦，係爽嘅！係一套幾有趣味嘅爆谷片！雖然故事中規中矩，但最緊要都係睇導演功力同表達手法，劇情推進幾好，角色塑造都唔錯，由頭打到尾，仲有唔少笑位，所以睇得都幾開心嘅，幾有驚喜！斷估你小朋友幾歲睇卡通片唔會屌無劇情掛？

拍完等於冇拍，完全拍唔到he man的味道，求其搵啲特技齊齊買賣，搵個大隻佬完全都唔係我細個要嘅骷髏頭寶似我力量不知所謂

揾Nicholas Galitzine做He-Man, 最初覺得選錯角, 個樣唔夠man, 但原來同個故事好夾。Camila Mendes做泰拉由頭charm到尾, 有健美身形, 加分。Skeletor算係最忠於原著嘅角色, 夠奸而又有幽默感。整個故事推進得幾好, 集異世界、穿越、反差、幽默、科幻、打鬥... feel。因為有故事性，所以唔算係平鋪直敘, 觀眾會感受到高潮位, 唔係只係有群打嘅畫面, 近幾年好多科幻特技電影都做唔到。BGM亦加分。片尾有兩小段都要追埋，續集應該會有She-Ra。整套電影嘅缺點係男主角體脂未算低, 而佢同伊坦尼亞嘅關係描述得唔夠深。總括嚟講因為骷髏頭堡賜佢哋力量, 拍得唔錯, 至少我忍住唔去廁所。