暗算2

風格依舊，男角少了不羈輕挑，成熟穩重。劇情和動作若加強力度，吸引力會強些。

3.8⭐係一套有劇情、有佈局、有動作、亦帶點幽默，要花啲精神去嗒劇情嘅動作片。雖然未至於非常出色，但本人都幾enjoy嗒嘅過程，冇腦爽片睇得多都要轉下口味嗒下劇情。本片係多年前“Accountant"嘅續作，但故事基本上係全新，只沿用第一集嘅主角人設同世界背景。主角Ben Affleck係一名專業會計師，但嚟到第2集，有關公司會計及財務內容已差不多減到冇，只係喺故事中加入一小段劇情比主角展示其會計及財務才能，話比觀眾知你哋而家睇緊嘅係“Accountant 2"。其餘99%劇情都係調查犯賣人口集團同動作場面。故事並非十分寫實，當中涉及智勇相全嘅男主角、身手非凡嘅女殺手、患有罕見病症而IQ超高但非常隱藏同神秘嘅天才組織，加起上嚟尚算玩出趣味同戲味。整體合格有如，兩個小時長我都唔覺悶一路睇落去，傑作絕對講唔上，但絕對係一看無妨。PS. 現實世界有鬼咁型咁堅嘅會計師咩！睇完Ben Affleck再望下波叔.....借錢可以當收入....哎~~~！😩

還好無沒上集(2016)般嚴肅，男主角與依法辦事的副局長之間的互動十分搞笑，而他與弟弟之間的「合拍」也非常可愛，突顯出其自閉症和會計師的角色設定，這樣的組合非常巧妙。有貓，唯弟弟出場後，就局長退居二線，雖然兩者都跟男主角各有笑語～雖然男主觀察入微，且表達上可能有困難，卻依然能夠溝到女在酒吧。有貓。跟他是開頭「有效」速配，不斷向求愛者講出吸引的字眼判若兩人！一大堆資料在自閉症男主角審核過後，還勁過甚麼AI消化得出關係。不懂直視，反而引來社會更多人。此外，背後查案的技術支援也相當出色，幾乎能夠從任何有電的設備中提取出所需的信息。有貓～這班年輕黑客跟不說話的首領比《復仇反擊者》更有技術。奸角BOSS的確無人性但又冷靜，必要時果斷犠牲一些「貨物」。

越睇就越似睇緊蝙蝠俠同羅賓咁…主角同細佬夢幻組合+狗咬狗骨…加上坐擁一班智囊團，又齊哂武器，唔講以為賓艾佛力拍緊batman!故事唔複雜，都係大路查案追擊壞人劇情；打得好睇，細佬夠生鬼搞笑！賓佬都拍得佢幾型棍！續集一啲都唔弱，好睇！

Bro love ! 打得仲係好睇，但啲大佬好似渣左少少… 一打就死…亮點一定係attention seeker 既細佬，煩得黎係有bro love

開頭以為都係一套普普通通嘅爆谷片，估唔到續集比起第1集都唔輸蝕。不過兩集探討嘅野都唔同，第1集比較著重於「會計師」呢個人，描寫佢點樣強迫症、數理上點樣天材；第2集基本上已經無乜講過關於「會計」嘅野，嚴格黎講我覺得係掛羊頭賣狗肉。不過由於第1集嘅人物描寫已經非常成功，續集聚焦多左係第1集出場較少嘅細佬身上都無可厚非。今集講會計師點樣溝女、約會尚算有趣，重點嘅兄弟情描寫得好充分，佢地之間嘅對話係有心思，亦善用強迫症大佬+殺手細佬+正義警察呢三個人嘅互動，所以我認為續集成功係第1集嘅基礎上再追加人物補完。而第2集嘅劇情都無揸流攤，用「後天學者症候群」呢種我聽都未聽過嘅症狀做切入點，又符合返《暗算》系列嘅劇情初心-神經發展疾患，呢點真心高明；其餘劇情雖然都係個種王道發展，查下案又推進下劇情咁。比較特別在於有唔少電影查案個Part都會有個小助手幫忙，當然《暗算》系列大家知道係「海灣神經科學中心」，不同在於其他電影個主角講句野、個小助手禁兩下就會搵到線索；《暗算2》詳細描寫左「海灣神經科學中心」強大嘅執行力，唔再係「工具人小助手」，令人非常信服佢地點搵到下一步線索推進劇情，我自己就睇得大開眼界。打戲部分幾乎只有結尾一場大槍戰，而且普普通通無咩特點，不過大場面戰爭從來都唔係《暗算》嘅賣點，前段不俗嘅劇情張力、性格突出嘅人設、關於神經發展疾患嘅設定等等構成呢套我幾鍾意嘅《暗算》系列，另外我認為第2集都係少數續集更好睇嘅系列作，睇哂兩集真係會令套戲昇華。