邪Mall

個人覺得套戲比預期中好，導演無論執行同處理均好，我會形容套戲是新一代版本生化壽屍，這方面導演也毫不掩飾地去致敬，個人對這樣是滿意。講真估不到套戲故事結構是工整，整套的脈絡有頭有尾，不像同類片般有頭無尾，這點的確一讚，而用死場作主軸也是到位，咁當然導演在這點上的確有心思，可找到香港紀錄死場專家 #希比 來客串同找長沙灣天悅廣場作拍攝場景，從始可睇到製作團隊的心思。還有導演想透過角色設定來寫出龍虎武師對港產武打片黃金時代的無名貢獻同辛酸。而演繹方面，各演員演繹也符合預期，其中我最喜歡阿卯今次的演繹，他今次演這個半桶水師父的確傳神。感覺好討好，咁當然 Candy 同黑仔的演繹也好睇。咁當然不可不講今套戲的美術，尤其是特技化妝，這樣的處理無疑大大令套戲有所加分。痴·影·夢·藝 X 的專頁 https://www.facebook.com/ckwunmovie/

一晚間，用無人流商場/死場作此戲主要場景.前中段用頗多jump-scare來揭示每位租客的感染情況，每個租客背景不用深究畢竟都是用來送死用。如果上串流之後或用1.5倍速來看更佳。以為有死場會噴出新意，可惜不夠cult⋯⋯風水師傅麥師傅楊偉倫戲份比預期少，半信半疑自己所承繼的知識。最難記的符咒對白怪不之得如此的攰！如果本書內裏的概念跟術式可以稍多擴展就更好，不過作為新世代不全信老一輩的殭屍不驚但嘔心核突，場景就最搞笑是全員找到突破位「爬」走，就是想睇到急中出錯差點全軍覆沒。如果這個年代有實體祖傳天書，應該好好掃描加OCR以備不時之需。以這個人流「冷清」的商場為故事，但追逐位完全無感，跑來跑去整個場都無特別。戲女主角的Candy就無多大特別，有眼緣確實。開頭十五鐘都頗多伏筆預示之後如何重用抗怪。她與香港電影的夢想的一部分略為出戲。戲中有個做俗稱替身的武師的阿爸，還以為會有甚麼苦功呈現出來。Candy如果都變成殭屍可能更入肉吧？各個租客實在太無特色，不過最好看還是見住阿爸死而笑的囡，大難臨頭最能見到一路的不滿。戲中被恩將仇報的好人 #蘇家樂 如果補充多一些怨位就更猛更魔。Hebe一出現，應該是最切題最共鳴的角色！

有生化壽屍既感覺，劇情都幾緊湊。黑哥同Candy 嘅父女情都表達得幾好。Candy 初登大銀幕，表現都算不錯，可以再進步。

好耐無睇過本地製作既疆屍電影特技化妝好出色 真係有啲恐怖！一眾資深演員同新演員既合作都好好睇值得入場支持既香港電影！

作為一套喪屍電影，講求「核突」或「血腥」，《邪Mall》兩樣都唔達標，講「核突」喪屍病毒只是噴橙院粉末，絲毫唔覺噁心；係面容上生「病毒痘痘」但又唔好爛面，到喉唔到肺。講「血腥」撕扯人肉CG做得差，又無爆血，即使食埋人肉連鏡頭都唔多，只係見到啲人用手拿住啲肉食，同樣到喉唔到肺。另一方面，講劇情，論「親情」，背景交代得太散，兩父女互相盲撐嘅背後進程略為空洞，即使係夫婦、師徒之間都太散，幾乎係交代完角色就帶過咗，毫無感情推疊。以「恐怖片」嚟講，即使計佢特登唔玩jump scare，但音效做到緊張感，亦無好好利用音效帶動劇情遞進，好浪費。畫面上無追逐嘅刺激、亦無埋伏躲避嘅緊張，一味搵唔同地方打怪，同恐怖無絲毫關係。最後，電影以舞台劇式結尾，簡直係多餘，唔知想代表啲咩？無為關係去和解、無解決到往生者嘅怨念、無想法嘅改變，總之純粹係同觀眾講「套戲完啦！」咁樣簡單嚟講，有興趣嘅畀$40睇早場，當支持下香港電影、香港新演員。

化妝好用心，唔係hea住化嗰種，雖然有人覺得太核突，但我又唔覺喎。故事情節合理，有溫情、有搞笑、有緊張、有慘情，唔覺有悶場。黑哥、阿卵、Candy都做得好好。可惜上畫日期係Halloween正日，過左Halloween 先睇會少左節日氣氛，如果早啲上畫會好啲。