人潮洶湧

上映日期: 2021年3月18日 片長: | 119 分鐘 級別:
IIB
4.1
評分
69 讚好 17 影評
小劇場演員陳小萌〔肖央 飾〕的人生窮困潦倒,事業、感情一敗塗地,甚至連自殺都不成功。陳小萌想要有尊嚴的死去,無奈天意弄人,竟意外地令殺手周全〔劉德華 飾〕失憶,演員和殺手交換了人生。陳小萌在暉姐〔黃小蕾 飾〕的逼迫下,要繼續殺手之前尚未完成的任務;與此同時,從醫院醒來的周全,誤以為自己是走投無路的演員,在偶然結識的單親媽媽李想〔萬茜 飾〕的幫助下,他一點一滴重新認識自己,苦苦探索前進的方向,在此過程中他和李想的內心也悄悄發生變化。而當他的記憶恢復那一刹那,三個人的命運也由此糾纏到了一起…
顯示更多 arrow-down
loading
影評
詳情
場次
電影拾點
Lv. 10
star 3.0
感激我遇見
1.導演饒曉志2018年嘅黑色喜劇『無名之輩』意外扑中接近8億票房,英皇乘勢追擊再度同導演合作,翻拍日本電影『盜鑰匙的方法』,仲誠意邀請劉德華參演添。.電影排喺賀歲檔上映,可惜今年大陸賀歲片競爭激烈而套戲睇落又唔夠人吸引,導致起初票房麻麻。所以就慘遭戲院大幅度縮場,導演更喺微博跪求院商增場兼向劉德華道歉添。結果隨住口碑四散慢慢多咗人入場,反高潮咁收到七億,總算不過不失。-2.一路睇一路覺得萬茜真係好似楊怡!似到我都入咗戲以為楊怡同劉華談情添!另外值得一提粵語配音版搵嚟陳國邦同羅敏莊聲演肖央同萬茜,不過呢個版本並唔係刻意為香港服務。內地上映時早已喺某啲地區提供兩個版本嘅。-3.儘管兩人交換身份嘅方式係幾誇張,但內地版嘗試喺其他部分做得平實兼合理化整個過程,而且亦大幅度將故事在地化。不過就同原作一樣強調成功嘅人無論喺咩環境下都仍然成功,失敗嘅人成日怨天怨地到最後只係一場空。.雖然劉華無韓版主角咁樣大成功,但至少證明咗做人嘅態度影響一切。-4.有幕劉華被路邊水氹整到成身濕晒,幾意外佢仍然肯搞一啲body gag。戲內亦玩盡唔少香港同內地電影,由劉華嘅『天若有情』『烈火戰車』『旺角卡門』、星爺嘅『喜劇之王』、再到內地嘅『流浪地球』同『刺殺小說家』都有份。作為影迷係幾過癮嘅。.不過有幕揸電單車明顯喺綠幕拍攝,隧道背景嚴重起晒格,係咪諗住得幾秒搏觀眾唔覺?-5.整體嚟講我幾驚喜導演改成咁嘅內地版,透過原版大橋嚟玩自己嘅黑色幽默風格,又不失令人感動嘅元素。可惜劇本上部份配角寫得麻麻,例如刻意將大反派暉姐洗白,講出自己悲慘經歷、程怡同肖央嘅所謂愛情線亦寫得太薄弱,無韓版咁實淨。-6.幾位主角嘅所作所為當然難逃內地政治正確嘅電影審批啦,最後要用Flip card 交代各人嘅罪行同法庭判決,偉大祖國下所有罪行無所遁形,果然「厲害了我的國」。-
顯示更多 arrow-down
0  負評
0  回應
Lk James Thot
Lv. 10
star 4.0
雖然套戲翻拍日韓但華仔演技真係好
整體麻麻地國語版華仔全程自己講白話體驗以前跑龍套幸苦好多無用替身其他其實並無太大亮點笑點有限故事對話好易冷場
顯示更多 arrow-down
4  負評
0  回應
大葦
Lv. 10
star 4.0
人潮洶湧,有幸與你相逢
日前睇過劉華嘅拆彈專家2,今日再睇佢主演嘅「人潮洶湧」,一樣令人滿意。呢套係中港合拍電影,以戲論戲,本片算拍得唔錯,頗有內涵,各演員演技都係水準之上,劉華唔使講,肖央、萬茜(我覺得有七成似楊怡)、黃小蕾都係好戲之人,演出有啲卡通式誇張,相信係導演想營造出一種戲劇效果。戲內肖央飾演嘅陳小萌,醉心電影工作,但只係一名茄哩啡,事業愛情都係一片空白,成日為咗咁自卑自怨。但俄國戲劇大師史坦尼斯拉夫斯基有名言:「沒有小角色,只有小演員。」人生就如戲劇,每個人都扮演一個角色,無分大小,唔用心去做好,就會淪為一個小演員,唔會得到觀眾嘅注意同欣賞。當然人生係荒謬,正如卡繆在「薛西弗斯的神話」書中所講:「存在誠然荒謬,但我們不應棄絕生命。如同推石上山的薛西弗斯,那種頑強鬥志,足以激勵人心。」他又提議:「我們何妨帶著韌性與聰敏,冷眼旁觀以及遊走這荒謬的世界。」所以大家毋須太過沉重,在荒謬中尋找荒謬的可笑同樂趣。套戲嘅英文名係Endgame ,意為最後階段,尾聲或結局。所以個結局係高潮,亦都係有啲意外。我認為本片值得入場欣賞。
顯示更多 arrow-down
1  負評
0  回應
普通觀眾
Lv. 10
star 4.0
你是什麼就看到什麼
特別風格的一部電影,表層作狀硬搞,內裡則含多種層次,美中不足不是國語原聲,缺了韻味
顯示更多 arrow-down
1  負評
0  回應
James RICE
Lv. 10
star 5.0
劉德華。戲劇訓練班
首先要讚左劉德華先生先。全片根本就糸一個演員訓練班課程。劉德華做導師。編劇/節奏有西片感覺。女主角萬茜好似章子怡。全片廣東話配音精彩p.s.劉德華有句對白。好似咁嘅意思:唔好用自己演員嘅身份, 紅左就不可一世...多謝劉生有心拍尼套戲!
顯示更多 arrow-down
1  負評
0  回應
wrong
Lv. 10
star 3.0
老實講 導演最大責任⋯⋯
其實故事本身係有趣 上半段交換身份 不是新橋 後半做回自己卻要演戲大話蓋大話....但導演欠能力說好故事 拍不到其趣味轉節之處 節奏也拿握不準 尤其上半鬆散 而且過份利用配樂幫助劇情 弄巧反拙 肖央演技更是此戲败筆 如此重要角色導演如何選角 入埸前期望有點像那套誤剎...故事 導演 演員(同是肖央)都差得遠.....
顯示更多 arrow-down
1  負評
0  回應
私隱政策
使用條款
免責條款
dadb8d3