他馬克老闆

有趣的社畜生涯故事，這更易引起出名喜歡返工的香港人興趣，其實，當人們忙碌於工作時，不妨想想當你只有一天生命時，你會做什麼？如果你繼續工作，恭喜你，你正忙著自己的人生目標，否則，是時候調整下你的人生規劃。電影制作有童真，作風純樸，給繁忙的香港人沖一個涼水澡。個人覺得原漫畫應該更吸引、更能修復人類疲倦的心靈。

前半部相當寫實，反映職場現況，笑位相當多，到中段開始天馬行空，底層打工仔搖身一變做主管，到後來一無所有重新出發，中途有笑有淚，有甜有酸，有苦有樂，用輕鬆嘅方式探討職場文化，打工仔好值得睇4.6/5 (92分)

近期兩套有關人鬼嘅台灣片喜劇都睇得下, 對呢套都有啲期望, 點知...☹️本片劇情隨意、零亂、欠主體, 以為好搞笑其實係胡鬧, 好似睇緊以前80年代王晶啲爛gag片咁。以為玩下辦公室社畜生活橋觀衆就會有共鳴, 但效果只有無聊及胡鬧, 重要東拉西扯拖到接近120分鐘, 實在浪費咗我啲精神同時間, 完全零娛樂！😤

辦公室政治+各種珍禽異獸（馬屁蟲 電鰻 社畜 高鬦貓⋯⋯）都幾寫實到肉笑料唔太好笑 但唔太誇張 唔係硬喜劇🎭算係合格嘅輕喜劇 輕輕鬆鬆兩個鐘冇屎尿屁 冇咸濕唔尊重女性嘅所謂「笑話」過場時有啲人生金句都幾有哲理所以絕對比賤晶上世紀嘅搵食片有意義雖然哩套同賤晶啲戲都假 但假都有唔同層次哩套虛假而溫馨 賤晶嗰啲係虛偽而假情假義馬克同苦瓜媽之間嘅親情馬克同死神之間嘅友情馬克同同事之間兄弟姊妹嘅手足之情Rita姐嘅義氣以上種種我都未試過喺賤晶啲戲度感受過另外佈景 美指 故事推進流暢度都完勝80年代港產片所以台灣片真係進步咗 雖然仲有改進嘅空間我都唔想將哩套片同賤晶80年代濫拍嗰啲相比但見有網友話哩齣水準同賤晶嗰啲差唔多所以咪即管拎嚟比一比囉 當係做下功課啦套戲企圖引起「打工有乜意義」嘅討論咁就等我哩位退休人士試吓答啦我下崗14個月 日日無所事事 得閒就睇吓長者優惠早場 淪為「閒人」明白到以前「討厭返工 渴望放假」其實係罔念今日我渴望有工作 即使係義工 貢獻最後嘅餘暉與其與草木同腐 不如光盡而滅（我有做義工同part time)幾不堪嘅工作 都證明自己嘅價值同存在意義 即使那種價值微不足道以上觀點你未必同意 我只是自說自話 冇要求認同最近我關閉咗自己影評嘅回覆功能因為我表達咗對冇乜人睇嘅長者優惠早場嘅意見引嚟「後生仔」嘅圍攻 年輕人真係好大怨氣噃難聽嘅說話「廢老 冇貢獻 窮酸 貪得無厭⋯⋯」無日無之我明白「死老嘢 你已經著數咗啦 啲戲飛收得你平過後生仔正場 你仲唔滿足呀 唔使錢好唔好？」咁我想問第一份非繁忙時間早餐$25 第二份size double但收$65 如果後生仔覺得合理 我道歉李嘉誠都有攞生果金 後生仔你哋將來都會攞 咁享受人人平等嘅福利 同爭取合理嘅收費 唔通都係錯？我又喺度諗 後生仔點睇我上面對工作意義嘅睇法「哩啲咁嘅閒人唔死都冇用 阻住地球轉」「你上咗岸就講風涼話 你知唔知我返工幾辛苦呀 受幾多老屎忽嘅氣呀 就係你啲廢老造成今日唔公平嘅社會 與其俾你啲死老嘢剝削 我不如攞綜援返屋企打機呀躺平好過啦⋯⋯」係唔係咁我唔知 但我正因為時日無多 更唔想同後生仔口舌之爭我只想後生仔知道 琴日老人唔出世 今日都唔會有後生仔老人都曾經係後生仔 如果「後生就係罪」可能「老咗都係罪」最後祝嗰啲負面批評我嘅後生仔長生不老 我唔想你哋幾十年之後照鏡嘅時候討厭自己 更唔想你哋憎恨幾十年後嘅後生仔 祝生活愉快

鬼整你的職場喜劇《他馬克老闆/Kiss My Ass Boss》，劇場講述一位在廣告公司上班，工作有如社畜的馬克(盧廣仲 飾)每日都得面對老闆不斷交下來的任務與及同事不想做的工作，工作總是沒完沒了的，幾乎日日都要加班，永遠都是最後才離開公司的人，某一天…在公司加班至快將要崩潰的馬克，正打算結束一切之際，空無一人的辦公室突然冒出「死神」(黃宣 飾)，說要取他的命將他帶走，但又夠鐘收工就讓他多活一晚，馬克想著既然這一晚是自己的最後時光，不妨趁這時機在公司大肆破壞，不留遺憾就讓自己喪癲一晚，豈料死神再臨，卻對他說竟是認錯人，大難不死的他還獲得升職，引發岀連串趣事。劇中死神與馬克 的互動有火花，黃宣的死神百變造型生鬼，以喜劇形式探討職場文化「工作 到底為了什麼？」，有點無厘頭，係有啲好笑，但…其實唔算太好笑，不過只要放空著腦袋看，都可以看得開心。

寫字樓形象化成戰場，開頭幾治癒將成層辦公室拆掉，這個應該喚起最多人的共鳴。社畜狂加班生活去到中期其實開始沒有，因為他誤撞就變成老細，也獲得千金一名算是人生贏家，那有這麼好的事世間⋯⋯死神也不錯，因為他每每準備帶走一位逝者，就要cosplay逝者的角色情境，他的出場的不同妝容也令人期待。而且死神似是同病相憐，在旁觀察男主角，靠的主要都是馬克自己。不過死神最後跟他説了甚麼？手寫字體配悅取主題曲《工作與休息》是一小加分位。總體就輕鬆，走向都很易估到，患癌老母也像笑一笑就無事啦，原本的主管也變成好朋友攬在一起。劇情其實不太好笑，後勁過強的正能量安慰劑。