戀愛大都會

愈來愈喜歡金高銀若論韓版片名「在熙的男，朋友」更有意思反而香港譯名則偏向英文直譯（Love in the Big City)比較普通亦表現唔到 在熙和興秀同居10幾年嘅微妙關係

不得不承認南韓雖然經濟喺近年好蓬勃，但當地人嘅思想仍然好傳統保守，比中國、日本更嚴重，唔怪之得咁多人自殺，但呢套戲應該可以安慰一下這一群被歧視嘅小眾，希望不久嘅將來可以改善呢種情況，男女主角都做得好好，最後婚禮一場好令人感動。

勇敢去愛，勇敢做自己，願世界沒有歧視。此片整體氣氛窩心溫暖，男女主角在十餘年同居生活中，不但努力面對自己的與眾不同之處，還彼此成為別人難以企及的異性好友，實在令人動容。4.6/5 （92分）

這是一個閨密間真心相愛嘅故事，真心覺得鄭煇氣質同外貌有啲似哥哥張國榮，連帶盧尚炫都漸漸有啲啲似梁朝偉🤣🤣🤣電影明顯向港產片王家衛梁張致敬🫡多謝🙏韓國🇰🇷作為今日嘅文化大國，仍然飲水思源，冇忘本，師承昔日東方荷里活，抵你青出於藍而勝於藍！金高銀由少女路線走向成熟路線，充滿女人味之餘，演技更是爐火純青，睇落男女關係好隨便，其實又真係幾淫蕩，不過又冇傷害任何人，本小姐鍾意同邊個瞓又關你屁事咩！率性而為做返自己有錯咩？片末盧尚炫唱嘅歌就完全係女主角嘅寫照，睇落係bad girl，查實內心係good girl，有情有義敢作敢為，為朋友可以兩脇插刀，觀人於微，細心呵護，忍著自己嘅痛，反而先去關心好友嘅傷，哩種咁嘅朋友🧑‍🤝‍🧑不論男女，一生有一個已經死而無憾！其實佢只係換男朋友換得快啲密啲，太easy come 亦太easy go啫，如果較慢速度，有邊個正常人唔係咁「合則來不合則去」，勉強冇幸福，唔通夾硬同智碩結合，婚後咪盞日夜都家暴囉！喺求愛嘅路上寧缺毋濫啊！電影有一句台詞出咗幾次「如果唔對愛侶管得嚴就唔算好愛對方，咁我算從來未戀愛過」，令我諗起葛文輝喺《三個相愛嘅少年》講過If you love him, set him free! 愛如果冇互信互相尊重就不如罷了！至於盧尚炫喺金高銀帶動下，可以拍住上已演得很唔錯！不過更鍾意張慧珍（飾演盧尚炫母親），世上只有媽媽好，最終接受兒子係基嘅，然之後去睇Call me by your name去了解阿仔，令人感動，你要gay阿媽唔鍾意但可以接受，因為你係我嘅仔，你快樂阿媽就快樂🎊

影后金高銀演女主角具在𤋮，一個我行我素、大膽敢言、好飲酒食煙、隨意與男人上床的女子，所以在同輩眼中，她被認為係個癲婆。韓國新一代男神魯尚炫演男主角張興秀，一個唔敢出櫃男同志，在大學時期機緣巧合認識在熙，後來發覺彼此投契，情同兄妹或姊弟，就竟然同居起來，相濡以沫，經歷10年，大家在感情與事業，都各有波折，在生活上以至精神上彼此扶持，在人海中，尤其處於南韓的社會風氣，簡直是一朵艷麗奇葩。這是一個罕見的故事，可能是Too good to be true. 但我仍然極之喜歡與欣賞。