金錢帝國：追虎擒龍

特別梁家輝以為會有更多氣場似甄子丹追龍緊失望保守之左吳鎮宇古天樂拍的好on9特別古天樂演技不如同期上映真三呂布

陣容就唔錯，個個都好似自己演繹，好似無咩交流﹏

1.王晶炒冷飯問題日趨嚴重，今次更搶翁子光頭啖湯兼再打呂樂同跛豪主意，翻煲自己嘅『金錢帝國』。老老實實今時睇返佢十幾年前嘅作品，佢認真起上嚟質素都唔差㗎。.特別欣賞當時喺香港盡量搵返啲重塑70年代面貌嘅場景，最深刻係黃秋生屋企俾梁家輝拆走半邊牆身，望落街仲見到梁家輝成班人喺度恥笑，成件事仲要係實景拍喎，你都咪話唔癲。.可惜今次選擇喺佛山西樵山影城取景，啲場景嚴格上追唔到70年代嘅香港感覺，反而劇組美指搭嘅啟德機場景就幾令人驚喜啦。另一個穿崩位係部份道具車明顯係左軚，要扮香港就扮得好啲啦。-2.古天樂今次唔做地上最強廉署調查主任陸志廉，反而成為廉署嘅開國先鋒。最初見佢嗰期增肥以為係演探長，點知都係做返老本行。事前話佢同家棟嘅關係猶如情侶般曖昧，點知好多兩人籌組廉署以至面對挫折時嘅場面都剪走晒，就體驗唔到啦。.近年古生喺晶哥嘅戲意外地演得幾好，今次亦冇揸流攤而係俾足貨去演，面對幾個難關時表現到嗰種痛苦憤怒嘅複雜情感，係戲中「四大影帝」內最有發揮嘅角色。相反之前不斷宣傳梁家輝努力扮演跛豪就大跌眼鏡，戲份唔多兼無乜特別。.反而「第五位影帝」Kent哥我就最鍾意！對佢嚟講再做豬油仔簡直駕輕就熟，夾喺中間「兩邊不是人」嘅尷尬處境、面類各種矛盾抉擇時瀕臨崩潰嘅狀態，真係幾精彩。-3.作為領銜主演嘅胡然只係掛名女主角，難得喺電影內做到古生嘅未婚妻但戲份亦大幅度剪走，連副線喺報館所面對嘅壓力亦無埋，戲份比起蔡潔更少。最慘係佢被強姦後就從此消失，堪稱係史上最弱同慘嘅晶女郎。-4.現時電影剪輯版本以古生同家棟嘅ICAC成立初期面對種種困難為主線，鎮宇同家輝嘅警黑合作「江湖新秩序」就淪為副線。故事上接近當年『金錢帝國』後半部嘅劇情，甚至部份橋段會令你聯想起前作添。.後段決定行動嘅轉折略嫌突兀，似乎係落雨趕收衫般咋咋完就算。對我嚟講電影最大問題係呢四位主角以至一眾配角如Kent哥同黑仔都有太多內容要呈現比觀眾，但無奈地片長有限要忍痛刪減，導致成品完整性就爭咁啲。.全片最深刻必然係啟德機場一幕！由Kent哥check in後忽然受襲，由離境大堂殺入禁區嘅槍戰營造到強大張力，仲可以突顯到班黑社會有幾癲！-5.片頭動畫背景出現嘅ICAC架構圖竟然係簡體字，你整得香港版好心就整好啲啦，雖然你主要市場喺大陸，但始終套戲係講緊香港嘅故事呀嘛。-6.電影一早喺片頭戴定頭盔話「本片純屬虛構」，原因係佢只抽取歷史原型人物再重新編寫極具戲劇元素嘅情節，所以就能夠完全唔跟真實歷史兼大條道理符合國情「惡有惡報」。.不過我估計結局吳鎮宇喺船上被捕係事後補拍，睇返製作特輯係有佢喺機場離境同黑仔入禁區搵佢嘅幾個shot。但現時咁做令最終結局更曖昧！-7.戲內嘅場面幾令人意外會出自於王晶手筆 - 好似警黑合作隻手遮天咁。當然時代背景問題大家理直氣壯覺得王晶係屌緊港英政府「隻眼開隻眼閉」嘅無能態度啦，但睇埋其他位你會開始動搖到底佢搞邊一科！.最明顯係古生喺晚宴當眾質問吳鎮宇一幕 - 吳鎮宇不斷耍官腔遊花園，仲高呼「你有證據就拎出嚟畀我哋警方調查」，古生忍唔住大叫「講人話啦唔該」！完全聯想起當日利君雅追問林鄭嘅畫面！難以想像王晶竟然容許如此情節出街！.後段亦不斷強調舊有制度（吳鎮宇所建立嘅秩序）已經不合時宜，係時候俾新嘅制度（ICAC）取代，鎮宇喺船上更講明而家係年輕人嘅世界。有趣係最後又寄予年輕人希望 - 「唔係因為有希望而堅持，而係堅持先至有希望」。.唔知呢個係佢定定聯合導演許悅銘嘅主意呢？如此取態真係幾曖昧。-

當你覺得天口熱就是揀這類片入場的首選，解暑

個故事翻拍多次冇新意，演員又係嗰4個老餅男，好悶呀大佬，唔該搞搞新意思，令生活有翻多啲趣味同意義。

此類片雖已拍過多次，看六大影帝演出已值回票價，我俾93分！👏🏼💪🏼👍🏼