Amsterdam

個人覺得套戲是出色，導演各方面的處理同執行也是好。他今次用了比舞台劇感重的方向來說這個故事。這種加上各演員的精湛演技，好令套戲增色不少。而其實他也想藉這個故事借古諷今來批評現在美國右翼思維。演繹上，三個主角也是演繹得好，但個人也是偏愛基斯頓比爾的演繹，他這種神神化化的確令套戲更耐看。毫不意外，這套也應該在來年奧斯卡會有很多提名，但個人覺得他最後只會屬陪跑份子。痴·影·夢·藝 X 的專頁 https://www.facebook.com/ckwunmovie/

摘自一評語“如此豪華的演員卡士下，導演把好多篇幅放在人物角色之間的交談對話與相處互助之上，憑著演員本身所具有的個人魅力，還有彼此碰撞出來火花效應，讓整部片變得精彩又豐富。”電影故事內容和情節幾輕鬆、有趣及富心思，三位好友的結義和經歷幾傳奇，片中不少金句去激發人們去思考，電影聲討帶給老百姓傷害的戰爭是源自無止貪婪的富人，他們在國家的控勢力已為所欲為，歡笑聲中指責社會制度不好。值得欣賞。

群星拱照普世價值 絕對唔可以同港產賀歲片相提並論賀歲片群星閃出閃入 根本唔係演戲哩齣串星雖多 但全部都認真演出 唔係hea做 更唔係搞爛gag志在無聊攪笑我都未見過Taylor Swift有咁多對白 仲要扮到咁驚唔計鐵三角 至少有十位演員都係獨當一面做過主角或甚至影帝咁就算大家忙得滯 度唔到期做對手戲但高手過招 就算對住個鏡頭做獨腳戲都可以好精彩荷里活電影 尤其大片 即使你係大茄都要audition試鏡試鏡唔精彩 導演喺casting就唔會選上你黃子華棟篤笑好睇嗎 Emma Stone喺La La Land度audition唔精彩咩更何況電影講緊interwar years 1919-39年間歐洲極權主義崛起 希特拉墨索里尼試圖將法西斯獨裁滲入美國想令美國民主夭折 和德意兩國一齊以強權支配世界片末如果大家唔趕住走 可以睇埋Robert de Niro飾演嘅General嘅原形證明歐洲法西斯勾結美國唯利是圖嘅富商同流合污亦重金收買退伍軍人領袖圖謀政變 推翻當時總統羅斯福表面講緊差唔多一百年前嘅歷史實際上借古諷今強國自改革開放之後財大氣粗 收買世界各地政客 科學家 高官 傳媒 甚至元首內外夾攻西方民主自由乜唔係正正跟主角們同General當年所面對嘅處境一樣凶險嗎至於演員們 唔計嗰啲對住鏡頭獨白嘅單睇三位主角嘅互動都好精彩呀Valerie為咗Burt離開Amsterdam返咗去美國做籠中金絲雀係義氣呀係友情呀係犧牲呀係愛呀Valerie同Harold嘅跨種族跨膚色嘅相戀係盪氣迴腸嘅苦戀三位都演得好細膩呀 只係眼神交流就已經交代晒其實電影有意無意之間多次宣揚平等 尤其種族平等Burt以白人長官平等對待並帶領Harold一眾黑人弟兄作戰Valerie＋Harold及Burt＋Irma兩pair黑白配最後連Robert de Niro嘅演講都係志在打倒階級剝削譴責富人為咗私利犧性老百姓去發動戰爭 從中漁利當然如果你追求嘅係大場面血腥暴力感觀刺激嗰啲哩套會令你好失望但佢嘅主題絕對值得我哋深思良久唔單止愛係睇「需要」定「選擇」連人類嘅存亡同命運都係睇「需要」定「選擇」Burt冇得揀嘅時候 揀咗曲意奉迎貪慕虛榮嘅Beatrice到有得揀時 佢嘅良心幫咗佢選擇Irma 放棄「需要」「選擇」比「需要」重要＝民主自由比食飽著暖更緊要（你話畀中國人定係習主席普京金正恩伊朗及回教領袖聽呢？）至於「五人會」和富人因「需要」（金錢）而放棄選擇善良人類嘅歷史走向會唔會走向滅亡呢？就真係要睇吓人類有幾多選擇三人同盟 有幾多選擇五人會喇至於Amsterdam係三人結義嘅地方 係世外桃源嘅代名詞邊度有愛有義 邊度就係Amsterdam整體嚟講 我對這齣電影係相當滿意嘅

故事取材1930年代美國一宗政治陰謀論謀殺懸案，劇情，對白，節奏，人物關係睇到我有點一頭霧水，主線之外的支線雜亂兼有點無厘頭，以致全片觀感不夠緊湊，雖然未至於悶，但似是一場鬧劇。.不過電影拍得幾有美感，重點是星光熠熠的華麗陣容，蝙蝠俠Christian Bale，小丑女Margot Robbie，天能主角John David Washington，Freddie Mercury影帝 Rami Malek，西洋棋后Anya Taylor Joy，老牌演員Robert De Niro，Chris Rock，Taylor Swift等等，粒粒天王巨星落力演出，根本淨係睇明星都值回票價！事實上，電影劇本不太著重案情推理，比較似是讓演員角色發揮的舞台。.觀影平台: The One百老滙

戱內星光熠熠，有好幾位我喜愛嘅演員，點可以唔入場？除咗主角三人組：基斯頓比爾、瑪歌羅比、尊大衞華盛頓，仲有雷米馬力克、羅拔迪尼路等等，都係演技精湛之人。此片情節有部分真實，鋪陳有序，好多對白似乎無厘頭，其實係深刻有內涵，場景係上世紀三十年代，時維1933年，正值全球經濟大蕭條，好有懐舊古典味道，我頗鍾意，大導大衞奧羅素實至名歸，並非浪得虛名，看來又會捧走幾項奧斯卡獎。阿姆斯特丹，荷蘭首都，正如世界其他各大城市，包括北京、上海、台北、香港，都留下不少人的足跡以及難以忘懷往事，令人魂牽夢縈。戱內三位主角伯特貝倫森（基斯頓比爾）、費萊莉禾滋（瑪歌羅比）以及哈勞活文（尊大衞華盛頓）一戰後在阿姆斯特丹相遇而成摯友，當時戰後昇平，民間一片自由氣氛，令這幾個年輕人特別投契，想不到十多年後在美國重遇，竟捲入一宗驚天政治陰謀。戲中有權勢之陰謀者話：「為了國家，輾死一個人，算得甚麼？」嘩，呢句話曾縈繞我們耳邊多年，想不到竟在本片出現。此外費萊莉在戱內亦都曾提起，愛、藝術、自由都該是我們一生所追求。我非常感動，亦為極權國家的人民悲哀。戱末伯特貝倫森醫生介紹退伍將軍狄倫貝克（羅拔迪尼路）出場演講，為正義發聲，稱讚他追隨正確的神歸家，美國所以強大，正因如此。哈勞同費萊莉為自身安全要離開美國，貝倫森送別摯友時，話不願跟他倆浪跡天涯，寧願留低抗爭，為美好的將來，為離開的摯愛重歸作好準備。這種高風亮節，應該值得大家效法，尤其是生活在這城市的朋友。

呢類片種真係唔係個個啱睇，但都算啱我心水，見到一班鑽石級演員陣容嘅演技都回本！劇情其實平鋪直述，都有啲估唔到原來「嗰個人」喺呢一件事有份策劃。我覺得印象深刻嘅仲有劇中嘅對白，愛係「需要」定係「選擇」？自己諗，電影都帶出重點，歷史不斷重演，好值得反省。Btw Margot Robbie同Anya Taylor Joy好靚！