我和父親的FINAL FANTASY XIV

個人喜歡套戲，喜歡他的處理，導演充分利用MMORPG的特點，將遊戲世界和真實世界的互動和將他作為笑位。讓觀眾感受他們在遊戲世界中互相了解，從而讓他們在真實世界中和解，其中我最喜歡他和父親在遊戲中初相遇的一段。而這樣的描寫比較純粹遊戲改編電影來得有力和真實。老實故事設定上，同上星期 惡搞便當反「激」戰 類似，如果講感覺，個人喜歡我多於惡的。最少在互動這一點上已經好。或者我是男觀眾關係。老實因遊戲潮流，FF的影響力已經比較往弱，但在日本遊戲迷中，他繼續有影響力和有集體回憶。這點上導演也有利用。PS1:這套除了Sony和FF的宣傳機器外，還是一套教人變宅老和女的片😂😂PS2:吉田鋼大郎真是很大叔的😂😂利伸我是沒睇過大叔的愛系列的PS3:到底有無父子真是以這樣方式來交流的，包括睇波前打FIFA或2KPS4:很想念紅白機痴·影·夢·藝 X 的專頁 https://www.facebook.com/ckwunmovie/

Game畫面佔全套戲4成左右，現實世界同遊戲世界好match到，無玩開ff嘅都睇得明！遊戲世界好靚，個女角色超正！現實世界到後面亦好感動！4.7/5(93分)

日本電影雙響炮《我和父親的FINAL FANTASY XIV/FINAL FANTASY XIV Dad of Light》&《惡搞便當反「激」戰/Bento Harassment》一日內接連睇了兩套日本電影都係講父子同母女嘅親情電影，從自少互相有隔膜而至破冰，不愛用言語溝通，一套是兒子透過打機而逐漸瞭解父親，另一套是母親靠做便當而與女兒交流，最後都係因父親/母親患病而令到子女對父母親有所改觀，從而得到諒解而釋懷，情節相若，但題材獨特，各有特色，已為人父母嘅不妨入場欣賞觀看，從而想象一下平時和子女嘅溝通模式，或許許能增進父母與子女間嘅維繫，值得參詳一下，作為借鏡。

好簡單嘅一輯家庭小品將每一分一秒拍得細膩~ 其實真係唔易💭選角有說服力，將遊戲融入生活大量嘅遊戲世界畫面~ 要有玩過這類RPG遊戲才會明白箇中好笑同好玩嘅地方當然~ 哩類題材嘅電影啱睇會覺得好好睇如果你對哩樣野完全無概念就吱你都笑唔出😅(利申: 無打過ff)

父親看似嚴肅，其實很愛子女！

「Final Fantasy」呢個遊戲系列我就聽過，但就未玩過，未接觸過。前排見倒呢套戲嘅題材幾吸引，加上有坂口健太郎同吉田鋼太郎做主角，就令到我好有意欲咁入場睇。 睇完之後，我覺得堅係正嘅，比我預期中好睇好多，劇情同角色都吾錯，演員嘅演技幾好，成套戲都有好多遊戲嘅元素，節奏快，冇悶位，幾好笑下，整體表現都吾錯，我就幾鍾意呢套戲啦。 冇接觸過「Final Fantasy」嘅觀眾就吾洗擔心睇吾明，套戲並吾會太著重遊戲嘅劇情，所以絕對吾會睇吾明，反而仲會俾呢個遊戲世界吸引住。 喺呢套戲裡面，遊戲世界嘅部分同埋現實世界嘅部分喺劇情上就各佔一半。遊戲世界嘅動畫就整得幾靚，啲玩家嘅動作又整得幾生動，又搵埋聲優配音，係吾錯嘅。現實世界都處理得好好，周不時會聽到遊戲嘅配樂，喺某啲情節真係睇到幾熱血下，調左色之後嘅畫面真係好靚，睇得幾舒服下，調色嘅部分我都幾欣賞。喺呢套戲嘅劇本上面睇得出係好有心思，兩位主角喺遊戲世界𥚃面交流嘅時候都會有所覺悟，之後兩位主角就會利用呢啲覺悟去解決現實生活中嘅「副本」(各種日常生活嘅事)，感覺就好似現實世界同遊戲世界都擁有相似嘅地方，呢個部份我係覺得幾有趣嘅。 之前睇「大叔的愛」嘅時候已經覺得吉田鋼太郎好過癮，不過佢做老豆呢個角色感覺仲好笑，今次吉田鋼太郎就冇左嗰種誇張嘅演技作風，今次佢真係可以話係「冷面笑匠」，佢成套戲都冇乜點笑，個樣經常都好嚴肅，但效果已經好好笑，觀眾睇住佢由一個吾識打機嘅新手，漸漸成為一個為左打機可以廢枕忘餐嘅「宅老」，呢個過程都幾過癮下。至於坂口健太郎嘅表現都吾差，佢嘅演技都幾好，但當然就冇吉田鋼太郎咁搶戲啦。 睇呢套戲見到吉田鋼太郎最後成功一個為左打機可以廢枕忘餐嘅「宅老」，相信遊戲界將來都有機會諗辦法打入老人嘅市場，令一眾老人變為「宅老」。 總括嚟講，呢套戲係正嘅，好睇嘅，劇情同角色都吾錯，演員演技幾好，幾好笑下，呢套戲就好推介啦，遊戲迷就啱晒啦。