穿PRADA的惡魔2

3.7⭐因為大部分主要角色都有保留，而且外貌都保持到，除咗女主角果兩個死黨，明顯年紀大咗又肥咗，不過影響不大，戲份唔多。電影整體故事世界觀大咗，不再局限喺幾個角色之間，多咗不同財團同大人物角力，亦因此劇情亦多咗唔少零碎感同牽強位，唔似第一集咁劇情集中喺幾個主角互相拉扯。女主角繼續單憑個人一股熱血、傻勁同運氣，令不可能嘅任務得以完成，令身邊嘅人從心信服/感動，包括Runway惡魔，所以電影亦有唔少窩心位。不過女主角條新男友感情線非常薄弱，可有可無。整體電影卡士吸引，演技出色，大至上保持到第一集感覺，輕鬆暖心，以續集嚟講算係可以收貨。PS.• 女主角經過廿年專業記者磨練, 又攞過唔少獎, 返到Runway處事態度仍然似第一集初出茅蘆, 靠撞靠運氣, 似乎有點講不過去• Miranda 啲紓尊降貴位幾攪笑，例如坐經濟位、自己掛衫、去飯堂...😄• 光頭佬把聲沉哂沙哂咁

靚人，靚景、靚衫，事隔廿年，不可能超越第一集，但順絮看情懷！

整齣《穿Prada的惡魔2》，散發着一股陽光明媚的氣息。那怕當女主角Andy（安妮夏菲維飾）灰溜溜獨自乘坐地鐵返回辦公室，燦爛的陽光一視同仁，照耀着同一天空下，各自為不同理念繼續打拼的Andy、Miranda （梅麗史翠普飾）、Emily（艾美莉賓特飾）和Nigel（史丹利杜斯飾）前行。一次裁員，一場公關災難，將Andy拉回到她的事業起點，再度與三個廿年來毫無交集，極大可能終身老死不相往來的「舊同事」合作。只不過在科技洪流的沖刷下，四位往日的紙媒寵兒今非昔比。過往炙手可熱的時尚教主、著名時裝雜誌總編輯Miranda，而今也要紆尊降貴，於員工餐廳內賠笑臉。這位曾經運籌帷幄，輕易放倒競爭對手的女強人，在大限來臨時一樣是一籌莫展，無力回天。在報界闖出萬兒的Andy，為稻粱謀而不得不重作馮婦，但骨子裏的她，依舊是那個讓伙伴放心的「魔法少女」。廿年前成功將尚未出版的《哈利波特》弄到手；廿年後以一己之力，挽狂瀾於既倒。儘管化險為夷後，她的「仆心仆命」換來揶揄。但Andy沒有棄船逃生，卻是不爭的事實。「眾多」Emily當中的本尊，終究跟她的「偶像」相去甚遠。權謀機變固然無法與Miranda相提並論，就連尖酸刻薄也望塵莫及。總編輯願意拿起電話打給死對頭的原因，永遠只為兩個字，利益。而Emily 主動打電話給「敵人」，是真心想「拉拉手，做個好朋友」。 一直寵辱不驚，壇數最高的Nigel，心如明鏡，默默注視着心目中有能力的後輩，並在適當時候扶她一把。這種不計較得失的付出，最終收穫了美好的回報。廿年前，紙媒是代表公信力的高牙大纛，仍具備睥睨天下的底氣，所以《穿Prada的惡魔》的一眾角色都自帶光環。廿年後的今天，「有圖有真相」、「有片有真相」彷彿變成了「小心提子」的同義詞。在「誰還會看報紙雜誌」的當下，《穿Prada的惡魔2》的底色其實是有點灰暗的。可能是這個緣故吧！全片的氛圍，才會刻意顯得特別陽光明媚。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

靚人靚景靚衫…睇到你對眼好忙，實在太多野睇！睇完個感覺其實有啲似Emily in Paris，橋段都係類近要幫公司/不斷被出賣/突然間要搵方法搵金主等等…不過呢套就再認真啲，真係搵到班名人/名模/名品牌負責人/名設計師/歌星等等去襯托番成套戲出嚟，豪華得嚟又唔突兀，睇得你舒服順眼！梅姨果種型格味道好正🙌🏻Anne / Stanley 組合更加無得輸，Emily為套戲加添詼諧氣氛…對白夠mean又抵死！

集體回憶，梅姨氣勢依然，靚人靚景無得輸！

我為左睇第2集早幾日前先睇返第1集，係未知第2集講咩嘅情況下睇完第1集，睇完當下已經想知廿年前可以呼風喚雨嘅時裝雜誌，面對廿年後紙媒呢種夕陽行業會點。果不其然，第2集用返同一班主角同一性格寫返面對時代巨輪嘅洗禮係幾好睇。唔講紙媒沒落、智能手機當道，齋講第1集唔多見嘅有色人種，第2集通街都係；仲要有幾個鏡頭特寫明顯係LGBT嘅角色、戲中角色反諷「政治正確」嘅無奈、甚至最終解決問題嘅「白武士」都好政確；但電影某程度上又會父權，女主角有個浪漫帥哥男友，女角全部都要有男人支持、家庭做背靠，我已經分唔清電影係突登拍成咁反諷定點？本身對名牌無興趣，但無礙觀看Anne Hathaway逆天顏值+華麗衣裝，就算我係名牌小白，都知一套戲搵到咁多名牌贊助唔係易事（雖然套戲講Dior多過Prada）而且第1集主角經歷完奢侈再走返入平凡；第2集就算係高高在上嘅「惡魔」，都要搭經濟客機。講AI點樣會取代人類、一切繁華經過百年後都係一堆塵土嘅對白好精彩，大家面對新文明新沖擊都只能盡做啦！劇情無乜特別、扭橋近乎沒有，第2集最殺食部分果然都係睇返第1集嘅情懷吧。本身都無特別喜歡呢個系列，但2日前先睇完第1集所以印象深刻，角色面對時代巨輪車埋黎個下係我最鍾意睇嘅點，所以我臭直男覺得第2集比較好睇。