白雪公主

先唔討論顏值，套戲宣揚嘅價值觀都係有問題，因為窮而將盜竊合理化，仲要套戲都係會有小朋友睇，故事毫無邏輯可言，服裝設計廉價，成個皇宮得十個士兵，睇吾出點解得十個士兵嘅皇后可以為所欲為咁多年，呢1.5分係俾張imax海邊同戲院無其他人睇一個人包場

災難級影片。Wicked 好睇過佢一百倍。足足浪費咗我100分鐘。無興趣入場既觀眾，上D+都唔需要觀看。

政治正確嗰班高層已經喺2022年俾人炒晒，「白雪」是呢一班高層嘅產物，希望呢套「白雪公主」可能係最後一套政治正確嘅電影，期待下個月「史迪仔」套戲會令我眼前一亮。女主真心好醜，但唱歌系好好聽，除左唱歌好，真係諗唔到有咩優點可以讚佢，唔好意思😅。不過唱歌幾好聽都救唔返套戲。意外地小矮人處理方法用CG系明智之舉，但中途出現咗網上流傳嗰七個真人小矮人，但又唔系小矮人嚟啵，唔知咩用意，夾硬搬啲政治正確嘅演員出嚟（有黑人有侏儒），對套戲冇幫助，反覺得反感。另外男主竟然唔係王子，成套戲同女主冇太多感情線，冇左浪漫嘅感覺，同幾年前「阿拉丁」嗰套電影男女主角感情線相差太大太多。一個童話故事就應該有返童話嘅味道，一啲遐想都冇。壞皇后已經是唯一做得比較好嘅角色，可以再壞啲，但主角光環，劇情殺，太兒戲，壞皇后最後同女主對峙，一啲張力都冇，壞皇后就「啪一聲，沒了」的感覺。整體故事平平無奇，毫無特別。我會去睇係因為我係迪士尼fans。如果本身對白雪都冇乜感覺嘅人可以唔使去睇

近年來，感覺荷李活不断消費昔日成功建立的品牌形象，這個白雪公主也不例外。這個白雪公主外型不討好，不符合討人憐惜的形象，並且各個角色像降了級。歌舞不精彩，又沒氣派和氣氛。故事又沒焦點。整個電影是跌了watt 。如是下去，Hollywood 這個文化輸出地，是輸了給自己。不要再消費這些品牌形象了，感覺是毁了它們。

劇情比童話改咗好多，可以當佢獨立電影咁睇，新加啲歌全部都好好聽(全部好聽過真人版小魚仙)，劇情流暢，小矮人係MVP，女主角雖然係唔太適合做呢個角色，但是個人覺得電影後面越睇越順眼，反而壞皇后演技真係一般般，個人覺得佢表現比女主角差。

懷着高期待度入場，因為人美心善嘅女主角，同埋絕美嘅主題曲《waiting on a wish》，結果呢一幕喺早段就出現咗，絕對係極致享受，亦係全套戲highlight，之後嘅劇情就相對普通但都過得去，喺童話嘅世界，善良係可以克服一切困難，雖然有點脫離現實，但這就是童話~4.6/5 （92分）