《祥賭必贏》首映見面場

好睇，好笑嘅場口好多：報警捉阿伯細路、周太游水、阿聰拍YouTube、阿Sa買餸、KaYan唔知道＆知道家底嘅反差、阿卵角色、阿聰朱康嗌交、周太暈低送院、直播落妝、朱康打破第四面牆（可以套落《夜王》太子峰度），好笑程度同《夜王》唔差好遠。問題係欠一個突出鮮明吸引故事主線包起成件事，同埋一啲好似《夜王》土地葵芳咁嘅突出角色設計，唔能夠簡單言傳口碑。即係唔能夠令人三言兩語講出有咩好笑，唔能夠短時間形成觀眾fans cult嘅共同話題符號。戲劇始終係戲劇，個戲本身嘅主線＆角色設計突出鮮明吸引，先係最重要。幾多好gag就咁擺埋一齊，都可以散開連唔成一個强嘅戲劇。笑完，唔能夠令人印象深刻，講唔到畀人聽。