新蜀山劍俠 (WMC)

當年製作期間及上映前宣傳攻勢最大賣點，就係本片特技由荷里活星球大戰特技班底負責，堪稱香港史上製作費空前龐大嘅一齣電影🎬亦奠定香港榮升東方荷里活嘅地位、聲望、決心和勇氣！當年初次睇嘅時候，眼花撩亂、心花怒放！但之後翻看幾次，明白「天下武功唯快不破」嘅道理，徐克用非常之快嘅故事推進，令觀眾來不及發現好多穿崩嘅地方，道具好多係由發泡膠堆砌出嚟充滿接駁位嘅巨形「雕像」，還有好多黑色嘅線（威也）吊住演員和道具飛嚟飛去，徐克當年用快鏡同快速轉換畫面蒙混過去，現場觀眾當然唔發覺，但當年通街影視會，租餅帶返屋企，拎住遙控，按住定格或慢動作重播，一切甩漏便無所遁形🤣🤣🤣不過今次偷師後，香港電影界學到嘢，特技由進口變成土產，土法煉鋼下成本大減，接著工多藝熟，特技亦由粗糙走向精細，成就了香港躍居僅次於好萊塢、寶萊塢嘅世界第三多電影原產地！香港精神再一次發光發亮，那個時代港人和港產片都充滿信心，相信明天會更好，多那令人懷念嘅時代啊，可惜，俱往矣⋯⋯至於林青霞、翁倩玉、洪金寶、元彪、鄭少秋⋯⋯喺睇特技為主嘅觀眾眼中，都成為了配角🤣🤣🤣至於還珠樓主嘅故事嚟嚟去去三幅被，粵語殘片時代V弘弘神怪武俠片已經令到觀眾習以為常，甚至可以自編自導添，毫無新意！！！