解憂計情車

goood movieeeeee

個人覺得這套戲比預期中好看，我會形容這套戲很窩心而且很有層次，看下去很有一種心靈雞湯的味道。講真可能因為是固定收費的設定，可以令整個故事更有說服力，如果這個故事在香港，很不可能會發生。而因為有交通意外的設計，導演可以有更多時間和空間讓男女主角有更多去互相了解，從而令這套戲更有深度。當然在演繹上無論是 狄高達莊遜也好，辛潘也好，他們都是上乘，他們之間的互動和交流很細緻、自然流露而且令人深刻。痴·影·夢·藝 X 的專頁 https://www.facebook.com/ckwunmovie/

全片98%都係喺的士車廂內拍攝，來來去去都係果幾個鏡頭角度，的士司機同乘客二人吹水吹足差唔多95分鐘，但竟然冇覺得悶，重一路睇一路投入咗角色嘅思想同情感世界，導演/編劇好嘢！👍除咗題材特別之外，兩個演員都演出精彩，自然又到位。片中有大量close up 鏡頭，對演員演技一大考驗，少啲演技都會令電影大大失色。而close up鏡頭亦能將女主角最靚嘅大頭角度捕足，作為男觀眾嘅我畫面睇得好舒服😍。而男主角亦成功演譯解憂的士佬角色。整體嚟講本片易入口，有些深度，亦有些暖心，不妨入場暖下。

如題，由頭到尾就係兩人喺車上談話，甚至無其他輔助畫面，談話內容大致上係女主角嘅事情，整體嚟講少少悶但談話內容幾有深度。4.2/5 （83分）

全程只有一位的士司機一位乘客嘅面對面交流，加埋女主角和渣男嘅WhatsApp對話，就構成咗近乎100分嘅100分鐘故事！這種故事喺香港唔會發生：1. 的士🚕車程去唔到100分鐘（除非兜路）2. 香港的士佬邊有咁高水準，冇辛潘咁有型咁睿智，即係冇樣冇腦冇身材！有啲朋友白頭如新，識一世都唔會講一次交心說話，有啲人一生只見一次面卻相逢恨晚，哩套電影就係咁嘅故事！女主角對家姐同「Daddy」都唔會講嘅經歷和感受，居然對一位素昧平生嘅的士佬和盤托出！觀人於微又老於世故嘅的士佬，亦都向一位萍水相逢嘅小姐交心，看似匪夷所思，但編劇嘅設定做得好有說服力，軟弱枯竭嘅心遇上孤獨空虛嘅靈魂，喺後會無期，只堪一期一會嘅情況之下，大家都需要一個傾訴嘅對象或樹窿，於是嚟個講故事比賽，傾刻間熱情傾瀉如雷電⚡️震撼咗在坐每一位觀眾，主角互動彼此灌對方滿滿七口心靈雞湯，溫潤咗主角和觀眾嘅眼睛和心靈，離場時猶自滿意地回味無窮。辛潘不愧兩屆奧斯卡最佳男主角，每條滄桑嘅皺紋都能牽動觀眾情緒，每個小動作和細微表情都準確交出内心戲，難得Dakota Johnson都脫胎換骨，演出令人刮目相看，每個close up都交到戲，連靜止時都感情不自覺地流露甚至澎湃，和Sean Penn四目交投短兵相接時，居然旗鼓相當！終於由醜小鴨🐣蛻變成美麗嘅天鵝🦢，亦洗脫咗自五十道色戒後我對佢嘅醜陋印象，原來讓人驚艷嘅演技可以令一位本來平凡嘅女人變得漂亮動人🥰

全片場景幾乎就是在一架計程車內，紀錄由機場開到女主角住所的車程，一場乘客與司機的交流對話。我自己坐的士就唔太想同司機有太多交流，不過睇戲中兩位對話又幾有哲理，就算一個陌路人，只要用心聆聽，給予恰當意見，亦能解開內心鬱結。.本身擔心電影會悶但都還好，有點平淡但亦有戲味，兩位演員的神情動作都在極有限的空間演得到位，特別女主角的心情矛盾，Dakota Johnson演得極有說服力；男主角如果稍為過火便會似變態司機，Sean Penn亦是演得恰到好處。二人的演出令這劇本昇華不少。.觀影平台: Premiere Elements.IG: AndyMyFilmography/ #AndyMovieReview