虛無

個人覺得佐敦無論在處理同執行也是極佳，無論在故事描寫同技藝的處理，也充分突顯出他大師級的功架。無可否認作為IMAX粉的我，的確對這套會有特別的感覺，我會形容這套有如替IMAX作了一次極佳的植入式宣傳。除了充分利用lMAX技術，細緻、澎湃同浩瀚地將畫面充分拍出來外（個人覺得夜晚同最後決戰這段最為精彩）。當尾段這部 65mm IMAX 菲林攝影機出現時個人也莫名感動。而他也將菲林攝影的獨特性完美地溶入故事中，從而可以令套戲更昇華。而故事處理上，佐敦的處理也上佳，他可以一層層細緻去佈排故事，好讓觀眾投入。而的確在故事設計中，他也植入了很多有關美國黑人文化符號同描寫他們在美國中所面對不公平的情況。這樣也令套戲更有可觀同獨特性。痴·影·夢·藝 X 的專頁 https://www.facebook.com/ckwunmovie/

電影在故事情節、角色形造都比較平實，那外星生物貌似用長布條塑造，冇乜恐嚇度更冇cyber 感。雖然如此，電影絕不沉悶，着重的是意念和氣氛上恐懼，主角探索外生物沒有大理想，只想圖些收入，改善生活。大牧場背景令人有荒涼及孤獨感覺，更配合這類“外星生物襲人類”的調子，美術、攝影及配樂都不俗套。喜歡《訪。嚇》的，會喜歡這。

喺冇睇任何資訊下睇咗優先場IMAX版,因標榜IMAX器材拍攝。全片兩個鐘,前半部份故弄玄虛交代背景,但舖排太長,驚嚇度近乎零,有少少沉悶,唔知佢想點, 而且同下半場主線關聯性不高。其實上半場可以縮減一半時間更好,無謂將一個簡單故事硬拍到兩個幾鐘扮大片。下半場先入正題,劇情亦變得簡單直接,跟前半部份風格節然不同,可惜下半場亦不算很精彩/驚慄。總括嚟講,以驚慄片作旗號,其故事其實好簡單,不懸疑亦不驚標,只係前半部份懶係驚慄。而外星生物設計同制作同樣簡陋唔驚嚇。尤其當人類被吸吮到外星生物體內時掙扎個畫面, 好似睇緊八十年代港產土砲特效片咁😅唯一比較印象深刻係女主角演出不錯。同一導演舊作“訪•嚇”比此作精彩好多。如果有興趣入場嘅觀眾不建議花錢睇IMAX版。

幾位主線演員演得唔錯，尤其希活馬場兩兄妹OJ/Emerald (由Daniel Kaluuya/Keke Palmer 分飾）。劇情只不過舊調重彈，又係外星生物降落加州一偏僻小鎭，有人話UFO，又話UAP，總之唔尋常，但成套戲由頭到尾都唔係好驚嚇，因為觀眾都預咗將會發生咩事，外星生物現形咪又係個飛碟款，有強大吸力，畀佢睇中，係咁先，死得！至於編導Jordan Peele 係咪借本片發出一啲隱喻訊息，要我哋人類警醒，或者係，可能我有腦霧，唔係點收到，睇戲在求娛樂，一個忠於電影藝術者，唔使成日諗住在作品中說教嚟表示深度。我覺得上主點會派遣戱中咁嘅怪物來示威教訓人類，上主終會來臨，毋須預警，我哋自知罪孽，預備接受審判，冇得say Nope， 冇得say No。

我同意《虛無》不像前兩部作品有着明顯的政治隱喻和超級心寒的劇情反轉，可是導演在營造經歷氣氛的手法上依然一流。特別是劇情中段開始，外星生物的身份逐漸顯明，而牠狩獵的過程甚有殺人魔尋找獵物的味道，過程動魄驚心， 兼有一份存在未知的懸疑感。我實在沒有想過，原來連UFO都可以拍出如此心寒的效果。特別一提，導演刻意用IMAX攝影機作為拍攝，突顯了天空和郊外場景的荒涼去增加氣氛，並且放大了外星生物降臨時的壓迫感，充分發揮了IMAX的作用。 總結來說，雖然《虛無》不再以轉折為主要賣點，但即使劇情直白易明，故事依然充滿神秘懸疑感和可解讀性，無論作為恐怖片或懸疑片種的觀眾都不會失望。特別是電影以IMAX 技術和各種隱喻將傳統的UFO故事玩出了意想不到的創意和深度，並再一次證明了Jordan Peele依然是那一個可以為觀眾帶來驚喜的奇材。 如想了解更多關於電影的解讀，或閱讀其他詳細影評，歡迎來到爆米花族的世界參觀： Ig：popcornmoviehk

睇完之後我就同套戲一樣一嚿雲同埋虛無，反而覺得前半段幾好睇，有驚嚇位兼且細思極恐。中段開始成件事唔知做乜，又唔合理，呢啲要死嗰啲又唔使死，唔知想表達啲乜