換乘真愛

果然係A24，兩男爭一女咁老土嘅橋段，配上新嘅創意可以咁好睇，A24真係唔會令人失望。今年睇左幾套鬼佬愛情片，《愛·憾事》 《錢財心愛物》《玫瑰夫大戰玫瑰妻》《白日夢接夢》都幾有印象，各有特色。詳細睇返之前嘅觀後感，咁多套我最鍾意其實係《玫瑰夫大戰玫瑰妻》同《白日夢接夢》，其次就係呢套《換乘真愛》啦！《換乘真愛》賣點淨係愛得轟轟烈烈但死去嘅初戀vs白頭到老嘅家人已經話題十足。三位主角化學反應好好，笑料同細節位都處理得宜令人會心微笑。同埋Elizabeth Olsen真心超級靚女，俊男配美女本身已經足夠無敵。雖然結局我會話符合預期，無咩爆點；世界觀都略嫌簡陋，呢個死後世界於我呢個理性之鬼睇黎覺得有啲Bug，但考慮到呢套係一套愛情片，只係搵個設定等現任可以大戰初戀，實在不宜太理性觀看。整體黎講係一套適合情侶拍拖觀看嘅電影。

#eternity #換乘真愛rotten觀眾滿意程度達91%本身對A24出品的愛情電影感覺一般：We live in time, Materialists而且這條水和聖經太似，太22:23-28 撒都該人不信有復活，所以就用若一個女人嫁了七個男人，死後是誰老婆來質難耶穌。現在七個變兩個怎料今回愛情喜劇小品更容易入口，如娛樂與故事/反思兼備例如：人得一想二。有A時又要B。但這就是人。欣賞電影一向寫實手法，車上老夫老妻看不順眼、埋怨、鬧交⋯ 但往往就是這個Lary用幽默化解一個又一個難關，陪你走過一生每個關口有時完美對象不代表適合你；何況人無完美。從前有云拍拖前開眼看清；婚後閉眼也是知易行難有時日日staycation 雪山 滑雪 湖泊 激烈性愛⋯ 其實都會沉悶，有時愛不只是激情，而閔人經典和成長。這點透過故事不用說教式帶出來，也是讚位。而一向我所說愛是犠牲，這套都做到了。反轉戈是估到與估計不到之間。這也是神來之筆。—-欣賞有添布頓Beetlejuice, Corpse Bride的卡通幽默幻想死後世界。這無善惡一切自選好像電影史上未發生過memory archive回憶館 用落幕backdrop夠抵死Scarlet Witch(Elizabeth Olsen演Joan)終於不再是Old Boy2013 和MCU的她，兩大型男也恰如其份Callum Turner 演前夫Luke和下任丈夫（Miles Teller as Larry)這是個平篌得最好的A24愛情電影，可以8分—-彈：就怎樣都有點多元性愛、少少dei，但不算嚴重;

很有哲学价值的一部浪漫喜剧，值得很多在爱情中追求是感觉重要还是相互尊重重要的人去看

我會形容，套戲雕琢得好精準，導演編劇可以原屬舊酒的故事結構，可以賜予到新的可能性同可塑性。其實導演好聰明，可以將兩男爭一女這個愛情片常有的舊菜色，用了另一個時空、另一種方式的調味手法來重新調味，以一種好討好的新姿態呈現，這點已經好，更妙的是導演在戲中添加兩個經紀的神點綴，從令這味已經高質的餸，其質感有更大幅度昇華。這點作為大廚的導演、編劇無疑是佔很大功勞。咁當然套戲的世界觀也令幫到這味餸更有不同質感，其中回憶隧道這點最為突出，個人覺得這樣好令這味餸更為可口。痴·影·夢·藝 X 的專頁 https://www.facebook.com/ckwunmovie/

題材唔算好新鮮，都係老生常談嘅議題...你身邊人是否你一生中最愛？比你有機會再揀重會唔會係佢？呢啲話題平時同老 best 喺 bar 都傾唔少。不過導演處理出色，故事世界觀設計不俗，加上演員無論主角或配角演出討好，角色們每一句對白，每一個決定，都令人睇得暖心同感動，同時亦刺激大腦思考，反思自己現在或過去嘅正確同錯誤，快樂同遺憾。電影中嘅死後世界觀都好有趣味性，對白設計又產生唔少輕鬆笑位同對立位，充滿娛樂性。演員方面，MVP 會係女主角(Wanda)，靚女之餘演出亦生鬼。另一 MVP 係肥胖女 Agent ，每句對白都講出重點，演出亦討好，好 impressive，係成功嘅綠葉。整體電影富娛樂性，令人反思，值得入場欣賞。PS.• 女主角靚女討好，不過選擇時左搖右擺，朝秦暮楚，三心兩意，玩死人，要扣分。• 兩男主角對女主角實在 too good to be true, 既大方，又君子，even 被女主角出賣仍愛護有加，笑住祝福 say goodbye，差在未同女主角講多謝。呢個世上都會有咁嘅男人，但唔多囉！同時兩個都係咁gentle就更加難得，不枉此生。• 唔知會唔會有夫婦或情侶因睇咗呢套戲，反思並作出重大決定呢？🤔😅