接棒家族

個人覺得套戲一般，雖然導演在處理情感不俗，但在故設上太令我感覺不真實同女主角經歷太美好，從而令我不太喜歡。我寧願喜歡睇是枝裕和這種比較草根多於這套。但無可否認導演在拿捏故事的技巧是不錯，故事脈絡同角色之間衝突的描寫好睇。頗有層次感，尤其是尾段一切揭開時。痴·影·夢·藝 X 的專頁 https://www.facebook.com/ckwunmovie/

一小女孩深受三個爸爸、二個媽媽的寵愛，而這份被愛令到這五位爸媽生活充滿意義和希望。電影對這“愛” 有多角度描繪，有因愛而極度自私獨攬這份愛、有因愛而不敢面對女兒、有因愛而常自省有否當好爸爸角色、有因愛而逃離以避免女兒面對自己病弱、有因感動她對女兒的愛而和她結婚並支持她的行為、有因愛而原諒母親自私行為……，幾奇妙的愛故事。導演手法幾特別，開始誤以為故事是雙線發展，其實是事件先後描述。女主角在這輾轉傳遞的愛關係表現很自然，角色表現樂天知命、積極而不强求地生活和去愛，幾奇妙。喜歡這樣奇妙的，可以去看。

優子有個古怪 不幸又極幸運 好有愛嘅童年歷經生母去世 生父再娶 然後繼父母離離合合改咗姓氏三次 有三個爸爸兩個媽媽看似不幸 但超級好彩咁個個都真心愛錫優子關鍵係繼母 石原聰美飾演嘅田中梨花初步印象係拜金又見一個溝一個嘅肉食女正當你奇怪佢會唔會真係將優子視如己出悉心照顧呢答案係佢所做嘅一切 由始至終都係為咗哩個無血緣關係嘅小孤女但諗深一層 你會發覺佢其實係攪屎棍因為自己嘅缺陷同遺憾 拆散咗親生父女然後又攪到優子自小似人球咁在三個家庭間滾動梨花嘅自私任性 攪到三個男人和一個小女孩團團轉佢搵嚟攪 套戲搵戲嚟做！！！最後錯有錯著 三個爸爸和一個女孩都得到幸福 溫情和愛咁係超乎一票獨得六合彩金多寶嘅狗屎好運氣 只有做戲至有所以故事嘅定位係催淚煽情感人但喺咁造作下 說服力和感動程度自然大減了永野芽郁外表美麗 而且有動人嘅演出田中圭飾演第三任父親似乎後生咗啲岡田健史好俊美 但角色反反覆覆 變得好冇性格石原聰美演得吃力不討好 因為角色本身貧血冇說服力如果唔係生得靚 現實中咁嘅女人一早送咗去精神病院啦劇本太造作堆砌 最後夫子自道 自圓其說但邊個都呃唔到 唔怪得咁少戲院上畫咁少場次啦最後祝大家新年快樂我將離港一個月 回來再一起分享電影吧

看了電影優先場，田中圭、永野芽郁主演嘅溫情感動力作《接棒家族/And So The Baton Is Passed》，日本電影改編自書店大賞冠軍小說，之前冇睇過電影Trailer，只聽片名有「接棒」兩個字，再加上「家族」，直覺會誤以為是接手家族生意，電影前段用了頗長的篇幅去描述女主角優子的成長階段，改過多次姓氏，跟著沒有血緣關係及不同的異父異母生活，其後嘅劇情卻急轉直下，匆匆為後母前段的所作所為，背後所隱瞞的事實，逐一解畫，突如其來的轉變，當觀眾知道真相後(只憑畫面所見幾個鏡頭)，就一下子要忘記之前對(形象已經崩壞了)後母的誤解，確是難以即刻可以接受得來，讓人感覺有些突兀，不過雖然煽情了些，但知道劇情嘅底蘊之後，仍係讓人感動嘅！田中圭演戇直後父，一如往常，表現中規中矩，石原聰美飾演表面看來像是有機心的後母，觀眾全都被她的演出騙到了！睇青春可愛的永野芽郁，就已經乜都抵返曬喇！#電影狂熱▶️FB：https://www.facebook.com/tigermoviesfever/▶️IG：https://www.instagram.com/tigermoviesnews/#接棒家族 #電影情息群 #電影情息 #電影狂熱 #電影推薦 #電影介紹 #電影重溫 #當年今日 #觀後感 #影話 #電影 #tigermoviesnews #movie #film

看得窩心，令人相信這世間還有真善美