公開試當真

我會說這套片好看，贊師父在處理和執行上也很好有層次和溫度，他可以用最真誠和貼地的角度來描寫、捕捉和陪同阿康和許賢這個考DSE之旅。我會形容這套片很好貫徹地做到到拍紀錄片最基本的原則，以最真實、沒有添加地記錄。在片中，他們所表達的很多情感描寫也是不刻意、很真誠和自然。這點無疑令套片加分，而阿叔的剪接更令套片事更為昇華。講真這套最難得的是不只純粹記錄他們如何發奮，而是透過這樣去令人反思和思考，在當下我們的考試制度是否合理，以及在這樣的制度下，能否真正量度出人的真正實力。這可能是試當真團隊想用這套片令人了解的最核心的反思。咁當然套片中，描寫兩者父母心態的章節也是好睇，其中我覺得許賢同他媽媽更是套片中除主軸外最亮麗的部分。痴·影·夢·藝 X 的專頁 https://www.facebook.com/ckwunmovie/

記得有次圓方睇戲見到高先Winnie Tsang同許賢簽約，當時都唔識佢身邊既阿康，亦唔知試當真之前搞左呢個系列。單看這部個半小時的紀錄片，我覺得被訪主角阿康彷彿只是一個中介，中段焦點開始轉移，探討香港公開試制度，以及家長的角色。.題材剪輯上偏向娛樂性，例如請來一班試當真成員考Mock我覺得是粉絲向，夜訪YY Lam屋企也是八卦多於想表示努力讀書就能住豪宅吧？阿康的溫習進度唔係好睇到，以致觀眾對意外發生也未太有感受，反而這場意外似乎令紀錄片更Juicy。.最後阿康努力的「進步」也只是看模擬試以及公開試成績表上的數字作比較，不過可幸看到他態度上的轉變。公開試之後，人生尚有很大段路要走，這紀錄片所帶出的訊息相信能夠勉勵到考生。.睇完電影之後，令我印象最深刻的並非阿康，而是許賢阿媽，看到為人母親對子女期望及施壓的矛盾，更難得是對子女的坦誠；之後是YY Lam，由我學生時代已經聽過呢個名，到宜家仲係補習界中流砥柱，而且開始踩入娛樂圈，之前有份搞舞台劇，除了教授書本知識也有帶出做人道理，堅係人生導師。.觀影平台: 黃埔嘉禾.IG : AndyMyFilmography/ #AndyMovieReview

無論中學會考或DSE，都是每個香港人必經的人生第一件大事，嚴重程度可達生命轉捩點！試當真團隊很聰明，在電影預算非常有限下，開拍一個香港人必有共鳴的題材，用一個真人show實況紀錄片去包裝，内容非常易入口和貼近群眾，觀眾能即時回帶到當年自己考公開試的緊張情況而產生共鳴。試當真給予最好的資源，聘請幾位補習天王如YY(林溢欣)等，在DSE考試前幾個月對『校草』滕毅康進行惡補和催谷，希望能補送康仔入U，完成他父母和自己的心願，電影將整個過程紀錄下來。不過，與其話睇hae讀校草『康仔』怎樣努力在考試前幾個月喪谷衝關；看另一邊陪讀陪考的許賢對公開試的自身說法和過往感受，當中和母親的互動，就來得更有深度和感人。試當真團隊首次拍電影，個人覺得很成功，發揮到自身channel的優點，題材貼地，演譯細膩。證明只要有亮點，細筆直一樣拍到好電影。加上有阿叔（張叔平）的剪接，YY和channel眾俊男美女粉墨登場，為電影增添不少可觀性。今天看的是試影場，當正場上畫時，相信好評如潮，票房應唔錯，至少唔會蝕本，咁至會有下次機會！👏# 電影名改得唔錯，語帶相關# 類比【給19歲的我】，都是校園紀錄片，但肯定沒有人事和合約糾紛😅

本來以為《公開試當真》純粹係將YouTube片拼拼湊湊嘅電影，點知睇完又有d驚喜喎。首先storyline黎講都流暢，包括本身時跟序線講故事，中間加插許賢自身經歷個flow都幾順，我特別鍾意feature許賢媽媽嘅part，感覺鏡頭比左一個契機佢地剖白，好warm好可愛，同埋都比左觀眾另一個角度去睇許賢嘅陰影（父母視覺）。我最鍾意嘅位係電影唔做作，docu做作係大忌，一假就唔好睇了。可能正正因為以youtube片出發，先做到唔staged嘅效果。覺得啊康好睇！睇到佢已經好努力。雖然有咁樣嘅機會好幸福，但同時都想像到佢應該好大壓力，話曬背負著咁多人嘅期望。最麻麻嘅part會係訪問試當真crew單頭問佢地dse意見嘅part，YYlam/康/腎對dse睇法嘅featuring係make sense嘅，佢地係主角/計畫核心人物/dse權威opinion，但係ca姐等人嗰part稍微突兀，所謂dse無辦法反映一個人實力聽落好似tagline，小怪。當佢成為電影，仲有無必要局限係試當真crew入面嘅意見呢？本身既鋪排明明已經足夠拋出考試必要性嘅思考點。批評嘅點都係大路對填鴨式教育嘅批判，你知、我知、觀眾知，咁可以點呢？另外，睇《公》嘅時候我諗起《給十九歲的我》，有趣地發現youtube片素材真係有其局限性，拍到咁已經好不錯了（本身電影策劃/製作成本都好唔同所以其實唔應該咁比，哈）。《十九》講嘅係初中嘅天真可愛，《公》就係中學六年後打大佬嘅心情，好慶幸兩套都係套好真誠嘅香港中學生紀錄片。回憶真美，青春萬歲。P.s. 試當真做到了，拍拍下真係拍左套電影。犀利犀利。

睇完感想：1. 睇完係需要飲酒🍺放鬆下2.係一套值得有更睇多人睇到嘅記錄片3. 可以重新了解我自己的經歷, 特別係經歷過DSE嘅人，會有較深體會4..每個人都有自己的人生，我們都要學識尊重

嗰陣嘅感覺可能已經唔記得睇完套戲就諗返嗰陣嘅自己由一開始唔上心到有實感要考好驚好大壓力到考每一科個種好似好快完又好似好漫長到放榜前對自己自信心直插谷底要讀foundip最後放榜個陣鬆一口氣 同時唔忿氣依家睇返覺得喺人生好小好小嘅一件事但嗰陣係人生最重要嘅事可能好多人會同你講過唔重要但做學生嘅自己係唔會明人生永遠就係差嗰一兩年一兩個月一兩個禮拜博盡 無悔就夠