祖宗膠戰外星人

時空交錯，已缺新意。打鬥乾脆利落，尚算可觀。搞笑騎尼程度對於香港觀眾只是“小辣”，做乜要下集？搞到電影故事不完整及缺高潮位。

睇香港譯名以為係笑片 但唔係咁好笑其實人家拍得幾認真除咗外星人嘅CG唔夠迫真之外嗰兩個正邪機械人打起上嚟都幾好睇加上男主角係道士 女主角揸鎗於是法術 功夫 鎗戰 傳統及科幻樣樣有齊簡直係動作片嘅古今中外自助餐至於故事其實都冇乜新意只不過係Terminator嘅韓國版本由外星經2022年去到朝鮮皇朝時代由更遠出發去到更為過去而已作為這個袖珍暑假入場睇嘅第一齣外語片算幾有娛樂性可惜中段有啲拖有啲悶二仙二貓和小道士嘅喜劇元素有啲低級同Termniator最似嘅係留低尾巴擺明係繼《與神同行》一樣要引觀眾睇續集希望續集唔好好似《與神同行2》咁令人失望啦雖然哩齣冇《與神同行1》咁好睇 但我會追第二集

估唔到崔東勳導演搞出一部咁出位嘅電影，由1380年到現今2022，橫跨642年，時空交錯，古代道士武功對衡現代先進科技，再加埋外星生物嘅超特異功能，七彩繽紛，令人大開眼界。CGI 再配上特技動作，帶畀大家極高視覺享受，故事未完，仲有下集，所以完場時有啲不捨同埋有期待之感。我唔係咁熟識韓星，扮演守護神嗰位型男應該係金宇彬（我叫佢韓板鄭伊健），演古代道士武魯係柳俊烈，而演成年伊安係金泰梨，呢幾位演得出色，戱份較多，所以印象較深刻。略嫌本片稍長，其實可以刪減部分過多動作鏡頭，同時這6百多年時空穿梭要交代清楚啲，守護神/閃電喺1380年來地球執行任務後，但錯過回程時機，要留喺地球10年8個月先至可以再返回外星，咁點解忽然又嚟到現代，當年守護神救返個BB女伊安亦不過12歲左右，即在古代1391年，時間吻合，我真係唔明佢哋點樣及因乜事穿梭到現在2022年。無論如何，故事應該屬於原創，並非改編自乜小說乜漫畫，此點十分難得。

劇情上真係好黐線，妙想天開，特技都唔錯，期待下一集！缺點就係有少少拉長故事

未曾之未到來之來沒有到來

祖宗膠戰外星人(Alienoid)：故事交叉發生在現代韓國和古代的高麗國，生化人、ET、武林高手打來打去，武器層出不窮，最開心的是，我看到拿扇的「至尊寶」與拿槍的「趙敏」攜手並肩對抗外星人，武俠/穿越/科幻元素共冶一爐，完全猜不到劇情的走向！說實話，我覺得比《明日戰記》（我也喜歡古老闆的新作）好看。期待下集更精彩！