米高積遜

3.8⭐只講述 Michael Jackson 由小時候 Jackson 5 冒起，繼而獨立發展，....至到1988倫敦演唱會演出為止，當中涉及其家庭同個人心路歷程轉變。感覺描寫比較表面欠細膩，對 MJ 內心世界刻畫唔算好深，例如點解鐘情養動物，收藏玩具，點解要整容等等，都只係輕輕帶過。其實所有角色嘅描寫都係好表面，例如老豆只有惡同貪婪，老母只有忍讓，司機只有做阿4，兄弟姊妹直頭係活動佈景板，整體電影偏向流水式敘事，只係 MJ 成長/事業嘅一個進程，幸好節奏明快冇悶場，加上時不時有名曲同歌舞場面，令電影具娛樂性。不過如前所提，電影對 MJ 嘅描寫較表面，而且偏向正面，一啲負面嘅嘢完全冇提及，係一套歌頌 MJ 嘅電影。整體電影製作不俗，有歌有舞，扮演 MJ 嘅演員演出亦合格，有啲角度/ shots 面相都幾神似，仍然係一套值得一睇，緬懷 MJ 嘅作品。

睇之前都幾多負評 所以都冇太大期望睇落都有驚喜 好似睇咗兩個幾鐘演唱會咁

導演很聰明地喺啲subtle 位幫M J洗白，例如佢有白蝕症，並唔係佢唔認同自己黑人嘅身份而去漂白自己，就例如佢話因為佢燒傷，才需要服用鴉片類止痛藥，他並沒有濫藥嘅習慣！唯一不滿意就成日用一啲好驚嚇嘅背景音樂去突顯佢同佢老竇嘅張力，有點不倫不類！其他整體都算一部回顧MJ前半生的一套好電影

選角很好，全程完美演繹傳奇巨星年輕成長過程。但扣分位係不只本地人，但加埋外國人全程大叫大笑當睇演唱會，入場睇戲，真係要學禮儀

儘管導演以穩定手法去重現呢個傳奇故事，Jaafar Jackson卻係呢套電影嘅靈魂。佢唔係模仿緊Michael，而係真正融入其中，捕捉到個份當初令全世界都為之傾倒嘅活力同靈魂。電影呈現左一段連貫、震撼、感人嘅旅程，呢兩個鐘好唔夠。

傳奇人物MJ，實在唔應該被世人遺忘。呢套傳記拍得非常好，無論聲線以至舞步節奏…都已經演得好似MJ，加分！切入點亦揀得幾好…都交代到MJ由年輕時家族上嘅艱苦再推到去佢黃金時期…選材唔錯，亦還原到唔少經典場面！氣氛有啲似睇緊MJ演唱會咁，都幾正！相信會有唔少候生嘅唔係好認識MJ，希望可以再有作品，繼續將佢嘅經典流傳開去！