無限制軍團

個人覺得今次佳導是不錯，雖然故事處理公式但睇落依然很爽，講真如以娛樂片角度來睇，這套是合格有如，今次還有真實背景來襯托，更好令套戲有力同實在。而他在舖排上也不拖，很快已經入了局，沒任何多餘支線舖排。而同時他在套戲有很豐富討好一般觀眾的娛樂片元素，有炮戰、血腥殺戮、爆炸、有女角賣肉，這樣的確是好。還有我也喜歡佳很懂用點煙作為加強角色描繪的工具，這樣的點綴是喜出望外。而各個角色也有戲做，更重要是繼續有佳導獨特的幽默位，的確令套戲亮眼得多。痴·影·夢·藝 X 的專頁 https://www.facebook.com/ckwunmovie/

電影手法輕鬆但並不胡混，槍戰場面如“電玩”，可以一看。

好典型嘅特工動作片，各組員優雅動作輕鬆遇神殺神、遇鬼殺鬼無限制直入，再加性感養眼女特工拍檔，敵方點會唔兵敗如山倒。不過略嫌動作設計太簡單，大部份有型格輕描淡寫咁一槍了、一箭了、一插了、....有點單調乏味。故事大致上係expected嘅劇情。屬一般正常水平動作爽片，一看無妨。返而喜歡其配樂，令全片更stylish、更有格調。

任務目標明確，雖然戰爭背景沉重但敘事手法輕鬆，六位無名英雄各展所長，娛樂性跟爽度均相當不錯。4.5/5 (90分)

感覺上，電影走《希魔撞正殺人狂》嘅路線和風格。故事嘅歷史背景（二戰）和發展都好近似，不過導演功力就差得遠，昆頓塔蘭天奴完勝Guy Ritchie，後者只能平鋪直叙，故事公式，發展係意料中事，毫無驚喜，真係真人真事改編，咁老實自然唔會好似昆導咁竄改歷史喺度玩嘢啦！整體嚟講，唔緊張唔刺激，仲有啲悶添！見到放棄唔做超人嘅Henry Cavill改戲路本來替佢高興，只可惜都係演特工，但今次比《UNCLE》更唔搶眼，近乎可有可無！另外一個Henry （Golding）留鬚扮鬼佬就更唔起眼，冇乜發揮機會！哩隊無限制嘅軍團，冇Inglourious Basterds咁顛咁喪，Brad Pitt靚仔過Henry Cavill，論女角Diane Kruger、Melanie Laurent完勝Elza Gonzalez。加上當年首演荷里活電影即憑《希魔》奪得奧斯卡最佳男配角嘅Christopher Waltz，編導演都贏《無限制軍團》九條街！

角色眾多，但不太突出，跟導演先前的《譯戰同盟》真是差天共地。劇情就是好順好自然就完成任務，就算障礙加固了都無問題都能成功執生。低配版007再搭個特別的背景簡單就是。全程都以無雙式秒殺敵人，敵人連反應機會都無，一下就爆頭噢bye，睇完還有點同情德軍的感覺？原型故事似乎都是這樣不太特別，英國用來射潛艇之神劇～超人阿Henry，其少校角色其實發揮不多。他們一行人主角光環光到炸了燈都蓋不住。至少他露面機會頗多，開頭變開會變狂偷眼前之物些微表示其性格之外，之後就純粹露一露面做一做決定，比起《特工亞皆老》更花瓶。反而是最前線的女主角，尤其歌唱部分好艷好型，但竟然一半變了B-roll可惜。有講到她槍法好準，咩槍都可以用來射中目標，但之後毫無機會開槍。不過每次跟軍官交談都異常緊張，美人計不是一般靚女就可以在派對上套料。之但係所謂的謎語都不算好精妙，可能語文好的觀眾會有感吧。從標題都大致估到條橋如何公式化呈現這班直屬首相的秘密部隊如何拆解德軍補給船的過程。至少女主角部分異常緊張，其他麻甩佬真無特色⋯⋯