世一旅行團

如題，套戲做到差唔多一半先開始去旅行，不過有我最鍾意嘅電音歌聽！！極體來講都係輕鬆搞笑，不過後面有個反轉，雖然大概都估到。4.5/5 (89分)

講真套戲唔太悶但唔算好笑，都幾無聊同堆砌，但演員落力，本來都可以俾合格嘅分數，可惜電影宣傳完全唔老實，違反商品說明條例，明明話顏值高過韓妹嘅車銀優「首度擔正演出」，到頭來大部時間/「戲份」係三個傻仔攬住佢嘅布偶/攬枕喺泰國🇹🇭芭堤雅通街走！由於誤導觀眾，所以要扣分至唔合格🤬🤬🤬電影走瘋狂爆笑喜劇路線，可惜唔爆笑，仲要一開始由車銀優話係「悲劇」，所以最後只剩下瘋狂，勉強可歸類為鬧劇！劇情就好有韓風/韓瘋？例牌臨尾反轉再反轉，sell友情+廉價浪漫，變成煽情，迫人感動，但太造作反而適得其反，只剩低級趣味嘅感覺，編和導都眼低手更低！至於電影🍿喺哩個谷評分咁高，只證明本片須靠打手幫忙推高入座率，所以好睇有限，因為真材實料就唔使淪為打手搵食機會啦🤣🤣🤣

車銀優跟喜劇來作入場為由就不難會有所失望。劇情看似九唔搭八，如果以文藝片看待是可以的。最無言是預告大致都有齊他的戲份片段。戲外也因服兵役而用公仔代為謝票。蛇頭虎尾的敘事，刻意讓人難猜因因果，忍完知道如此不簡單的安排尚算有所加分。　　車銀優中段另一種存在設計得好特別，主要都變成聲音導航。不是普通一班人去旅行團。上機之前突然變成等身抱枕不能忘記。雖然他就缺席半場，卻又無所不在。籃球好友變成病人都情有可原，跟車銀優亦有最大關係，所以要等到最後先至明白為何大家都對其的病極為包容。　　車銀優跟一齊扮慘求家長們去國外旅行，轉身露出真面目好歡樂。笑位都算有的，靚仔就算除鞋坐車都可接受。初到泰國，跟每次要韓國領事館去解救一段都算幽默。另一未出家和尚好友來烤肉、到佛教盛行的泰國人人合掌歡迎。彌補當年去不到的旅行團，當初被敷衍「下次再去過」，得閒食飯有時候就真的無下次。所謂韓國票房冠軍，再下次就變狼來了。

如果你只為睇車銀優而入場應該會失望，因為宣傳上大大字字「車銀優」係中間但佢出場戲份好小（唔知係咪因為佢好貴/無檔期？），有掛羊頭賣狗肉之嫌。但佢個角色的確係貫穿成套戲嘅引子，結尾反轉劇情都合理化到點解佢咁重要但又咁小戲份；同埋前面要補嘅坑都補哂都圓到個故事。四位主角人設好特別，亦描寫得好好；佢地演出都好有火花，說服到我佢地真係咁老死，所以令佢地搞笑嘅劇情幾愉快同好睇；該煽情時亦受惠於豐富嘅人設而感動，所以佢地個角色可以話好成功。仲加入左啱啱新聞有講嘅韓國人KK園事件，相信韓國人自己睇都覺得好貼題。電影整體氣氛營造得愉快，如果想開開心心睇套戲，《世一旅行團》係幾好。而且佢有反轉劇情、劇本札實、演員演出生動有趣，同埋要煽情嘅位都有齊，劇情除左略嫌誇張外我覺得好用心架啦。

本劇頭段其實幾悶！要去到差不多出發才吖人入戲！但呢一刻，要等致差不多40分鐘之後才出現！ 論劇情其實只屬一般！睇偶像係可以的！起碼我看時都聽到d妹妹仔在狂笑及呼叫！ 今次最特剔的，他們真的做到用喜劇包裝嘅悲劇！從悲劇演出的喜劇！由其是當中所寫的友情，叫人印象深刻！而最叫人睇得開心的，就是他們怎樣一起去到旅行嘅安排！覺待好可愛！然而！劇本上的錯漏，有點使人失望！例如酒吧調酒員的出現！到底佢想點呢？