玫瑰夫大戰玫瑰妻

個人覺得套戲是出色。我會形容套戲好跳脫同精警，導演同編劇無論在人物塑造、演變、節奏拿捏故事舖排等，好有自己的味道同獨特韻味，而這樣的處理可為整套戲的深度有所增加，不是純粹為胡鬧而胡鬧，就算最後那場胡鬧博弈戲，也是有著特別的含意 。而種種的加上，可今觀眾睇到賞心悅目。而更難得地，導演在戲中所設計的對白，好有一種畫龍點睛的效果。咁當然，無論是BC或是奧莉花高雯的演繹，也是好精準同細膩。兩者之間的互動也能擦出夠力量的火花。從而令整套戲的層次有所昇華。痴·影·夢·藝 X 的專頁 https://www.facebook.com/ckwunmovie/

3.7⭐為啖氣夫妻嘈交可以去到幾盡？為拍戲導演/編劇又可以將劇情去到幾盡？呢套戲話比你知。電影故事骨幹簡單，男女主角偶然相遇、極速發生關係同結婚、產子。可惜事業發展女遠超男，夫妻/家庭關係開始產生負面變化，並且鬧離婚，結果....。電影最大賣點係夫妻關係惡化後互相言語同行為上嘅角力，一步一步升級，直至瘋狂無底線，從中營造劇力同笑料。基本上係造到嘅，不過言語上嘅鬥咀偏向英/美式幽默，香港人未必完全明白/受落，不過相信仍能引起已婚香港觀眾共鳴，講出好多已婚觀眾心底話。演員方面，男女主角都係好戲之人，演技無容置疑，其他配角/客串角色亦演出精彩。淨係演員已經吸引到觀眾入場。PS.• 本人覺得男女主角外型唔太襯，女主角似男主角家姐多啲。

兩夫妻從某事開始矛盾逐漸加深，最後終於爆發，但從頭到尾他們都深愛對方，相當矛盾但亦使劇情有張力。4.5/5 （89分）

戲中夫婦的名字根本就唔係叫玫瑰，電影大概是視借玫瑰比喻美麗而有刺的婚姻吧了。香港譯名明顯向廿年前的史密夫大戰史密妻（Mr. & Mrs.Smith）致敬，的確電影也是向該片致敬。.一開場就是婚姻輔導的戲碼，尾段也以一場夫妻大戰作結，只不過二人不是特務，而是建築師及廚師。戲中少左真槍實彈，但唇槍舌劍同樣充滿火藥味。劇情及角色設定略為浮誇，後段發展逐漸失控，失實但不失探討婚姻相處之道。英式及美式幽默有文化差異，好唔好笑見仁見智，我幾鍾意對話夠毒舌，算係睇得幾歡樂。.兩位主角演夫妻幾有新鮮感，係吸引我入場主因，雖然望落唔係幾襯，但由開場初見的激情，中段家庭崗位身份對調，慢慢引致反目開戰鬥狠，當中擦出唔少火花。.觀影平台: 百老滙電影中心.IG: AndyMyFilmography/ #AndyMovieReview

本片故事都係現今社會常見現象，大家耳熟能詳，所以情節好平淡，無甚高潮，但編劇寫嘅對白（當然係英文）就幾精彩，有啲英式幽默，令人會心微笑。男女主角分別係班尼狄甘巴貝治(Benedict Cumberbatch)、奧利花高曼(Olivia Colman)，都係金像級人馬，演技揮灑自如，兩人演一對夫婦：菲奧Theo 同艾菲Ivy，經歷過人生高高低低。兩人原本係英國人，婚後移居美國，男係建築師，女係廚師，一家幾口在美國生活安穩舒適。豈料菲奧嘅一個建築設計，施工時遇上強風倒塌，事業跌到谷底，而艾菲因緣際會，在飲食事業冒起。兩夫妻因此更多爭執，更多怨恨，結局如何，在此不作劇透。男女關係好多時都會係：愛過，忍過，到最後死都唔放過。彼此坚持己見，互相嘲諷，死不認錯。結果咪就係「分手啦」We are done.

吸引入場係因為Benedict Cumberbatch同Olivia，絕對唔係因為呢個拍到爛嘅題材同不斷炒冷飯嘅類似戲名，而睇完係幾驚喜嘅！兩個主角好有火花，而其他演員例如一對子女同Kathryn McKinnon都同佢哋好有化學作用，令電影嘅笑點提高咗唔少！電影講述一對原本恩愛的夫妻因為角色對調（住家vs工作）加上缺乏溝通同同理心而走向離婚邊緣，但全靠大家回憶開心嘅moment加丁點再溝通從而了解返對方而和好。題材係老土，但電影執行力高、劇本完整、故事鋪排得好同節奏拿捏得好、對白又夠唒搞鬼抵死精警搶口，係典型美式喜劇，係有唔少嗰啲睇完令人會心微笑嘅笑點，總之成套戲睇得舒服，老土啲講句雖然講唔出咩大道理，但電影中故事的確可以令人引起共鳴，套戲嘅結局更加係驚喜到「爆炸」，絕對係一套近期令人眼前一亮、有驚喜嘅作品！