心之觸碰。

都係典型日式奇幻倫理文藝片。故事題材可以，尚算新鮮，但角色同人物關係描寫表面欠深度，劇情處理亦流於表面同虛幻，有時令人難以理解/感受/代入，所以整體玩唔出感動。其他comments如下：• 故事其中一個設定 - 三人內心陰暗面被過濾後三人便能建立完美友情一起生活都冇問題似乎過份簡單化咗件事情，咁嘅設定似乎唔係好成立。• 兩女主角入住三人屋企編排欠說服力，而兩女主角個性、行為、感情處理亦唔合乎常理，令人難以入戲。• 呢個”心(身)之觸碰"發生喺三個男角身上對於日本腐女可能好受落，但對於我呢個香港正常男性觀眾就有點兒唔欣賞、打哂冷震。如果係發生喺男女之間我唸故事會更加吸引同較易接受。• 全片我最欣賞係背景美術，片中寫實派細緻表達嘅背景美術真實度非常高，觀眾妨如置身中本街頭、店舖、火車....各場景之中。3⭐大部份係比動畫製作。• 隻 Fureru 一啲都唔可愛、唔討好。整體係一部日式奇幻文藝友情動畫，除背景同製作出色外，其他方面冇乜亮點。PS. 唔明點解日本硬係鍾意拍埋啲奇幻+文藝+慢板嘅小品題材電影，無論真人電影同動畫都係。🤔

作為YOASOBI Fans，成日聽佢地首「モノトーン」就基本，但睇完套戲先知Ayase填詞填得幾咁好，因為首歌嘅詞100%講緊套戲，完美地將套戲嘅劇情講哂出黎。其實套戲講3名少年嘅友情好簡單，面對嘅問題都係大家會面對嘅野，最大分別只係佢地有Fureru。Fureru帶出一個命題就係：如果3位好友認識係因為呢種「作弊」，到底佢地嘅友誼是否純粹？我自己覺得同「蝴蝶效應」、「平行時空」類似，你人生會係A學校識到一班好朋友；但如果另一時空你因另一個決定去左B學校而又識到另一班朋友，咁樣呢兩個認識過程又算唔算「作弊」？其實件事無得咁諗，反思到我自己識到朋友其實一切都係緣份，主角幸運地有Fureru幫忙，但我地正常人都係靠自己嘅性格、溝通技巧、待人接物態度，so far亦係電影中主角要成長嘅點。當然日本劇就好正能量咁叫你唔好用暴力，用對話解決問題。實際上套戲嘅對白真係不敢恭維，犯左日劇嘅通病，對白講得唔清唔楚、收收埋埋、扭扭擰擰，作為有話直說嘅香港人我就覺得唔太精彩；結尾Fureru黑化後嘅冒險劇情都好悶，毫不精彩亦唔感人；起承轉合位都估到哂，睇到某個位個心都知道係時候「黑化」，最後劇情真係比我估中。不過劇本整體都流暢、動畫畫風都係合我口味嘅典型日系風（除左Fureru大冒險時極度出戲嘅崩壞位）畢竟都係青春電影，加左兩位女主所以注定有感情戲份，不過兩位女主人設都唔馬虎，而且真係有貫穿整套戲。（除左個跟蹤狂真係9唔搭8）結局都只係輕輕帶過佢地嘅感情戲，放返係電影主旨「友情」到，係我最欣賞嘅點。

YOASOBI係重點！勁好聽

整體節奏有啲慢，又唔太感動到我