風林火山

比之前啲負面新聞攪到我冇乜期望咁入場。唸住會睇到一舊雲。😅本片卡士唔駛講...夠強夠吸引！故事就一般警匪，節奏快，冇悶場，唔難明。但人物多，背景描繪唔夠深，觀眾對角色情感投入度唔太高，真係可以推出一個長版本比觀眾再細味。攝影、美術、配樂俱佳，麥俊龍係有啲藝術觸覺同天份。👍不過套戲真係拖得太耐先上映，失咗天時，冇計。此作係有 heart 嘅作品，唔係傳聞所講咁爛，值得入場一看。PS .• 比之前啲負面新聞嚇親，攪到冇乜其望入場，睇完之後真心覺得唔係差，不過仍有改善空間，可能係剪到2小時版本所至，期待完全版。• 古天樂同金城武好型，入場睇佢兩個都值。• 講真我嘅觀影感覺係唔錯嘅，故事推進冇拖拉，冇悶場，人靚畫面靚，有設計不俗嘅動作同爆破，不斷有好睇演員出現，好快過咗兩個鐘，好睇過一啲不停打但又打極唔死嘅動作片。• 睇呢套戲感覺似白紙一張咁入場睇一套日本 TV series 動畫嘅劇場版總集編。

八年前開拍的都市傳說終於面世，本身萬人期待，可惜出師不利，康城影展首映後劣評如潮，不過就算係爛片，還是要入場看看到底有多爛。入場前降低期望，其實電影未算太糟，只是覺得斥資4億港元製作，這個資金足夠拍100套中小型港產片，就算大製作無間道都拍到20套，這套風林火山性價比唔太高。最欣賞風林火山電影美學，黑白色系的冷感，不同場景的取角，空間感等都好唯美。一比一打造平行時空落雪的銅鑼灣，未來感的香港站都好有質感。不過電腦特效反而睇到穿崩位，例如架巴士鏟上SOGO…另一方面，單看演員卡士其實已經值回票價，金城武，劉青雲，古天樂，梁家輝等角色線都有焦點。傳聞全片片長7個鐘，如果以一套短劇去上架，每個角色著墨多啲，成件事應該會好睇啲。現在最大問題係個劇本，以連串場面打造出色視覺效果，但劇情故事感覺薄弱，角色關係與行為動機等流於表面。不得不提，金城武真係好型，差唔多由頭帶到尾，無諗過杜德偉拍埋去，完全無比下去，真心型！到最後，電影週邊八卦好似比電影本身更彩，例如黃偉文AI換臉，任賢齊真吊頸後罷補拍，麥導零宣傳，冷處理上映。觀影平台: 高先電影院.IG: Andymyflimography / #AndyMovieReview

如果係純美學觀賞嘅電影，呢套係5星如果導演係想俾大眾觀看嘅話應該要以大眾能夠理解嘅內容呈現故事，如果唔係真係浪費咗咁多年嘅心機。出色嘅電影係言簡意賅，直接表達内容觀眾先可以喺兩小時裏邊理解真相。成套戲真係浪費左咁多實力演員同耗資既成本

麥浚龍啲戲嘅畫面絕對係無庸置疑 靚佈景又係落本，4億入面唔知觀眾睇咗幾多億呢😆⭐剪接方面絕對考起張叔平功力⭐卡士就唔使講㗎喇唔知會唔會有6個鐘版本睇呢

2個鐘入面唔知睇緊啲乜嘢😵‍💫雖然有好多大卡士出名既演員，但可惜浪費左係套戲到，戲情剪到好零碎，每人好似出幾幕呈現曝光率咁，唔知想表達咩，加上成個背景顏色都好黑暗，完全有令人睇睇吓想瞓着嘅感覺，幸好只係用了優惠$30睇這埸戲，不然更浪費金錢。

貫徹始終的風格，最型嘅演員陣容；場景佈置道具極致的唯美。那些穿越現實與超現實嘅香港 （隧道景、機鐵站、IFC、780往柴灣嘅巴士路線、SOGO個招牌位置、魚蛋粉、打邊爐、怪獸與重慶大廈、南亞brothers、那些經典的港產片場景對白…） 仲有坂本龍一先生嘅鋼琴配樂… 這部戲絕對稱得上一部本土史詩式嘅大作。