風林火山

比之前啲負面新聞攪到我冇乜期望咁入場。唸住會睇到一舊雲。😅本片卡士唔駛講...夠強夠吸引！故事就一般警匪，節奏快，冇悶場，唔難明。但人物多，背景描繪唔夠深，觀眾對角色情感投入度唔太高，真係可以推出一個長版本比觀眾再細味。攝影、美術、配樂俱佳，麥俊龍係有啲藝術觸覺同天份。👍不過套戲真係拖得太耐先上映，失咗天時，冇計。此作係有 heart 嘅作品，唔係傳聞所講咁爛，值得入場一看。PS .• 比之前啲負面新聞嚇親，攪到冇乜其望入場，睇完之後真心覺得唔係差，不過仍有改善空間，可能係剪到2小時版本所至，期待完全版。• 古天樂同金城武好型，入場睇佢兩個都值。• 講真我嘅觀影感覺係唔錯嘅，故事推進冇拖拉，冇悶場，人靚畫面靚，有設計不俗嘅動作同爆破，不斷有好睇演員出現，好快過咗兩個鐘，好睇過一啲不停打但又打極唔死嘅動作片。• 睇呢套戲感覺似白紙一張咁入場睇一套日本 TV series 動畫嘅劇場版總集編。

八年前開拍的都市傳說終於面世，本身萬人期待，可惜出師不利，康城影展首映後劣評如潮，不過就算係爛片，還是要入場看看到底有多爛。入場前降低期望，其實電影未算太糟，只是覺得斥資4億港元製作，這個資金足夠拍100套中小型港產片，就算大製作無間道都拍到20套，這套風林火山性價比唔太高。最欣賞風林火山電影美學，黑白色系的冷感，不同場景的取角，空間感等都好唯美。一比一打造平行時空落雪的銅鑼灣，未來感的香港站都好有質感。不過電腦特效反而睇到穿崩位，例如架巴士鏟上SOGO…另一方面，單看演員卡士其實已經值回票價，金城武，劉青雲，古天樂，梁家輝等角色線都有焦點。傳聞全片片長7個鐘，如果以一套短劇去上架，每個角色著墨多啲，成件事應該會好睇啲。現在最大問題係個劇本，以連串場面打造出色視覺效果，但劇情故事感覺薄弱，角色關係與行為動機等流於表面。不得不提，金城武真係好型，差唔多由頭帶到尾，無諗過杜德偉拍埋去，完全無比下去，真心型！到最後，電影週邊八卦好似比電影本身更彩，例如黃偉文AI換臉，任賢齊真吊頸後罷補拍，麥導零宣傳，冷處理上映。觀影平台: 高先電影院.IG: Andymyflimography / #AndyMovieReview

很多年前聽過一位朋友的高論：「著衫著得好睇已經唔易，著同唔著都好睇就更加難得。」睇完《風林火山》，第一時間想起這番話。一個發生在香港冬天，而且是街頭漫天飛雪的故事，片中人物從早到晚穿著嚴實，非常合理。於是乎，一眾角色在暗黑風格包裹下，益顯得帥氣有型。更何況金城武、古天樂、梁家輝、劉青雲、任賢齊、杜德偉、甘國亮、林俊賢、王德順⋯⋯那一位不是型男？！再加上嫵媚迷人、萬綠叢中的高圓圓點綴；如果，這只是一場冬裝「花生秀」的話，絕對可稱得上是超豪華的視覺盛宴。然而，當褪去華麗外衣後，能夠撐得住電影的骨肉已所餘無幾。從零碎的兩個多小時所見，「有型」或者「扮有型」的想法，一直貫穿全片。帶有極簡奢華的「侘寂美學」造型、服裝、色調、裝潢、鏡頭運用，凡此種種均以強烈的個人風格呈現出來。接下來，身兼編劇的麥浚龍挖空心思，寫下一堆虛浮的詞藻放進角色口中。聽着一句句既未能幫助劇情推展，也沒有增添角色深度的對白，不得不說一聲，「寸有所長、尺有所短」確是至理名言。不清楚麥浚龍是因為什麼原因，觸發他開始構思這個故事。也不知道在片尾有沒有加上，「本故事純屬虛構，如有雷同實屬巧合」的免責聲明。不過，片中的某些情節還是讓人浮想聯翩，特別是杜德偉那一段。電影和現實的分別在於，確實沒有政府會讓一個通緝犯隨意入境，那怕理由是奔喪。「風林火山」出自《孫子兵法》：「其疾如風，其徐如林，侵略如火，不動如山」。〈軍爭〉篇後面還有兩句，「難知如陰，動如雷震」。海報也寫上「動如雷震」四字，獨缺了第五句。也許導演亦明白到，電影本身就像是烏雲蔽日般「難知如陰」。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

如果係純美學觀賞嘅電影，呢套係5星如果導演係想俾大眾觀看嘅話應該要以大眾能夠理解嘅內容呈現故事，如果唔係真係浪費咗咁多年嘅心機。出色嘅電影係言簡意賅，直接表達内容觀眾先可以喺兩小時裏邊理解真相。成套戲真係浪費左咁多實力演員同耗資既成本

麥浚龍啲戲嘅畫面絕對係無庸置疑 靚佈景又係落本，4億入面唔知觀眾睇咗幾多億呢😆⭐剪接方面絕對考起張叔平功力⭐卡士就唔使講㗎喇唔知會唔會有6個鐘版本睇呢

真係唔係有budget就係拍到好戲。共勉之。