極速傳奇：福特決戰法拉利

個人覺得套戲是精彩，精彩的是基斯頓比爾的演繹（尤其是他的臉部表情演繹，尤其是他和妻子在車內吵架的一段），他豪邁、有強烈牛仔情緒、單靠直覺、而他的演繹可以令這個角色有所昇華，咁當然麥迪文也是可以幫他。這樣的配合下，令套戲更好睇，也是這句，他碰到馮力士，在影帝之戰中，他是下風。而在導演處理上，也是好睇，尤其描寫基麥二人面對福特高層這個極官僚制度的描寫，這樣又有幽默而處理得令觀眾覺得好睇和耐看。而法拉利和福特之間的商戰的一段也是處理得精彩。導演從而有曲線來講出意大利人這樣的高傲和美國商家的短視場面方面，個人覺得導演在處理上是好睇，有速度之如不失質感，有時拍賽車片一般會有太追求場面刺激而失去了質感和劇情，而這套卻沒有的痴·影·夢·藝 X 的專頁 https://www.facebook.com/ckwunmovie/

正如福特二代所說，賽車的令人窒息興奮的速度感，只有有經驗的人才感覺到。基斯頓比爾做到了，充分表現一位天才横溢不羈的車手，令電影充滿賽車感。值得去看。

開頭搞唔清楚d人物同故事有d悶，但之後就入到戲，中後段兩場賽事都好精彩，試車過程亦唔悶，不過呢個結局實在太奇特，如果唔係真人真事好難作到出黎利申唔係車迷，淨係聽過法拉利，睇完先知道主角係福特！XD4.5/5 (90分)

精彩看唔夠好正愛車勝過女

史上兩位賽車英雄惺惺相惜，就算不愛車的我，亦都能睇得津津有味，兩大車廠在賽車場上角力，福特車廠為嘗一勝，不惜工本，花費龐大資金投入資源，但又要製肘諸多限制，就算賽車上的真英雄，亦得為金錢利益過活而去賣命，利是有的，名就歸於車廠，都得要向現實低頭，總括劇情鋪排唔錯沒有冷場。

兩大型男麥迪文同基斯頓比爾携手演出本片，根據真人真事拍成，精彩好看。麥迪文演卡羅雪比，基斯頓比爾演簡邁斯，兩人都同樣對賽車機械十分熟悉甚至近乎狂熱，亦都係一流賽車手，彼此惺惺相惜，成為摯友。雪比在50年代曾為一級方程式及勒芒24小時耐力賽車手，到60年代轉為跑車同賽車設計師，最有名係為福特Ford 設計Cobra 同Mustang 跑車。本片時代背景為60年代後期，喜歡賽車朋友必定好鍾意戲內連場在地通拿同勒芒大賽嘅場面。簡邁斯在跑道上人車合一，將部跑車性能發揮至最高最完美，興奮莫名。簡之小兒子彼得曾問簡，你點可以每次都完美地在跑道上過每個彎，簡只係話，我正要追求完美。好多人在生命中有所執着，在他追求的夢想中，要做到最好，卡羅同簡就係呢類人物，係賽車史上傳奇。完場前那段情節，令我十分感動。簡後來試駕卡羅設計嘅新車，不幸撞車身亡，之後卡羅來到亡友家見到小彼得，將簡曾用來與他戲玩嘅士巴拿奉還，並謂語言幾好都唔及得工具之實際，物是人非，天地悠悠，低迴不已。