96分鐘

簡約解釋各人關係同前因就開展故事，幾“香港”最緊要快唔好拖，觀影感覺應該是爽快嘅。 可以駁嘅位，少少啦… 講解唔夠清楚嘅位，少少啦…… 至於非A即B…算唔算偽命題？…… 另外，塲外台灣友都一問：唔係“左營站”咩幾時叫高雄站？我會在香港睇多次。movie6唔識分台灣戲院張飛，似乎職員都唔識分辨。 #臺中大魯閣威秀影城 #平日首影日 #20250905_1420 #入座約7成

一部同高鐵、同速度有關，又同折彈專家、屍殺列車畫面類似嘅東西。成個戲都好似熟口熟面咁，了無新意。最大鑊係速度戲冇速度，節奏慢，又老套，成個氛圍又欠真實感，短短96分鐘嘅事情拍出118分鐘冇迫力嘅畫面，難得主角自我壯烈犠牲仍然令我睡意難耐。成套戲都係配音更令電影失去現場感。整體其實套戲完完整整，係衰在太過普普通通，毫無新意同亮點。PS• 硬撐開眼睇哂全片• 列車內一啲搖晃感覺都冇，欠真實感。四平八穩嘅列車廠景亦令演員行動上似喺室內而非輕微搖晃列車內，令演員同觀眾投入感大大減低。

絕對唔係好睇，但都唔係差到淨係值3分，起碼好過近排嘅一戰再戰、他年她日同風林火山，相比起呢三套96分鐘係更加易入口，呢個題材絕對係台灣片近年少見，但西片嚟講就已經拍到爛晒，呢套感覺乜都溝少少，最後都係探討道德觀、人性、自私同贖罪議題，劇情係老土㗎啦，但出現喺華語片感覺都還可以，演員演繹都有搭救，可惜電影敗筆始終係節奏太慢、劇本臃腫，太長氣啦，有啲鏡頭直頭慢到誇張，節奏加返快啲成套戲感覺會好少少。總括嚟講一看無妨，唔睇冇損失，但唔會係值3分咁低。

林柏宏，作為心靈明顯創傷的男主角阿任在經典電車問題都一同上高鐵。用戲院／百貨的雙炸彈案來作引子，然後N年遇難者親屬一同搭同一架車去悼念會雖然怪責拆彈的警員奇怪，放炸彈的人不是應該才是最可惡嗎？情況危急只能隨機應變，決定剪線換誰都難以定奪於短短三分鐘內。拆個彈還要面對民眾的道德斥責，看來在戲中這類防爆專家流失率頗高。車上的乘客也不是「善類」，一知道真相之後人人都討戈男主角母親。逃生時執戒指的KEN、逃難人群踩死的阿斌都是錦上添花。不過物理老師設定略為複雜，甚至中段變成由兇手變幫手，人肉計算機只不過是他。同年的Netflix重拍《新幹線驚爆倒數》就有更多令人記住的場面，而這部台片似乎只有暴雨下減速逃離跳車一段，推女孩落地狂轉。還有最心痛應該是借媽媽打電話來啟動炸彈。開頭商場爆炸案都是間接呈現，成本慳爆；炸到最後，架車基本上完好無缺，炸得好不過癮。兩車的命運靠住視像通話跟現場直播來維持。原來不是不知情有兩個炸彈，而是有兇手致電來告知要男主角去選擇：犧牲少數，還是多數。真正的兇手根本無捉到，而當場炸死姓賴的兇手只是代罪羊。高鐵炸彈案的兇手就純粹為了當年雙戲院百貨公司爆炸案真相。而中段用一個佛像來啟動炸彈，跟開頭結尾的佛堂成對比。惟整體節奏一般，一時提住倒數，一時就對白塞滿。

如題，一開頭就嚟個類似電車難題嘅嘢，之後主題基本都係圍繞呢樣嘢講，壓抑感極重，不過節奏相當明快，畢竟係爭分奪秒嘅拆彈主題。女主角宋芸樺同埋女炸彈客姚以緹都好靚女。4.3/5 （86分）

我就完全唔識炸彈、物理，但拆炸彈剪紅線剪藍線就由細睇到大，每次都想問炸彈係咪一定要咁set?《96分鐘》主線故事其實就係剪咩線變奏版2選1，其中探討嘅人性其實老生常談，呢套戲就拍得比較表面；主角們想埋藏嘅秘密其實都好易估；凶手動機係有嘅，但都無話好深刻；總之成套戲人性、爆炸、動作、煽情等等都係有，但就係有講但不多，整體普普通通正正常常咁；電影節奏係緊致，但又無話會令人一場接一場唞唔到氣嘅緊張程度。最特別之處只係台灣背景、高鐵嘅設定，但都係個句，係有講高鐵，但不多，無話好好利用到高鐵背景，但亦有部分場景係得高鐵先做到。總之成套戲就係咩都有啲，但無邊樣特別可取，又無話邊樣特別伏。最慘係成套戲理應最煽情個位，我淨係想佢快啲死，可能係因為人設塑造得唔成功？無咩感動位？又或者係人設其實好成功，因為個班人死有餘辜？我望唔透，或者兩樣都有啲啦？