死亡魔法 (Christopher Nolan In Focus)

兩名魔術師鬥法，結果家破人亡，名成利就但付出慘痛代價，得到唔想得到嘅，失去唔願失去嘅，爭乜嘢吖爭，但點都溝唔埋嚟做⋯⋯狼人和蝙蝠俠都做得好好，重睇你會明白曉積曼同基斯頓比爾唔做超級英雄都係出色演員，正因為出色，所以後來俾DC同Marvel睇中？但兩人後來都被提名過奧斯卡最佳男主角獎，可惜兩人夾埋失望咗三次！Scarlet Johansson同Rebecca Hall亦嶄露頭角，Michael Caine穿梭於兩大魔術師之間，貫串整個勾心鬥角又峰迴路轉嘅故事，非常之關鍵。電影編劇功不可沒，令電影引人入勝！另外服裝化妝美指佈景都極之出色，令觀眾彷彿置身19世紀末及20世紀初。

百看不厭嘅一套好電影

片長130分鐘，125分鐘是騙局。三位大牌演員讓電影一氣呵成，十分精彩。

諾蘭真係大癲，廿年後睇呢套戲入面嘅橋段都係咁驚為天人！全劇不斷反轉再反轉，2個鐘頭都緊張刺激。原來早期嘅諾蘭玩非線性、交錯敘事已經咁精彩。唯一有少少突兀感係成套都有文路、有得解釋嘅魔術手法，最後橋段竟然用超自然解決，雖然背後嘅意思細思極恐、手法同樣精彩，但難免有少少失望，不過呢點可能只係我吹毛求疵啫。兩位魔術師鬥足一生，最後下場都咁慘烈。真係俗語所講：冤冤相報何時了？諾蘭嘅電影就係咁鍾意講宿命論：由呢套早期嘅《死亡魔法》兩個主角間嘅宿命；上升到《星際啟示錄》人類嘅宿命；同埋《天能》現在、未來嘅宿命。一次比一次精彩，人類歷史能夠誕生諾蘭呢位電影奇才實在有幸。題外話原來做Tesla個個係David Bowie，真係有眼不識泰山，小弟尚年輕真係要Google返先知，罪過罪過。

雖是很舊的片，但沒有過時感，其故事十分好，整套戲亦十分緊張，娛樂性很高，很值得看的一套戲