祖宗膠戰外星人2

正如預告片所講，呢集終於將上集混亂不清嘅人物勢力關係理清楚，今集亦有新女角登場，一眾好人集結對付邪惡外星人！集科幻，奇幻，動作，喜劇，愛情元素於一體，效果亦出奇地好！(開頭有大約5分鐘重溫上集內容，我係有睇上集但幾乎唔記得晒，整體都ok跟到) 4.5/5 (90分)

外星人用太空船將宇宙犯人帶到地球 囚禁於人體內但三隻外星異獸從人體監獄逃出 並企圖改變地球滅絕人類 讓所有被釋放嘅外星妖物可以鵲巢鳩佔 移植地球於是外星警察/獄卒/守護者聯同機械人追緝兇徒至古代結果聯同朝鮮時代嘅道士仙人一齊除魔衛道 挽救人類時空穿梭穿越 插叙 從今到古 又從古到今 走嚟走去 場景轉換迅速 睇到眼花撩亂 追到好攰💤有啲時間失去意識 甚至鍾眼瞓🥱故事咁誇張 就一定唔合理㗎啦 所以都費事計較佢嘅邏輯唯有單純追求官能刺激 不過CG特技 打鬥 造型 情節 美術設計等等都同上集差唔多 即係熟口熟面冇新意令等續集等咗年幾嘅我有啲失望因為連故事情節 發展及結局都係觀眾意料中事感覺好有香港上世紀八九十年代cult片嘅味道當然韓國今日嘅CG 畫面 攝影 主角顏值 打鬥 佈景等等都遠勝香港當年 令仙凡聯盟 外星人與地球人合作 古代人和現代人互動 都更迫真有說服力不過這個故事喺各方面都已經係強弩之末 希望唔好夾硬推出第三集啦最後 哩啲將外星犯人囚禁喺地球人體內嘅高智慧外星生物 咁鍾意搵嚟攪 唔知個名係唔係叫「上帝」呢？又要靠害人類 又要拯救人類 神又係你 鬼都係你 凡人就好似玩具咁任佢哋玩 玩到謝 我知實有人話我諗多咗 但聯想係智人嘅本能 肯多啲用腦嘅 有時睇卡通片睇cult片甚至睇爛片 都可以一朝悟道 悟出人生哲理都唔定當然做人成世都糊塗 就唔明乜嘢叫「難得糊塗」反而清醒嘅人難得睇一齣糊塗嘅戲都唔糊塗 就真係「難得糊塗」喇

首集個人幾鐘意。今集比較獨立，所以上集沒有看都可以好快明是次設定。比起上集，集中是道士男主角跟女主角上，少了機器人但將一切關鍵解釋清楚。將外星人囚犯困在人類腦袋中，好似《天煞逆緣》(The Host, 2023)，第一集這個初始設定是幾吸引追看的！香港戲名是膠，但是兩集的故事都好完整。雖則比起前作略為遜色，但結尾亦能夠解釋自圓之前的伏筆，好似左右兩喵真正來歷、或者為何男主角有超能力之類。兩個鐘頭情節都好飽足，插敍都好自然恰當。今集頭半段先古代，後半段就回到現在併行兩條線。結尾就變成漫威式合作打壞人。中間引入新但印象不大的角色，最記得還是對神仙，她們實在好可愛！不知道男女主角是何方韓星，只看劇情都算有趣。故事上若果再減省成本，或許亦有望有第三集。

嗰陣睇第一集都唔知道原來分兩集，等咗咁耐終於出第二集，結果都冇令我失望！好睇！緊張刺激，笑點都唔錯！

十年前無哂能量壞到唔郁得，十年後又郁得翻又打得

《祖宗膠戰外星人2》（2024）：導演崔東勳吸收咗香港武俠電影、荷里活超級英雄電影、日本動畫嘅元素，拍出韓式嘅「科幻生化武俠超級英雄電影」，好睇嗰位係男女主角自身嘅「大秘密」（唔穿橋😂），特別係最後關頭，令女主角變得好好睇。暫時唔太知道點樣批評呢套戲，總之比同拍兩集嘅《水行俠》好睇！#應該有第三集 #冇片尾