電影版 小林家的龍女僕：害怕寂寞的龍

3.2⭐睇人設冇乜期望入場，以為係啲無聊攪笑嘢，點知又唔係喎，原來係奇幻、親情、戰鬥、熱血、計謀嘅故事，講述龍族遭奸角離間要互片，最後主角識破，打敗奸角，並化解龍族互相廝殺危機，過程中主角亦尋回親情同熱血。故事屬大路，劇情亦然，完全係可以預期。人設不討好，美術同製作以劇場動畫電影嚟講算弱，比有啲TV動畫還要廉價。整體屬合格水平，故事完整，但各方面都只係普普通通，平平庸庸，冇乜賣點可以追捧。日本動畫有更多更精彩作品可以選擇。PS • 其一 draw 到我注意嘅係主觀視點雲海中飛翔畫面• 其二 係片尾曲幾好聽。

如題，康娜好可愛呀，年紀細細就肩負起守護和平嘅責任。全程氣氛輕鬆，小林家的相處充滿愛，到最後仲溫馨感人。4.6/5 （92分）

就算白紙一張都明這幾個自來龍來到女主角家生活的背景。一路以來都是在日本的日常，今次穿越次元門到龍的世界。神秘的大叔，原來就是唐娜的父龍。就算是龍族，也有難念的經。女主角最後學的擴音魔法任誰都聽得見，開頭的買電話日常到最後更加是畫龍點晴～杜鵑鳥開頭這個電視節目，想不到就像女主角跟康娜的關係。康娜這麼可愛，比安妮亞更加令人想抱抱她，怪不得小學同學都捨不得啦。就算白紙一場，都好快知道小林她對酒的研究，甚至跟康娜父親酒味相投。血緣與物種並不是拖成家人的唯一因素。溝通的途徑眾多，也不定能真的傳遞到想聯繫與受關心的訊息。寫信，一方面寫好幾板紙，另一方面就一頁回信。對比阿薩德這個憎恨人類的魔術軍師就只有打到肯聽才行。見到最後父女兩龍攬在一起，溝通終於有所回應。迷你的飛天大叔跟女兒出場太可愛，幫忙拾回女主角手機，跟帶她走走走到城堡。小林如此「強大」，高空壓迫體型巨差的龍族。堅持出聲，就算物理劣勢也可戰勝陰謀。錄音機這個人類道具播出其陰謀。

入場都係為左睇康娜賣萌，我已經大滿足了。戰鬥畫面有驚喜，當然就無《鬼滅》、《咒術》個種不合理地驚為天人嘅感覺；但《小林家》本身都唔係賣戰鬥，而且睇返呢啲貼地啲作畫先有我以前細個睇動畫嘅感覺，呢個級數嘅畫風已經係非常好。始終《小林家》係日常番，劇情整體較簡單，壞人嘅陰謀詭計都好弱；但其實《小林家》作為日常番設定都好嚴謹，例如龍呢種生物咁強大但智商堪憂；小林最終絕招簡直係致敬《龍珠》元氣彈，背後設定都符合返《獵人》嘅制約、《咒術》束縛；而且《小林家》最好睇嘅人同龍相處係電影版探討得更好，所有主要角色都有出齊+有不少鏡頭，相信已經會滿足系列Fans或動漫迷嘅要求。

日常同可愛都做足，以搞笑日常番黎講劇情都OK如果唔係同期有咁多打鬥動畫電影，京都d打戲都好唔錯

對比漫畫流程有少少改動，更加完整流暢，出色！