星願奇緣

套戲帶出嘅主旨唔錯，不過比起其他作品故事比較單一，可以話好穩陣無咩驚喜。 比較似串流平台嘅電影，電影院睇我覺得有少少違和，無感動到人或者震撼到觀眾嘅畫面。

電影主旨是一部“人人都有追夢權利”的電影，這正好贈慶狄士尼這座以童真為本夢工場的百年誕辰。個人覺得在美工和故事創意上都是一般水平，角色造型不吸引，而那位專制獨裁者可能代表人的惰性、舒適圈。狄士尼平凡出品。

制作出色, 歌曲動聽,帶領觀眾進入簡單天真童話世界, 暫時忘記現實。特別一讚係美術設計,全片仿如童話書插圖。總括而言一貫迪士尼套路冇失手, 故事簡單, 善惡分明, 但亦冇乜驚喜。我睇嘅係英文版。4星大部份係比出色嘅制作。

英文名就咁叫wish, 但其實除咗願望之外，星星都係呢套戲好重要嘅部分，中段星星回應女主角嘅願望，浪漫場景配上絕美音樂非常感人，而且"We are stars"嘅概念喺後面嘅戰鬥亦係關鍵，音樂劇式嘅享受拍得住近期大熱嘅"旺卡".4.7/5 (94分)

所以我又關閉回覆功能 因為有爭議性 須避開非理性攻擊當14億人只可以陪維尼發埋同一個夢 中國夢 嘅時候 你就會發覺偉大領袖就係國王🫅蒙飛哥喺社會主義國度 個人嘅願望即使極卑微 都必須讓路俾「偉大民族復興」電影中國王實施魔法和謊言 收集每位國民嘅願望並予以禁錮講得好聽就係幫佢哋解除實現夢想嘅負擔實際上就係要佢哋忘記夢想 乖乖聽話最後國王忘記夜闌人靜深宵無眠時人人抬頭望向同一片天空 都仍可以為自己向繁星許願這是祖先遺傳給我哋嘅DNA同習慣假以時日 當星星積聚夠群眾嘅力量 就會發出光芒指引我哋走出黑暗最後每個人都係一粒星 然後星星之火 可以燎原就如電影中Asha同親友及國民一齊推倒暴君 攞返並解放夢想 所以我好奇怪咁「反動」嘅境外勢力及腐敗西方資本主義病毒合成嘅毒草 點解會過到新香港電檢處嘅審查呢 唔通強大國安部門都會走漏眼？今日大家都噤若寒蟬 但思想仍是自由不受管束的我要點諗 你管唔住睇唔穿到人人忍無可忍時 我哋就會打倒電影中嘅虛假理想國建立人民自主嘅真正理想國另外 哩套戲係我告別$25老人早場嘅第一齣電影因為由今日起戲院加價至最低$30費事有人話我斤斤計較 又窮又酸 成為關閉回覆原因之二亦由於貪便宜 盲鍾鍾睇咗粵語版 至發覺早場冇英文版我對鄭欣宜配音及歌聲係可以接受 並不討厭但總覺得迪士尼電影都係英文版原汁原味啲所以費事有花生友怪我崇洋 成為關閉回覆原因之三

立體混合手繪墨水風格好可愛，這個小島王國 Rosas 的風光優美，還有預告／海報都見到的願望池海。開頭好快就以歌舞介紹外人都想來的原因。中段開始女主角 Asha 發現國王的秘密之後就有點似《阿拉丁》，然後秘密起義革命。迪士尼粉絲算是滿意的平均作品。比小朋友的訊息 *真的朋友會互相幫助，或者是心知道是正確的就勇敢去挑戰。或者好形象化去表達：人若無願望，就好似缺少了一些東西而悶悶不樂。一套適合年輕觀眾與家庭客的動畫電影。歌曲還算可以，女主角以外，國王的內心變化亦唱得不錯。整體有不同設計都回顧迪士尼的歷史與經典，好似七個朋友、識講人話的小動物等等⋯⋯星星也好可愛，百變造型的搞笑小擔當，如果有個更特別的名就更好。而羊仔亦是令小朋友喜歡一個小角色，惟其在戲中的作用不大略為可惜。群雞起舞一場也好得意，星星為每一點稍稍昇華。作為「沒有錯」的反派，明白這個直升機式國王想幫其子民實現願望的原因。「為你好」「為大家好」去決定實現與否，不過今次反派不夠清晰，好似《魔雪奇緣》轉折知道王子是奸的，或者《黑魔后》開章名義就的壞的。《星》可能時間所限，黑化過程都幾快。跟女主角朋友相異的是，無論是否最尾先知道真相，普通市民跟皇后一下子就加入對抗這個所謂「邪惡」國王。如果作為100周年總結，這套戲還算是高於平均的。而作為百年前瞻，創新上就比較一般。個人更希望未來作品會有未見過、更少致敬彩蛋。過去的許願應是推動未來可變之根基。