Madame Web蜘蛛夫人

個人覺得套戲是可以，導演處理同執行尚可，雖然他並不是什麼出色同會令人深刻的 Sony MCU 系列片，但比較之前爛到透的魔比剎，這套在各方面也是比牠優勝。首先這套並不是一套用場面同能力掛帥的超英片，而是用 死神來了式故事述事處理手法來寫出蜘蛛夫人的掘起，個人覺得這方面導演的處理是到位，但在劇本處理上，卻有不少雕琢得不佳的地方。這樣的確是失分位。但在角色的描繪方面，這套卻是合格。咁當然在矚目的蜘蛛俠4尚未有之前，Sony 也繼續會藉拍支線來維持他擁有蜘蛛俠系列的版權。而我繼續會期待在蜘之後的 狂獸獵人：格力文 同 毒魔3。痴·影·夢·藝 X 的專頁 https://www.facebook.com/ckwunmovie/

看慣marvel肥膩的套路，反而覺得這電影有戲味，沒有太多的超能力，廣東人話“有早知，冇乞兒”，有早知可能更加痛苦。可能這套是最沒有marvel元素的marvel電影。

以講故事為主，講述蜘蛛夫人及其小隊由來。全片故事直白簡單，流暢完整，動作場面不多，boss亦廢，但女主角都幾吸引。全片不算十分精彩，但一看亦無妨。冇彩蛋，不用等。

如題，女主角幾乎沒有戰鬥能力，佢係預知到危險然後利用場景物件向對手造成傷害，然而打鬥場面唔多亦唔算好精彩，佢招"大絕"講到好勁咁但係發揮出嚟效果一般，想睇視覺效果嘅話唔推薦睇啦。不過故事倒係唔錯，流暢而有感染力，只係我比較難代入"保姆"呢個角色咁解。4.3/5 (85分)

超級英雄片，如果由女團主演，通常都唔好睇。例如：驚奇隊長2+小丑女（猛禽小隊）都好鬼悶。但哩套算可以接受，不過亦都只係一個女團初登場嘅介紹。兩個鐘頭節奏明快，故事情節交代流暢，沒有口水多過茶，不過姐手姐腳，都唔好希望有好刺激嘅動作場面。女主角狄高達莊遜喺《格雷的二十五度色戒》乜都俾人睇晒，外形演技都冇乜特別，今集結尾好似變成變種特工嘅女版Doctor X，老翻人哋更冇驚喜。反而嗰三個蜘蛛妹妹幾青春可愛，可以期望下集有令人喜出望外嘅演出。希望Marvel喺哩個新系列有突破啦，靠Iron Man同Captain America累積落嚟嘅老本唔可以食過世㗎。

被國外劣評fool了，整體尚算可以。開頭的確有點沉悶，但尾段對峙算收貨。故事走向越來越似《死神來了》，突然就見到未來臨危一刻。與其說蜘蛛夫人，不如叫做蜘蛛保姆。作為100周年標誌作品可能略弱。先講男奸角其實幾慘，因為其缺陷的預知能力，以致他付諸行動想提早消滅將來殺自已的人，不料到最後反殺提早被KO。男同事阿Ben好似更靚仔，不過就純粹工具人。事後先發覺他原來正是蜘蛛俠的叔叔年輕時。最精彩得最後煙花貨櫃反擊戰。女主角主導下，四條女一齊向上走。不過反派一下子就撞死，先前不斷鋪排他如何死纏爛打成強烈對比。而且既然可以分身救囡，為何不分身打男奸角。好多細節位其實無點利用。白鴿果場最記得，夫人改為開窗而改變了隻鴿的一生，但無再解釋這個命運／平行選擇與其預知未來的關係。女主角另一個超能力，可能是飛車？女主角能力覺醒一刻有種似睇《奇異博士》的效果。而不斷重覆未來的情況，剪接上觀眾跟女主角一樣摸不着頭緒。三個年輕還未有能力的中學生互動不太討好，彼此間好似到尾都是陌生人一般。所謂的超能力只有女主角有，她們三個的制服樣貌還在「未來」。然後又好似有續集伏筆，呢套可能要等十年後才能變成經典？如果屋企人有留遺物我，尤其是手帳之類，我就掃描做電子檔案，不用冒命回家調取。女主角在電視看到一段 Christmas Carol，搞到我想重温⋯⋯ 最驚喜片尾曲是《夢中人》的英文版！