風再起時

已二刷一刷是優先埸當時覺得導演想講好多野2.5小時顯得太倉促決定二刷比多次機會每一幕都很出色但砌埋一齊就……3.5星係希望鼓勵導演繼續努力下一部電影沒有一個導演套套都得架💪💪

雖然故事呈現得較為鬆散，但其實仔細留心體會，會發現編導對故事、對年代、對人物的獨有詮釋。

比起以往拍有關四大探長題材的電影，這一部可說相當另類，很多關於愛情的支線，也有很多回憶。如果你有興趣拍電影或短片，全片演員的演技發揮，場面調度和分鏡，氣氛和配樂都一流，可惜講故事嘅節奏略緩慢，我好比心機睇，但旁邊的女伴瞓著咗幾次

個人覺得今次翁導的確沒令人失望，他各方面也處理很精彩同細膩，令觀眾目不暇給。我會形容他的確可以令四大探長系列有一個全新同完美的新演繹。其實個人覺得他唯一的缺點就是有些位的確空洞了，如有六小時版本來填補，效果會更完美。他我睇到翁導想藉這個故事來借古諷今，這方面他是處理得好，而劇本處理上，他也是繼續保持他一貫的高水平，每個章節也環環相扣同很精準。而阿王、朝偉以至到許冠文互相之間的演技碰撞同演繹也是令這樣更突顯。好令整套戲更有張力。而技藝上，無論鏡頭攝影、美術服裝、剪接音樂，也是令如我這類技藝控十分著迷，精準之餘也雕琢得很美。而同時也不失這個系列應有的質感，我覺得這套的技藝好有王家衛影子。個人覺得翁導今次在這方面處理的確突顯出他上乘的質素。最後我只想講一句，評價一套戲不應只著重一時的感覺，的確有些戲需要一段長時間來沉澱，風再起時正正是這類。我會形容他有如一支有很大潛力但未夠時候的威士紀，我信他應該在未來必成大器。痴·影·夢·藝 X 的專頁 https://www.facebook.com/ckwunmovie/

本作卡士強勁, 兩大影帝助陣, 其他配角/客串亦陣容頂盛。幕後美術、服裝也有不俗表現。導演亦野心勃勃, 想拍齣有style嘅史詩式大片, 既攞獎、又大收。可惜導演講故事技巧不足, 又貪心, 想講嘅嘢太多（多個角色數十年嘅經歷）,以致缺乏重心, 每個角色深度同感染力不足,未能令觀眾投入角色嘅內心世界, 每個劇情似走馬看花, 好似只係平白睇緊一啲事情/歷史嘅發展, 失去焦點。導演為拍大片賣弄鏡頭/美術技巧, 可惜功力不足, 亦令全片流暢度減弱。路人無啦啦同男女主角跳番part 舞真係R哂頭, 以為自己睇緊Bollywood, 又或者少林足球。兩大影帝表現亦非十分出色。梁朝偉角色索造平淡,以致冇乜發揮空間、郭富城角色較活潑多變,較為搶鏡。郭富城老婆選角失敗,外型不討好之餘, 同郭富城亦不相襯, 沒有火花。謝君豪做跛豪亦好似有點兒搞笑。張繼聰對白都冇句,角色可有可無、係不折不扣嘅死咖哩啡(可能因片長關係被剪走哂), 浪費卡士。全片最有驚喜反而係許冠文, 外型真係好似果個年代嘅香港人(事實亦都係😄), 表現亦不俗。全片最精彩同最有感染力我認為係電影末段許冠文同一班英國佬開會果段戲同果段感言, 真係好精彩同好有意思, 發人深醒, 打動到我。另外一個選啱角係徐天祐, 真係好似少年郭富城。總括此片導演眼高手低, 浪費咗班卡士, 梁朝偉、郭富城fans大可入場滿足兩個鐘。一般觀眾亦一看無妨, 因為並非一文不值的差, 但不要抱太高期望。此片同時令我唸起當年嘅“赤道”。同樣角色衆多、卡士強勁、可惜....

故事主要喺日治時期到廉政公署成立，兩位主角嘅事業同愛情交錯描寫，過程雖然慢，但唔覺得悶，順便可以了解一下香港當時嘅環境(作為90後，對呢段時期無咩認識).4.3/5 (85分)