迷宮裡的魔術師

3.2⭐本片人物唔少，但每個角色相關劇情零碎，有啲角色直頭冇乜劇情同對白，而零碎劇情對觀眾估誰是殺人犯又起唔到懸疑推理或誤導作用。最後十零廿分鐘由主角直接老屈兇手解謎。整體查案過情有點沉悶，最終兇手犯案動機亦有點牽強，幸好福山同有村由頭演到尾叫做撐到個場，視覺上有啲補償。福山雖然仍然好睇，但面部明顯鬆弛咗， 而演出亦有點造作。有村架純就不過不失，角色考驗唔大。整體電影一般般，劇力偏弱，唔係福山迷或有村迷可以考慮 skip 。PS. (含劇透)• 全片最精彩係開場 Intro 福山雅治 Las Vegas 個魔幻 show 片段，chok 到呢~~~ 千祈唔好遲入場• 最後果場課室解迷殺科戲，男主角好似做 magic show 咁做，事前要喺個課室做好多 set up 包括投影機，燈光/音響系統，有啲唔係好合情理• 福山雅治唔止係魔術師，重係專業爬手• 福山雅治死大佬全程連少少傷感戲都冇，只顧chok，chok and chok 似乎角色欠缺咗少少人性化• 兇手喪禮上明明望住車頭相冇瞌埋眼，只要即場拆穿福山條偷拍片造假就可將福山雅治誠信同調查摧毁，但竟然冇咁做重要自爆真相，呢個係最唔合理犯駁位，有落雨收柴感覺。• 其實漫畫故事創作者已離世，又冇註冊版權，法律上兇手根本不構成抄襲或侵犯版權等罪行，根本不用攪咁多嘢去消滅證據以至殺人滅口。況且創作者生前為兇手摯友，兇手以畫筆將摯友遺作實踐公諸於世，實現願望，絕對係化危為機嘅公關處理，駛乜去消滅證據殺人咁蠢呢？

福山雅治在《迷宮裏的魔術師》的狀態，明顯要比上一齣《神探伽利略·沉默的遊行》有所改善。三年前的福山，儘管腰板挺直，但浮腫和鬆弛的面部線條，將他人過半百的歲月印記，全部鏤刻在臉上。新片裏的福山，彷彿是護膚品代言人，出現「肌齡逆轉」，重現麻利幹練的神情。《迷宮裏的魔術師》的死者是中學老師神尾英一（仲村亨飾），他的女兒真世（有村架純飾）和弟弟武史（福山雅治飾）接獲噩耗後，相繼由東京趕返鄉下辦理喪事。擅於洞察人心的武史，原擬用自己的方法獨自尋找真凶，但真世卻執意要協助破案。這個時候，武史收起嬉皮笑臉，很認真的問真世。偵查過程中，假如發現了妳父親一些不可告人的黑歷史，能夠面對嗎？真世以堅定的語氣回答：「我發誓，絕對不會逃避！」這幕看似普通的過場，竊以為是全片的戲眼。武史要求真世認真思考的問題，還有更深一層的含意：妳是否有勇氣直面自己的人生問題，妳會否因害怕切膚之痛，埋首沙堆？魔術師系列，是東野圭吾在2020年開啟的一個全新推理小說系列。第一部作品正是《迷宮裏的魔術師》。神尾武史能否繼加賀恭一郎、湯川學之後，成為另一位廣受歡迎的名偵探，現在言之尚早。不過，魔術師系列的電影版頭炮，故事空洞無物，幾乎看不到東野往昔擅長刻劃人性的細膩筆觸，以及揭露日本社會不公平現狀的悲憫情懷。全片最可取之處，是「漫山紅遍，層林盡染」的外景。攝製隊為了捕捉美不勝收的紅葉，分別走訪岐阜縣中津川市和郡上市，愛知縣豐田市等地進行拍攝。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

全片節奏明快，唔燒腦，亦無咩好推理，睇男主角表演就得，一班同學，一個小鎮，一部漫畫，故事相當吸引，真相亦令人揪心。角色方面，男主角福山雅治維持高冷形象之餘又有柔情一面，女主角 有村架純全程參與案件調查，戲份非常多，各個同學仔靚女都多，可謂賞心悅目。4.6/5 （91分）

冇睇過原著，但相信東野圭吾一定寫得好過做戲咁做嘅電影🍿兇手殺人動機牽強而且冇必要，一把火可以攪掂，甚至乎有半日時間喺老師極之整齊嘅書房，搵一個編咗年份嘅文件夾📁都做唔到，我懷疑個兇手係弱能智障嘅，咁都走去慢慢推理，真係簡單複雜化！有村架純冇乜發揮，角色可有可無，只係會行會走會講會喊嘅花樽，福山雅治全程齋chok懶有型懶瀟灑，啲魔術同相應IG好流，完全冇魔幻或驚奇嘅感覺，同荷里活《非常盜》Now you see me系列差九條街，哩套係錢多使唔晒又大把時間至好睇嘅平庸電影🎬

看到東野圭吾x福山雅治這個神探伽俐略黃金組合再加上有村架純是非常非常期待！但隨著上映後評價一般，減低期待值入場依然覺得失望。首先福山雅治今次真係Chok到爆，一開場的舞台演出是精彩，但其實同劇情無關。之後全程演出只覺造作，如果角色是個局外人還好，但面對親人離世毫不傷感顯得唔夠人性。這個角色本身是觀察入微，能捉摸心理的偵探人設，查案時耍魔術把戲有點趣味，但最後疑似呼應開場搞場緝兇大龍鳳，視覺效果精彩但太過浮誇，重點這場戲給我的感覺根本是靠捉心理嚇唬真兇自爆，明老屈而非靠推理。縱觀全片尋兇過程，嫌疑人唔少，但每個角色塑造唔多；大半套戲靠對話透露線索，真心悶！去到中段睇舊電腦其實我大概估到誰是真兇，而揭開真相卻覺得殺人理由太爛。至於有村架純的角色貫穿全片所有對手，演出自然，情感尚算到位，與福山雅治很大對比。觀影平台: 影藝戲院荷里活IG: AndyMyFilmography/ #AndyMovieReview