冰之驕女

以下是我對這套戲的評語：我覺得套戲是不俗，整套也是銳利的，導演刻意以喜劇化和常利用第四面牆的方式來描寫，這樣令套戲比較其他同樣題材的片為銳利。在故事人物處理上，他們以一個偽訪問方式來推動，這樣加上角色之間隔牆對罵的處理，的確令套戲好睇，而老實今次小丑女羅比的演繹的確有力，很粗鄙的言語和行為令觀眾有所有新鮮感。但如果和廣告牌比，始終欠了深度（或者是人物所限制），在奪奧斯卡最佳女主角上有所阻攔。PS:如何點解未有人拍泰臣或者有關OJ辛普森的片（我知有記錄片拍OJ，但未有劇情片拍他）痴·影·夢·藝 X 的專頁 https://www.facebook.com/ckwunmovie/

看的开心改变的极为丰富的真人真事

瑪歌羅比演故事主角坦雅哈婷，有如真身，十分精彩，沙巴士坦史丹則演哈婷前夫謝扶，亦配合得幾好，佢兩人佔咗九成戲，故事幾有趣味。最過癮嘅係幾個主線人物在戲內有好幾場獨白，交代故事內容之外，也有點自嘲或嘲人，亦帶點對這涼薄社會的反諷。哈婷有溜冰天賦，但出身寒微，佢阿媽結過五、六次婚，對這個女寄予厚望，盡力栽培，果然令小女兒成為冰上皇后，創出歷史佳績，但冰壇世界要講出身、講形象，令到哈婷在美國冰壇終無法大紅大紫，亦叫人氣憤而又黯然。此故事可以啟示到，人無論出身貧富，學問高低，最重要係自己修為，一定要帶眼識人，一定要有好信念，哈婷的一生就係遇人不淑，為前夫謝扶所累，十分可惜。

人物描寫手法有點兒怪，不斷穿插角色獨白；開首還可以，但套戲中後段開始拖到好慢，交代唔少不必要細節，好悶；唯獨加分既係女主角，感情戲到位。

仿紀錄片形式，借花式溜冰冠軍哈定暗踩九十年代美國運動體制暗黑面，套戲沒有飛車、爆炸場面，成套戲依靠粗口橫飛、家庭暴力撐場面，所以英文好既睇得會比較過癮，用左好大篇幅介紹哈定童年，結尾先有播出當年既相片段，各人物還原度好高，瑪歌羅比繼小丑女，做這類爛撻撻比社會迫害既角色駕輕就熟，都諗吾到有邊個爛得過佢，完全演活了細個比貪錢家長迫害、大個就遇人不熟、去到社會因爲各種利益比踩到一文不值，同Emma 另一套都係講運動有一個對比，不過今屆有好多獎項提名，感覺都係屬陪跑之作。

劇情開頭同結尾節奏幾好，但係中間一段唔知佢想拖定係剪接嘅問題令到劇情拖拖拉拉。女主角一定有花過功夫學花式溜冰，值得俾多幾分入場睇嘅。可惜真人故事人生好慘，俾一個唔值得愛嘅人摧毁人生同埋事業。