出租家人

warm-hearted film... unexpectedly good.

出租家人係一個幾新穎嘅題材，佢地本身都係演員，扮屋企人亦總帶著謊言，但家人的本質是甚麼？主角群沒有血緣關係，在一次次經歷中關係漸漸親近，猶似家人，後面有強烈感動位，係一套有笑有淚嘅溫情片。4.7/5 （93分）

以出租家人做橋頗新鮮吸引，可惜引伸出嚟嘅幾段家庭關係嘅故事嚟得平凡乏味，有點老套，可以講係捉到鹿但脫唔到角，最後略洒狗血散場。全片制作不俗，故事完整流暢，演員演出亦到位，一看無妨。其實出租家人都幾天馬行空，導演/編劇大可令電影更加瘋狂攪笑同多洒狗血，將觀眾情緒在個多小時裏推向兩極，大上大落，現在有點兩頭唔到岸嘅感覺，既不夠瘋狂攪笑，又不夠賺人熱淚。

電影主題跟日本電影夢之花嫁及小偷家族近似，以「出租」服務探討沒有血緣關係的人可以比家人更親密的關係。或許劇本有點大台風格，但某程度上幾輕鬆以及較易有共鳴，我睇得幾開心同感動。.劇情上，除了四位主角還有多條支線但不覺凌亂，幾條副線在電影中亦有帶出意思，客戶使用出租服務不外乎寂寞，應酬，重拾回憶等原因，電影透過不同層面將出租家人帶出溫情訊息，再將故事線帶回幾位主角身上，真心待人比看不見的血緣關係更為重要吧。凡事有兩面，自欺欺人或是慰藉心靈其實取決於用家本身。對於這類溫情小品出現扭橋催淚難免有點煸情，但效果唔錯，現場有唔少搣紙巾聲，而我亦睇到眼濕濕，這類溫情小品是我喜歡看的類型。.這部楊受成與曾志偉投資的電影，當然少不了英皇及大台群星力撐，眾多熟悉面孔之中，當中以麥美恩（好似是首次拍戲？）最為驚喜，戲份少少但幾有喜感，這場誇張的飛車戲為電影增添娛樂性亦有帶出訊息。至於幾位主角，久未亮相大銀幕的恬妞絕對是電影MVP，爽朗的性格符合本人，無論開心或悲傷亦演得有感染力。戲中她有幾句對白突然轉講國語聽起來有點突兀，但情感到位，導演映後亦有特別提及。曾志偉演出略為浮誇，中間一句奇華黎架真係笑出聲，不過最後一段獨白有觸動到我。陳家樂過往演過唔少乖孫，老公，人地個仔等角色，今次覺得有進步，這類輕鬆小品比較適合Lak哥；周家怡演得好，可惜戲中角色描寫得唔夠多，發揮空間不足。但完場我同導演講好慶幸無夾硬寫條感情線比家怡。小妹妹楊千攸演五歲半好像有點超齡，而她講對白流暢度還是差一點，但已經比之前電視劇有進步。.最後最後想講，全套戲最老尷係草蜢首歌，雖然貼題講Framily，但真係頂唔緊！.觀影平台: iSquare英皇戲院.IG : AndyMyFilmography/ #AndyMovieReview

溫情題材一向俾人感覺守舊，本片加入了扭橋，出租家人的概念也是新穎，雖然曾先生各種討論也有，但片中演出確實穩定精湛。

分數歸劇本，有少少戲中戲，估佢唔到！周家怡演技加分，喊位演得好真…無可挑剔！濃厚大台味…抹唔走…另外CG位扣分，好假…