艾曼紐 1974 (4K修復版)

正正係我出世嗰年當年發行商引進歐洲情色片嚟香港令人嘆為觀止成千幾個坐位都會大排長龍情色片通常70至90年代中期睇到唔睇法國艾曼妞總共有七集之後一年意大利又跟風搵咗位非印混血兒羅搵姬莎主演一系列唔玩唯美嘅艾曼妞但其實佢係法國艾曼妞第二集做過閒角仲要因為版權將emanuelle 用小咗個M跟住西班牙，巴西，日本，香港以及美國都玩艾曼妞電影全球通用其實係用女字邊嘅妞

小學時引起好奇心但兒童不宜🔞結果等到大學時代，戲院重映至睇，對血氣方剛嘅後生仔嚟講到喉唔到肺，對文青嚟講又唔清唔楚，不過對唯美主義者而言，人靚景靚攝影畫面都靚，睇睇下會唔記得自己睇緊情色片，總之唔好以睇鹹片心態視之啦。

細細個就聽佢首主題曲，悅耳動聽，具文藝色彩，詩情畫意。今時今日終於有機會一睹此一代名作。以1974年嚟講，此作意識上同畫面上絕對係當時大電影之冠，三點盡露。作為情色大電影(非小電影)，世界發行，當然落本，遠赴泰國取景，拍攝唯美，女主角絲維亞姫絲圖當年憑此作而國際知名。此作由文學作品改篇，探討女性對性同愛情嘅追求。作為男性嘅責任影評實在難以代入，只以電影拍攝唯美角度去欣賞。而家睇返完全感受到70s情色大電影嘅風格同氣息。期待嚟緊香港取景嘅艾曼妞2024。