28年後

2.8⭐喺寫"28年後"觀後感前，先約略講講我對前兩集嘅評價：28日後 (2002) - 具文藝/藝術氣質，以另一種手法去講喪屍古仔，末日世界觀表達出色28週後 (2007)(換咗導演) - 故事表達直接，世界觀格局同商業娛樂原素都有所提升，偏向爽片(有興趣可參考本人更詳細觀後感)嚟到第三集“28年後”，作為一個普通觀眾，好自然expect第三集會承襲第二集走向再加碼升級，場面同娛樂性都會比第二集有明顯進步，畢竟第二集已經係2007年嘅事，現在已經係18年後，物價、觀眾口味、製作技術均已改變/提升不少。可惜出嚟嘅第三集令我有點失望。第三集講述第一集喪屍病毒爆發28年後，英國本島因疫情爆發失控，已被國際社會放棄並永久隔離，任由島上人/喪屍自生自滅，而英國本島當時已成為一個與世隔絕嘅地方，未受感染嘅人只能自我保護，自食其力，自給自足，生活喺一個物資缺乏較原始嘅環境，而故發生喺其中一個家庭。導演又變返第一集原祖果個Danny Boyle，點知呢位開山導演無論手法同故事模式又將套戲嘅走向拉返去第一集嘅模式，玩劇情+溫情+文藝，但可惜故事平庸老套、劇情又膠、牽強同沉悶，唔爽唔緊張。視野亦狹窄，只focus喺一小撮人同有限環境，整個宏觀故事世界係冇乜推進過，例如邊個研究該病毒，世界政府如何處理病災難等等，失望。有點似睇完Quiet Place Day One感覺。角色方面，基本上冇一個角色我係喜歡或同情。老豆講大話又偷食，老婆神神化化，個仔最唔討好，冇腦冇身手但又扮勁又累街坊。醫生角色唔知為乜，又冇本事救到個阿媽，浪費著名演員賴夫費恩斯(教宗選戰男主角)。視覺效果場面亦見退步(比第2集)，CG持效場面少，動作場面亦普通過普通。可能預算縮皮，喪屍索性連衫都唔比佢著，"查"到全身鳥卒卒條條fing走來走去就算，不過既然係喪屍，唔著衫都比佢拗得通嘅。唯一可取嘅係有幾個較血腥殘忍嘅鏡頭比較刺激到觀眾視覺神經。整體编導演皆失望，為咗要突出、表達同探討想要講嘅深層議題令角色同劇情變得on膠化，浪費咗一個等咗18年先再拍續編嘅IP。PS. (含劇透)• 條細路自己都知自己冇料到都夠膽憑十枝八枝箭就帶個有重病嘅老母去極危險之地揾個唔知掂唔掂嘅醫生求醫，簡直係衝動、魯莽兼弱智，個老母肯跟佢去又係奇，都係弱智。• 角色們其實起碼有2次機會隊冧被靜止嘅屍王，但唔知做乜都係要放生佢• 男孩咁遠水路帶佢老母求醫，醫生不單止醫佢唔到，重要提早攞佢命比番個洗乾淨嘅頭骨個男孩，咩玩法？🙄• 工具人瑞典兵死得唔抵，比個細路任性害死• 母親接生喪屍B屬枝節横生，堆砌劇情，竟然憑肉眼就判定冇受感染並帶返村莊，果個世界重點會同喪屍講善心同愛呀~~~！帶返去邊個要，邊個肯養呀！喪屍B應該即刻人道殺啦！• 劇情太多on膠位，寫唔哂！• 三集中呢集最唔得，就算你話呢套唔係玩爽，係玩人性同温情，我都覺得套戲係失敗，因為片中冇一個角色或劇情係感動到我。• 第三集咁攪法，都唔知重有冇第四集...雖然片末有留條尾，如果再有第4集，呢個開山導演不能再起用，佢嘅思維同手法已經out咗！• 聽講第三集會有下集(2026)，如果係，真係要含淚入場。• 字幕後冇彩蛋

28 years later #28年後 #28yearslater 無劇透影評 （前提是看了我之前對劇情的預測）頭五分鐘很重要？ 其實trailer已有，只是述不同。我覺只屬7分中上，但不算精彩。暫時imdb7.4；Rotten 影評人由100% 稍回落至95%，但都屬太高讚：想要的答案，電影也有提，舉例：看完預告片，我初時估計爸爸有否犧牲？孤島有否失守？為何喪屍不像28週後的解釋會餓死？新變種? （面具)癲佬? 電影一一都有答案。有一喪屍片的突破點，真的破天荒，但我質疑有多影響喪屍片種？ 真的沒人和死人也一樣了。28日後電影面世後，所有喪屍都識跑。但今次的突破，我相信不會不斷出現在日後的電影。但導演Danny Boyle和Alex Garland算是再次擦出火花。可以說原作精神和新意上都承先啟後。但是否精彩絕倫？非也。而budget都是6000-7500美金，非A級大電影，但算交足功課。舉例，第一集喪跑，到今集有奇行種慢爬，來一個180度轉變也特別。視角上剝光豬跑預期之內。28年後想也想到喪屍野人化。1小時55分，頭半R級鏡頭較少；後半就合理。所以有些影評說由頭緊張到尾，我覺唔係喎。二來去骨白雲鳳爪我又不覺得怎樣，可能看慣cult片吧。事實上一些鏡頭處理也算保守，沒讓你看清看楚整個去骨過程。（可能變了扣分位也不出奇。）b無iMax，反而用了許多iPhone 15 Pro Max + rig （環）拍攝。失焦失真反而有原始感覺。始終28年後英國變會中世紀時代幾幕貓捉老鼠都算緊張： 上閣樓、跑回家等開閘、打瞌睡、幾次屍王降臨⋯喪屍片竟然有時間破地獄。讓你慢慢思考。人生：人人都有一死/最終都要死。最好的死是什麼？ 同時也帶點溫情？或家庭倫理吧。笑位？烈焰朱唇。Jodie Comer演媽媽Isla (蘇格蘭讀音無s) 。她在Free Guy做女主角，但認不到她。她角色設定令故事多了難預測的因素，對故事是好事。這名字記著吧，有意思的。Aaron Taylor-Johnson演kick a s s 我以為是美國人，今天聽他口音那麼地道，原來是英國人。表現水準之內。 彈：何解不對屍王下殺手？不下殺手，也可以挑脫手巾腳筋，誘惑放血。總之屍王都有主角光環，因為沒了他就少了緊張感。都是自找的麻煩：成人禮、探險⋯ 我質疑有多大動力犯險Rotten有影評認為好感人，但我沒有流淚衝動。普通料⋯ 總結正因為闊別第二集18年 (2007)，第一集23年 (2002)，儀式或情意結怎樣也要一看... 下半集 2026 Bone Temple 有Cillian Murphy第一集男主角回歸。下半集預測就遲些再出片，免得劇透太多。

開首交代夠簡單明快，好直接就出喪屍，有last of us感覺；但可惜原來開波呢個𡃁仔要去到套戲最後先會再出現番…感覺上可有可無，無需要特別交代，或者用返其他角度交代返喪屍/受感染者都可以。演喪屍嘅都好落力，算係咁，都收貨！尾段嚟個突發老母嗎啡破地獄全餐…好有趕收工feel，睇到有少少odd…..仲行得走得笑得都要即刻趕去死，有點兒無言！結局再扣多少少分，有啲爛…虎頭但蛇中尾，值3分！

開頭以為睇緊last of us，都沿用到前作手法，但進步在睇落冇咁混亂，當然18年後清晰度大增，溫情戲不俗。Jodie comer真係太好睇，繼bike rider後又可以欣賞佢👍🏾

所謂嘅 “28年後” 只係掛個系列名如果當佢獨立一套電影去睇，無背負住觀眾對系列嘅期待，落差會細好多。拍出嚟嘅景色好靚，製造緊張氣氛嘅角色唔同，今次唔係群屍而係alpha。家庭成員嘅互動、喪屍繁衍元素、文戲探索生死觀算係令部戲多咗層次感，唔係純粹賣弄暴力嘅喪屍爽片。