虎毒不

個人覺得套戲是不俗，小娟無論在處理同執行，也比淪落人時紮實。我會講，這個劇本，的確只有她才可駕馭到，因為她同戲中淑貞一樣，也是單親家庭兼初為人母，所以在執行上，她會特別得心應手。無疑套戲皊調子是沉重同無希望，但這樣放在套戲，並沒有任何違和感。而這個故事，正正需要這個調子。而同時我也喜歡小娟用日出日落作為時間軸這個設計，因為對有初生嬰兒的母親來講，捱過每一個日出也是一個煎熬。而在描寫淑貞同媳婦之間同她想重回職場這兩個章節的處理同描寫方面，她也是寫得好同細膩。無可否認，今次阿談的演繹真是眼前一亮，她好多情感位的執行，也比以往的熟練同更有層次，可以好細緻地演繹出一位願替兒子眠乾睡濕去苦苦支撐兼有產後抑鬱的雙職媽媽。其中我最喜歡她戲中數段獨白的場口，咁當然波姐今次演的戲也是好好睇。痴·影·夢·藝 X 的專頁 https://www.facebook.com/ckwunmovie/

做女人真係唔容易，又要嚟M，又有M痛，又要生仔，又要餵人奶，又有機會產後抑鬱，呢啲都係天生女人不能改變要承受嘅麻煩/壓力/痛楚，所以我尊重同愛護女性(壞/衰女人除外😅)。社會生活壓力女性要出外揾錢幫補加計更令女性多加一重壓力，所以母親節永遠會比父親節為人所重視。講返套戲，一貫寫實倫理片題材，講述一名產婦產婴以後嘅各種壓力，包括照顧婴兒、夫妻/外家相處、工作/事業等等。各方面都描寫細膩同寫實，帶出女性產子後都需要多加理解同愛護信息，尤其係最關鍵嘅老公。如果連老公都未能好好理解、體諒同愛護老婆，老婆一定會感到無助同抑鬱。致於片中老婆到底有冇患上抑鬱症、最後有冇做錯事(泥沼中有一個奶嘴)，觀眾自行理解同判斷。緊接之後以女主角產前露台充滿期盼對腹中婴兒唱歌來作結非常唔錯，表現出故事中女主角產前同產後嘅對比，以及女性天生對生兒育女嘅天性同盼望。電影另一焦點當然係早前已封影后嘅女主角談善言。睇完本片後，筆者認同頒呢個影后比佢。呢套戲談善言能演譯到角色嘅無助同壓抑，所有嘢都好似係佢嘅問題咁，令觀眾產生同情感覺。絕對期待以後更精彩演出。本片其他方面如攝影、剪接、講故事技巧等等都唔錯，故事亦完整，睇得舒服，有不俗嘅觀影感覺，係值得入場欣賞之作。PS. 今年香港電影金像獎最佳女主角都幾難估，有3個候選人表現都幾接近😅 但本人認為談善言機會幾高，因角色比較深沉、內心比較複雜，較難演譯，而談善言算係處理得唔錯，其中有一、兩場獨白演譯嘅戲更令人印象深刻。Anyway, 今届五個被提名最佳女主角侯選人都係佢哋目前為止嘅最佳演出，已經係最佳女主角。

其實都幾沉重嘅一部電影，睇得出一個新手媽媽由原本開心 到最後因為各種原因而導致抑鬱，其實都幾慘，有邊個唔想做 happy mummy 又有 happy baby 呀？所以母親其實真係好偉大

幾抑壓，個人覺得比《爸爸》更沉重，但談善言嘅突破演出，令我感到呢套作品越細爵越有味道，覺得編導陳小娟寫呢個劇本都幾到位。

睇完我最大嘅疑問就係：如果個BB唔係成日喊得咁犀利，咁媽媽係咪好多問題都容易處理好多？明白想講新手媽媽嘅難處：備孕咗好多年先有BB、BB生完出嚟又要struggle究竟係餵人奶定係餵奶粉、又想自己照顧BB但係又想出返嚟做嘢、身邊嘅人好似冇一個幫到手⋯⋯但係成場戲睇完出嚟嘅感覺就係：個BB成日喊好難湊，泵唔到奶好辛苦。作為觀眾，反而唔係好睇到淑貞成為媽媽之後，喺呢個角色嘅轉變中間，佢所經歷嘅痛苦同佢點樣要愛BB之間嘅掙扎。唔係話一定要掙扎到死去活來先可以睇得出母愛有幾咁偉大，但係呢齣戲入面所謂嘅母愛偉大就輕輕有點兒表面？所以我忍唔住諗：如果佢個BB唔係成日喊嘅話，係咪就代表佢做媽媽係好輕鬆呢？或者話，為人母親之難，齣戲用BB喊同泵唔到奶呢兩件事去放大描寫，好似唔夠力推進了。：

沉重感好重 寫實咁呈演新手父母面臨既問題 兩位主演既演技功不可沒 係咪做爸爸既責任淨係得賺錢養家 就叫好老公 好爸爸女性就必然要負責曬所有產後既事負責家務 照顧bb 時代轉變 而家都好多事業型女性錫bb 但係都熱愛工作係咪女性就一定要承受一切生理 心理 生bb前要有心理準備同實際準備睇完更加尊重選擇當媽媽既女性其實佢地生之前 都係人地既女兒犧牲左自由 理想去孕育下一代