亞人

死完又可以返生，亞人會否衰老至死？為何有亞人？故事粗枝大葉，打得唔夠激，比"惡女"差遠了，感觀又麻麻地，一般般。

打鬥超多，全場緊張刺激無悶場個故事都幾精彩(不過我未睇過原著，好似話有d細節無講到？)而且靚仔靚女又多4.7/5

剑心拍的几好看的好爽打斗

據講這戲由漫畫改拍而成，亞人（Ajin) 係不死人，無論被打到甩皮甩骨，只要佢自殺，即刻啟動重設（reset)機制，又會重生（reborn)，幾有趣同有創意。其實創作者明知冇可能，但生命，尢其日本人，令人感悟如櫻花之短促易逝，若能死而復生，那對生之迷戀喜悅，就是此創作的原動力。此戲亦講到日本政府對亞人的對策，講一套做一套，好話說盡，壞事做盡，正如毛澤東有詞：太平世界，環球同此涼熱。世界各地政府都莫非如此，精英心態，雙重標準，人心不安，天下如何太平？但願亞人儆惡除奸，為人類作表樣。

奸角好出，有型，有謀略，男主以德報怨令人奇怪，整體不俗。

“亞人”呢套作品我係透過動畫版先接觸倒,睇動畫版嘅時候已經好鍾意,我都算係半個粉絲,當知道有真人版電影版嘅時候已經好興奮,等左咁耐終於上映啦,緊係要入場支持下啦。 睇完之後,堅係覺得正,意想不到地好睇,班演員演得好好,劇情鋪排得幾好,由頭打到尾(打鬥場面差吾多佔左90%),全程緊張刺激,真係一個電影嘅新體驗。 以往日本漫畫改編成嘅電影都被人叫做「爛片」,但呢套“亞人”嘅真人版感覺真係好吾同,全程都有打鬥場面,雖然“亞人”有好多劇情部分都刪除左,但睇落又幾順,都幾滿意下。 “亞人”裡面有好多角色都好鍾意,而最鍾意嘅角色應該就係奸角“佐藤”,之前見倒預告片入面嘅“佐藤”由後生十幾年嘅“綾野剛”飾演,本身真係有D擔心,由一個阿伯變左做後生仔真係估吾倒會點？？？但當我睇完之後就冇晒呢種感覺,“綾野剛”演“佐藤”真係演得好好,非常入型入格,神態上非常相似,雖然“佐藤”後生左好多,而身為都有好多改動,但就吾會影響對“佐藤”嘅觀感,至於“佐藤健”演“永井圭”感覺上就差左D,冇左個種冷酷無情嘅感覺,仲大左十幾年,最估吾倒嘅應該就係“永井圭”同阿妹“永井慧理子”嘅關係,喺漫畫版同動畫版“永井”同阿妹嘅關係都係好差,而真人電影版“永井”同阿妹嘅關係居然好好,真係估吾倒,雖然有D咁嘅改動,不過整體都滿意嘅。 總括嚟講,呢套戲係正嘅,好睇嘅,不論劇情定角色都好吸引,全程緊張刺激,冇悶場,真係好似原著,呢套戲就好推介啦,“亞人”嘅粉絲定要睇。