爆血新婚夜

前段直入主題唔廢話，中後段精彩刺激唔悶，意外驚喜嘅係仲有喜劇元素，不時有笑位緩和緊張氣氛。敵人簡直係智障級別，而女主角亦犯左個大錯(唔劇透), 當佢一場鬧劇咁睇可以~注意好多血腥核突場面(cult味濃) ，竟然唔係III級？4.6/5 (92分)

幾鍾意背景音樂創新題材血腥味足👀無唔夠

《爆血新婚夜/Ready Or Not》入場前排隊買飛， 撞著個流浪漢排喺前面輪候買飛，周身異味，隔離左右都要退避三舍，仲要係睇同一套電影，心情已經大打折扣，入到場觀看睇咗半個鐘頭…已經覺得係爛片，一路睇一路恰眼瞓，完全冇任何刺激場面，繼續係咁中眼瞓，成班屋企人都唔知喺度做乜，話要殺人又唔夠心狠手辣，一味得個講字，到頭來仲要全家死得不明不白，無厘頭的賣弄血腥，但所謂血腥只係得些血淋淋的畫面，總之血腥爆笑爆陰毒…係全部都冇嘅！難為導演可以諗得出個咁嘅家規出嚟，最後卒之冚家富貴收場，無一幸免，被追殺嘅反為冇事。

聽聞有錢人大多都好變態等等...由細到大都聽到都耳熟能詳，入場前期望值都非常高，可能定為並不清晰，攪到有小小大失所望，劇情是有點拖的，女主角走來走去，沒有驚悚感，加上經過三番四次捉完又放，十分累贅啦！又談不上算恐怖，爽片又不夠血腥，更沒有色情鹽花部分，只有最後攪返多小小血醬，可惜來得太遲，劇情是有小小猜不到，以為女主比人追殺，來個絕地反擊又不是，遊戲情節部分更弱爆，真的是三不象，總括來說可以算是一部荒誕奇情片吧！細節位B級片來說真是不錯，撒旦、羊頭、遊戲卡等等...尾段細節位亦連結出來，另片中果首High and seek音樂我都十分喜愛，可能係果仔呢排經常要玩，覺得幾得意幾特別！

預期之內，看得幾爽幾過癮的驚慄喜劇。留意番這是有喜劇元素的，若你只想看陰深恐怖血腥的話，這套不適合你。本身故事設定很有想法，豪宅大屋亦很有古堡感覺，血腥位是有的，女主角絕對唔係無穿無爛，羊棚一幕更是令人看得肉緊。其他細節如邪教儀式、Hide & Seek主題曲等都很不錯。個人最喜歡的是男主角兩兄弟的心理變化，情理之中但又令人心寒。值得一看的荒誕恐怖喜劇。更多影評在⬇️Facebook / Instagram : Mr.PolarKuma