不赦之罪

2.8⭐一套關於罪與罰、寬恕與仇恨題材嘅電影。導演/編劇刻意安排角色身份同宗教/意識形態嘅對立嚟產生戲劇效果。意念大膽，可惜處理麻麻，尤角色設計，心態同情感轉折處理突兀，尤其牧師兩公婆，開場同完場時完全兩個人，但中間心態轉變欠描寫。女兒個性反差亦太大，又冇解釋做乜要整蠱男主角，但整蠱完又冇好開心，欠解釋、欠描寫，男主角角色亦有點兒過份天真，尤其出獄後，只懂對牧師講"我唔知”、“我唔知可以點做"，似乎果幾年鐵窗生涯係白過，冇用過個腦。奇怪角色塑造/設定令我投入唔到角色內心世界。牧師夫婦同男主角三個角色關係仇深似海，但又擦唔出火花，拍唔出戲劇衝突效/茅盾果，尤其牧師同男主角，演出毫無戲劇性，好似各有各演咁。最後以黄秋生接載男主角作結尾亦有點模稜兩可，收得唔靚。整體本人覺得套戲係拍得唔係好完整，好多地方都怪怪地，能演嘅演員都冇乜表現，觀影感覺麻麻哋。導演/編劇下次努力！🙏PS. (含劇透)• 最令小弟覺得奇怪係男主角犯法，經過一輪警方調查同審訊過程，男主角竟然完全唔知到牧師兩公婆就係女同學嘅父母，難道兩公婆(受害人父母)都冇去過法庭作供，當面指控男主角？• 牧師突然眾目睽睽下大發神威企圖浸瓜男主角，意圖謀殺，屬嚴重刑事罪行，理應坐翻十碌八碌，但電影完全無提及，只講佢揸 Uber 接送男主角，好似怪怪她，差咁啲嘢咁。• 好多沙石，講唔哂。• 其實套戲只得84分鐘係偏短。呢個題材大可拍多20-30分鐘去加強人性刻畫同轉變同好多交代不足嘅劇情，令電影完成度提高。亦可以參考日式文藝片嘆慢板手法。

A very nice movie. Highly recommend it ! Altough movie pace is quite slow, it is asking huge philosophical question related to religion and ethic : does a crime can be totaly forgiven? Should each God message be taken as a trustworthy? Who really are the sinners? Performance of actors are amazing, especially Anthony Wong. Moreover film photography is beautiful. An intelligent HK movie that depicts the Christianism religion and his downard spiral in some cases.

我由幼稚園到高中都係讀基督教學校，天主教、新教都有，但一直冇受聖靈感動，最怕感恩，幸福時要多謝上帝恩典，不幸時要接受係考驗，聖經要你學耶穌，佛經要你去成佛，但我其實係凡人，壓抑唔到喜怒哀樂嘅流露，更唔願意奉獻時間和自由去侍奉比我更大能嘅諸神！我傾向文藝復興人本主義，咁難得嚟到世上，點解唔好好做人，孔子講得最好「未能事人，焉能事鬼」！宗教都傾向叫信徒唔好做人，做菩薩做聖人成佛成仙，總之唔係人😱😱😱俾我係黃秋生做嗰個牧師，一見面就打死個強姦犯，等到嗰個死仔居然話原諒我個女時，仲問點解？即刻劈死佢啦，仲忍咁耐等咁耐至爆發？電影企圖探討基督教嘅寬恕、救贖、犧牲、大愛⋯⋯冇做判決，留返俾觀眾自行決定，有趣嘅係指出上帝和耶穌兩父子互相矛盾嘅兩個面向，前者兇暴地消滅罪人，有罪必罰，例如大洪水和天火焚城（所多瑪和蛾摩拉），後者「愛你嘅敵人」「敵人冚咗你一巴，應該俾埋另一面俾佢冚」甚至犧牲自己去幫世人贖罪⋯⋯咁你叫牧師同信徒跟邊個呢？結果牧師都係揀咗比較人性嘅上帝，不過冷靜下來又扮返耶穌啫！導演好大膽咁透過阿女還魂叫牧師唔好咁死板，無需跟足聖經、教條⋯唔好迫得自己咁死😱😱😱故事題材唔錯，好有討論空間，可惜編劇和導演都未夠功力，秋生接哩套戲可能覺得有機會再做影帝，但電影冇描寫佢點樣被信仰壓抑怒火，亦冇鋪排佢點樣去到最後忍無可忍，難為秋生根本冇機會發揮！反而蘇玉華只有幾個shots，但一出場就係焦點！另外，新人區鎮灝都有中上表現，反而另一位新人陳書昕俾個集天使與魔鬼於一身嘅角色所累，交唔出有說服力嘅表現。最鍾意個結局，喺「神嘅旨意下」，牧師同阿樂再巧遇，一齊默默無言咁走咗一段，然之後各行各路，繼續向前走人生嘅路，的確受害人和加害者不必糾纏，即使偶然交集，都可以碰見了即刻分開，不必勉強講拜拜或乞求原諒！

先講演員發揮，黃秋生同蘇玉華表現唔在講，真係好好戲，每一個表情、每一次嘆氣、每一次眼眉抽搐都係做緊戲，真係好精彩！兩位小演員發揮都唔錯，有前途啊！相信有前途嘅，仲有呢個新晉導演，透過宗教信仰帶出贖罪、寬恕、倫理同道德呢啲主題，到底犯下罪過的人點樣可以得到重生？得到別人原諒？就算牧師都係人，至親面前就算有幾大愛，原來最後心理防線都係會失守，其實電影只係得84分鐘，但後勁凌厲，值得細味！而最後一幕高潮位真係好正，睇嗰陣我都諗會唔會咁順攤，點知真係一野反轉！整套電影其實帶咗好多道理，呢啲小品製作值得大家入場支持同思考！

但一路睇落去，就係想睇吓呢個故事可以寫到幾遠，可惜套戲亦只維持响八十零分鐘左右！到最後仲有d虎頭蛇尾。。 演員演出係好就無用置疑了！單是兩位就已經殺哂！不過兩位後生仔就只係點到即止，尚是年輕！有待磨練中。 不知是導演刻意還是其他原因，成套戲d燈光都較得比較黑暗，吖人看時有d辛苦！總括來請~可以入塲支持吓本池制作嘅！但不要抱好大嘅期望看本片便可以了。。